Емдік балшықтар - жылуды тасымалдаушы қасиеті және биологиялық белсенді заттары (тұз, газ, биостимулятор) және тірі микроорганизмдері бар табиғи органикалық-минералды коллоидты құрылым.
Емдік балшықтар келесі үш компоненттен тұрады: кристалды «қаңқа», коллоидты комплекс және балшық ерітіндісі. Кристалды «қаңқа» мөлшері 0,01мм болатын органикалық емес бөлшектерден, өсімдік және жануар текті органикалық қалдықтардан (гипс, кальций, доломит, фосфаттар, силикатты және карбонитті бөлшектер және т.б.) тұрады. Коллоидты комплекс — көлемі 0,01 мм болатын балшықтың жіңішке дисперсті бөлігі (органикалық заттар, темір гидроксиді, алюминий және т.б.). Балшық ерітіндісі - судан және оларда еріген минералды тұздар, органикалық заттар, газдардан тұратын балшықтың сұйық бөлігі. Осы ерітіндідегі заттар теріге алғаш әсер етеді және тері арқылы организмге сіңеді.
Тегі бойынша балшықтар келесідей топталады: тұнба (лай), шымтезек (торфты) және псевдовулкандық.
Достарыңызбен бөлісу: |
