Сабақтың тақырыбы: Діни білім тәрбие бастауы Сабақтың мақсаты

Сабақтың түрі: Ашық сабақ

Бір Аллаһ болсын жүректе

Ауыл имамы Т. Байсарсенов, «Дін не үшін адамзатқа керек?»

Асел: «Лә Иләһи илләллаһ,

Бір Алланың арқасы

Айбек:
Мұсылман болып бір беті,

Қайда кеткен халқымның,

Ақерке:
Имани жыр «Құдірет»

5. Аллаһ кімдерді сүймейді (оқушылар өз ойларын ортаға салып дұрыс пікірлерін қалыптастырады)

Аллаһ кімдерді сүйеді

Қорытынды.

Діни білім – тәрбие бастауы

Жеке тұлғаның мейірімді, ізгі қасиеттері мол, адамгершілік қасиеттері жақсы дамуы үшін дінтану сабағының тигізер әсері зор деп білеміз.

Дін мен ғылым. Діннің зерттеу нысаны рух, ал ғылым тәнді зерттейді. Дін жүрекке, ғылым миға әсер етеді. Екеуінің де мақсаты – адамды сенімге әкелу болғандықтан, олардың арасында қайшылық жоқ. Оларды біріктіретін руханият.

Рух – Аллаһ тағаланың қуаты. Оны исламда «Жаратқанның шапағат нұры» деп атайды. Осы нұрдан келіп барлық болмыс, көріністер шығады.

Сыйынарымыз – Алла, тегіміз – түрік – табынарымыз – қасиетті Құран Кәрім. Бүгінгі дінтану сабағымыз қасиетті Құран Кәрім жайында болмақ.

Қандай іске кіріссең де Бисмиллаһир – рахманир – рахим деп бастасаң, сонда сол істің сауабы тиеді, істеген ісің жақсылыққа бастайды. Міне, біз де бүгінгі сабағымызды де Бисмиллаһир – рахманир – рахим деп бастаймыз.

Кітап

Құран – Ислам дінінің ең негізгі басты кітабы. Ол діннің ғана емес, араб әдебиетінің классикалық үлгісі. Дүние кілті – Құранда. Ішінде қазына жатыр. Кілтті ал да, ашып қара. Құр сәнге қойғаннан пайдасы жоқ. Пайдасы – ішіндегі қасиетті сөзінде. Оны жаны да, тәні де таза пенде парақтап, ішіндегі ұлы сөзді бойына сіңіргенде ғана киелі ілімнің қасиеті дарымақ.

Мұхаммед хадистерінде 10 түрлі мәселе туралы айтылған:

• 
  Ғылым – білім;
  
• 
  Әйел, ана, қыз;
  
• 
  Нарық, сауда, байлық;
  
• 
  Бақыт – бақытсыздық;
  
• 
  Жақсы – жаман;
  
• 
  Арақ – шарап;
  
• 
  Бала;
  
• 
  Ауру;
  
• 
  Дін;
  
• 
  Ар – ұят.
  

Раушан гүл

Раушан – гүлдердің патшасы. Ол ислам дініне тікелей байланысты. Оның сұлулығы мен иісі пайғамбарымызға тән. Әли ибн Әбу Тәлібтен жеткен хадисте пайғамбарымыз: «Мен миғражға көтерілген түні жерге менің терім тамды және ол жерден раушан гүлі өсіп шықты. Кімде – кім менің иісім қандай екенін білгісі келсе, раушан гүлін иіскесін», - деген.

Енді Құран Кәрімдегі сөздердің мағынасын ашып түсіну үшін сөздікпен жұмыс жасайық.

Алла – Ислам діні ұғымында күллі ғаламды жаратушы. Бәрі де бір Алланың құдіретімен болмақ. Голландық психолог, Құран құпияларын зерттеп жүрген Мұсылман емес ғалымдардың бірі Құранды оқып және «Аллаһ» сөзіне қатысты жаңалық ашқан. Оның айтуынша арабша әріп танитын және үнемі Құран оқитын адамдар психологиялық ауруларға шалдықпайды екен.

Психологтың пайымдауынша, «Аллаһ» сөзінің бірінші «А» әрпі тыныс алу жүйесінің жұмысына оң ықпал тигізеді. Одан кейінгі екі «л» әрпі тыныс алуға сәл іркіліс жасайды, бұның да денсаулыққа пайдасы зор дейді. Соңғы «һ» әрпі өкпе мен жүректі бір – біріне жанастырып, өз кезегінжде жүректің соғысын реттейді екен.

Психолог ғалымның зерттеуін өз тәжірибемізде қолданып көрейік.

Уаһи – хабар (пайғамбарымызға аян беріп, құлағына Жәбірейіл періште сыбырлап айтқан).

Сахаба – пайғамбарымыздың әрдайым қасында жүріп, уағыздары мен соғыс жорықтарына қатысып, ислам дініне үлес қосқан серіктері.

Хафиз – Құранды жаттап, үнемі есінде сақтағн адам.

Қари – Құранды жаттап, оны жеті түрлі әуенге салып оқушы адам. (музыка)

Ғайып – Көзбен көрмесек те жүрекпен сезінетін әлем. (гүлдердің ашылып - жабылуы)

Сапиолла – Адам атаның шын аты.

Уасуаса – азғыру.

Ислам дінінің маңызы мен тәрбиелік мәнін әлемдік деңгейде ой толғаған ұлы тұлғалардың өздері де мойындаған. Лев Толстой Құранмен терең танысып, Мұхаммедтің шын мәніндегі пайғамбар екенін түсінген, Ислам дінін мойындаған. Құранды Гете неміс тілінде, Пушкин орыс тілінде, Абай, Шәкәрім қазақ тілінде жырға қосқан.

Шәкәрім Құдайбердіұлының «Иманым» атты өлеңінен аудиодыбыстан үзінді

Қырықтан соңғы иманым –

Отыз жылдай жиғаным.

Көп ғалымның сөзінің

Ақылға алдым сыйғанын.

Молдалардың әдісін,

Әулиелік жәдісін,

Алмадым ақыл тыйғанын.

Айтса қандай ғалым зат

Даусыз таза хақиқат

Жолында жанды қиғаным.

Сабағымыздың қорытындысы ретінде сөзжұмбақ шешуді ұсынамын.

Сөзжұмбақ – 17 – 27 слайдтар

1. Ислам дінінің қасиетті, негізгі бас кітабы (Құран)

2. Меккеде ең алғаш мешіт салдырған, Абайдың әкесі (Құнанбай)

3. Бес парыздың бірі (Ораза)

4. Меккедегі сыйынатын қасиетті тас (Қағба)

5. Пайғамбардың анасы (Әмина)

6. Пайғамбар қай жерде дүниеге келді? (Мекке)

7. Екі рет қажылыққа барған Абайдың немере інісі (Шәкәрім)

8. Құранды жаттап, оны жеті түрлі әуенге салып оқушы адам (Қари)

9. Рамазан айында әр жан басының амандығына берілетін садақа (Пітір)

10. Пайғамбарымыз кім? (Мұхаммед)

«Батамен ер көгерер, жаңбырмен жер көгерер» дейді халық мақалы. Дұға оқып, бата жасау қазақ халқының ең маңызды бір дәстүрі болып табылады.

О. Жасаған құдайым,

Өзіңнен медет сұраймын.

Пәле - жаладан, қауіп - қатерден,

Күле жүріп күңіренгеннен сақта.

Иә, бабам бағып жүр,

Адассақ жолға салып жүр,

Пәлекет тисе егер де,

Қанатыңмен қағып жүр,

Жарлы қылмай малды қыл,

Топ ішінде көсем қыл.

Дұшпандарға сөз бермей,

Сөзге жүйрік шешен қыл!

Дұға оқылып, бата жасалғанда ізгі тілекке көп болып атсалысады.

Алла тағала да «көптің тілеуін берейін» деген. Біздің де тілегіміз қабыл болсын!