Сапалы эссе жазу ұсыныстары

Абзацты қорытындылайтын сөйлем

жүктеу/скачать 39,2 Kb.

бет	4/9
Дата	19.10.2022
өлшемі	39,2 Kb.
	#153794

1 2 3 4 5 6 7 8 9

Байланысты:
эссеге керек

Абзацты қорытындылайтын сөйлем:

Демек, ойлану, шындықпен бетпе-бет келу, байлам жасау – ерлікке апаратын жол, ендеше осының кемінде біреуін әр адам өз өмірінде жасайтыны даусыз.

Қорытынды бөлім

Тезиске қайта оралып, ойды түйіндеу:

Қорыта айтқанда, әр адам ерлік жасауға қабілетті.

Эссені қорытындылаушы ой түйіні:

Ерлік әртүрлі сипатта болады: майданда жеңіс үшін, бейбіт өмірде қоғам мүдделері тұрғысынан да жүзеге асырылады. Меніңше, өмірдегі басты ерлік – адами адал болмысты сақтау! Қайрат, ақыл серік болсын!

Эссені аяқтау ерекшелігі:

Қайрат, ақыл серік болсын!
(Бұл сөйлемнің рөлі зор, алдағы өмір өлшемі тұрғысынан жауапкершілікті сезіну, өзіне-өзі рух беру, ойландыру, серпіліс тудыру мақсатында «Осы ерлікке дайынбыз ба?» деген сұраулы сөйлеммен аяқтауға да болатын еді, алайда жазба иесі жеке жауапкершілікті сезініп, өз шешімін жасады. Ой тұжырымын өзін-өзі қамшылау, өмір ұстанымын таңдау арқылы тың бағытта бере алды. Осының өзі – қоғамның жүгін көтере білетін тұлғаға тән әрекет. Қоғамға үлгі болып, достарын ынталандыруы – өзіндік тың шешім).

Эссе жазуда ескеретін 10 мәлімет

Эссе – оқырманмен диалог. Ол түсінікті, айқын, қарапайым әрі мәнді болса тез қабылданады.
Эссе – жазба иесінің жеке пікірі, азаматтық көзқарасы, ойын жеткізуде ешкімге ұқсамайтын ерекшелігін танытатын «пікір білдіру алаңы».
Эссе жазудан тартынба: тек эссе жазу қадамдары мен тәсілдерін танып білуге зейін қою керек.
Әр бөлімде ой жинақылығы, дәлдік және «ой сүзгісінен» өткен тұжырымды пікірлер басымдыққа ие болады.
Эссенің мақсаты – тақырыпты ашу, мазмұн дәлдігі, мәтін логикасы және қойылған талаптар үдесінен шығу.
Эссенің құрылымдық талаптарын сақтай отырып, тақырыпқа қатысты пікірлер негізінде өзіндік тұжырымын жасай білген, тың ой, ерекше идея, пародокс-сауалдар туындататын еңбек – бағалы туынды.
Эссе жазуда тұжырымды пікір айту осы тақырыпқа қатысты деректер көзі, материалдар және жан-жақты мәліметтермен барынша таныс болуды қажет етеді.
Эссе мен шығарманың айырмашылықтарын ескеру керек. Шығарманың өн бойында бейнелі ой, қанатты сөздер молынан кездессе (сөз саны шектелген), эсседе бейнелі, метафоралық қолданыс аз кездеседі. Өйткені нақтылық пен дәйекті дәлелге басымдық беріледі.
Шығармада сөз шектелмейді. Эсседе сөз саны шектеледі. Сол себепті эсседе ой нақтыланып, сөйлем сұрыпталып беріліп, тұжырымдалған пікір нағыз «тоқсан ауыз сөздің тобықтай түйіні» болып табылады.
Ойдың жүйелі (тақырыпты түсінуі, талдап қарауы, идеяны анықтау, орынды дәлелдер және т.б.) және ойды жеткізу шынайылығының болуы.

жүктеу/скачать 39,2 Kb.

Достарыңызбен бөлісу:

1 2 3 4 5 6 7 8 9