5.1.1.15 санның жуық мәні ұғымын меңгеру;
5.1.2.32 ондық бөлшектерді берілген разрядқа дейін дөңгелектеу.
Сабақтың мақсаты:
Барлық оқушылар үшін: Оқушыларға ондық бөлшекті дөңгелектеудің ережесін есепте қолдану бойынша білім-біліктіліктілігін қалыптастыру.
Дөңгелектеудің ережелерін игерте отырып практикада кеңінен қолдануға және ойлау,есте сақтау,зейінділік қабілеттерін дамыту
Көпшілік оқушылар үшін: Топта жұмыс істеу арқылы ізденеді, біледі, түсінеді және мәтінмен жұмыс істеу арқылы пәнге қызығушылығы артады
Кейбір оқушылар үшін: Ондық бөлшектерді дөңгелектеу ережесі бойынша бірден жазуға дағдындыру
Білім беруде АКТ-ны пайдалану;
Өзін-өзі бағалауға немесе өзара бағалауға ынталандыру.
Мақсаты: Оқушылар бір-біріне тілек білдіреді, тыңдау дағдыларын дамытуға бағытталады, сондай-ақ барлық оқушылардың қатыстырылуы арқылы сабаққа белсенділігі артады.
Тиімділігі:Оқушылар бір-біріне тілек айту арқылы жақындасады, көңіл-күйін көтереді және бауырмалдығын оятады.
Саралау: Бұл жерде саралаудың «Жіктеу» тәсілі көрінеді. Оқушылардың оқуға деген қызығушылығын арттыру мақсатында мүмкіндігінше оларға таңдау еркіндігі беріледі.
(Ұ) «Миға шабуыл» әдісі арқылы өткен тақырыппен жаңа сабақты байланыстыру мақсатында ой қозғау сұрақтарын ұжымдық талқылау. Оқушыларға жалпылама төмендегі сұрақтар және жаттығу түрлері беріледі. Әр оқушы өз оймен бөліседі.
Өзгенің пікірін толықтырады.
Оқушылар сұрақтарға жауап беріп, өзара ұжымдық талқылау жасағаннан кейін мұғалім оқушыларға сабақтың тақырыбы, мақсатымен таныстырады.
1. Ондық бөлшектер қандай разрядтарға дейін дөңгелектенеді?
2.Ондық бөлшектерді дөңгелектеу ережесін айтып беріңдер.
3. Қалдырылған соңғы цифрдан кейін 7 цифры тұрса, ондық бөлшек қалай дөңгелектенеді?
