Көп мөлшердегі майда қуыру (фритюрде қуыру).
Алдын – ала 160 – 1800С температураға дейін қыздырылған майға өнімді толықтай батырып салады. Бұл жағдайда өнімнің барлық бетінде бір мезгілде қуырма қабық пайда болады.
Көп майда қуыруға картопты, балықты, сондай – ақ ұн өнімдерін самса (пирожки), жұмсақ тоқаш (пончики) толық дайындыққа жеткізу үшін кең көлемде қолданылады. Бұл жағдайда мезгіл – мезгіл және үздіксіз жұмыс істейтін аппараттар қолданылады.
Ашық отта қуыру. Өнімді металл білікке (ось) не кәуапсымға кигізіп не майланған торкөзге салып қуырады. Білікті (білеуді) не торкөзді қатты қызған көмір немесе арнайы аппараттағы электрширатпа не электр қуыру қорабында (электрогрилде) үстіне қойып қуырады.
