ІІІ. Жаңа түсініктер мен әрекеттердің қалыптасуы (Оқып үйренетін жаңа түсініктер, оны меңгеру әдістері мен білім деңгейінің артуы көрсетіледі. Оқушылардың міндетті білім, біліктілігі, жаңа сабақты оқытудың тәсілдері, тірек сигналдарын пайдалану, тірек сызбасын және тірек конспектісінің материалдары нақты анықталады.) Оқулықтың төртінші бетін ашып қарай қойыңдар. Дәптерімізді ашып, бүгінгі күннің ретін жазайық. Сабақтың тақырыбы: Шешендік сөзге қойылатын талаптар
Балалар, жаңа сабағымызды ойын түрінде жалғастырайық. Бұл ойын түрі «Қарлы кесек» деп аталады. Ойынның мақсаты – оқушылардың сөздік қорын байыту, тілін дамыту. Бірін - бірі, өзін - өзі оқыту, тексеру, бағалау, дағдыларын қалыптастыру.
Оқушыларға бес бөлікке бөлінген бір мәтін беріледі. Әр оқушы өзіне берілген тақырыпты 10 минут ішінде оқып, бір - біріне түсіндіреді. Мұғалім оқушылардың қалай оқып, түсіндіріп жатқанын бақылайды. Соңынан әр топтан бір оқушы тұрып, мәтіннен түсінік айтады, мұғалімнің мәтін бойынша қойған сұрағына барлық топ мүшелері жауап береді.
Шешендік сөздегі әр сөйлемде қамтылған сөздер айтылмақ ойдың бірден бір дәл қондырған бөлшегі тәрізді болуы керек.
