Сәтбаев қаласының орталықтандырылған кітапхана жүйесі Сәтбаев қаласының Құрметті азаматтары
жүктеу/скачать 10,42 Mb.
|
- Бұл бет үшін навигация:
- Оразбекова Мәрияш Оразбекқызы
- Отарбаев Дүйсен Өмірзақұлы
- Савчук Григорий Гаврилович
Мусин Төлебай Камалұлы 
Заңгер-құқық зерттеуші. Милиция үздігі. 1953 жылы 10 тамызда Жаңарқа ауданы Жомарт поселкесінде туған. 1975 жылы КСРО ІІМ-нің Қарағанды жоғарғы мектебін бітіргенсін, Жезқазған облысы ІІБ-на (УВД) жіберілді. 1975-1994ж. – Сәтбаев қаласының қылмысты анықтау инспекторы, аға инспектор, бастық орынбасары және бастық болды. 1979 жылы тергеу жұмысына ауысты, тергеуші, тергеу бөлімі бастығының орынбасары және бастығы болып еңбек етті. 1989-1994ж.- Жезқазған облысы ІІБ-ның ерекге маңызды істер жөніндегі тергеу бөлімінің аға тергеушісі, Сәтбаев ҚІІБ-ның (ГОВД) тергеу ісі бастығының орынбасары болды. 1994 жылдан құрметті демалысқа шыққанша Жезқазған облысы ІІБ-сы тергеу бөлімі бастығының орынбасары, тергеу басқармасы бастығы, Жезқазған облысы МТБК (УГСК) бастығының орынбасары, Жезқазған қаласы ІІБ-сы бастығының бірінші орынбасары болып еңбек етті. Көп жылғы сіңірген еңбегі үшін КСРО Ішкі істер Министрлігінің үш дәрежелі медальдарымен, «ІІМ-дегі үздік қызметі үшін» төсбелгісімен марапатталған. Оразбекова Мәрияш Оразбекқызы 
Жоғарғы санатты дәрігер-фтизиатр. ҚР-сы денсаулық сақтау ісінің үздігі. 1946 жылы 20 желтоқсанда Жезқазған поселкесінде туған, осы елді мекендегі №7 қазақ орта мектебін бітіріп 1964 жылы Қарағанды медицина интитутының емдеу ісі факультетіне түсті. Еңбек жолын 1970 жылы институтты бітіргенсін Жезқазған аймағы денсаулық сақтау саласында бастады. Қазақ КСР кәсіподақ ОК-нің (ЦК) құрмет грамотасымен Жезқазған аймақтық медицина бірлестігінің алғыстары, облыстық денсаулық сақтау басқармасының, Сәтбаев қаласы әкімінің, қалалық денсаулық сақтау бөлімінің грамоталарымен марапатталған. 1976 жылдан Сәтбаев қаласының туберкулезді емдеу диспансерінде жұмыс істейді. Отарбаев Дүйсен Өмірзақұлы  Кенші. Үш дүркін «Кенші даңқы» белгісінің иегері. 1962 жылы 18 қазақнда Жезді поселкесінде туған. Сәтбаев қаласындағы №3 кәсіптік-техникалық училищесін бітіріп, КСРО Қарулы күштер қатарында әскери борышын өтеді. Еңбек жолын 1984 жылы Оңтүстік Жезқазған кеніші тазартым забойы жұмысшысының көмекшісі болып бастады. 2004 жылы ҚР-сы Президентінің жарлығы мен ҚР Құрмет грамотасымен марапатталды.
Савчук Григорий Гаврилович  Инженер-экономист. Еңбек ардагері. 1927 жылы 3 тамызда Укринаның Станиславский облысы Галиченский ауданында туған. 1947 жылы Қарағанды облысы Никольский поселкесіне келді. Жезқазған тау-кен техникумын, Алматы халық шаруашылығы институтын бітірген. Еңбек жолын «ЖЦМ» ӨБ жүйесінде 1955 жылы жерасты нормалаушысы болып бастап, № 42 шахтаның аға нормалаушысы, ОЖК (ЮЖР), ШЖК (ВЖР), Анненский кенішінде еңбек және жалақы төлеу бөлімінің бастығы болып еңбек етті. 2001 жылы «Қазақмыс» корпорациясы басқарушысының көмекшісі болды. 2003 жылдан Оңтүстік Жезқазған кеніші еңбек және жалақы төлеу бөлімінің бастығы қызметін атқарды. 3-ші дәрежелі «Кенші даңқы» құрмет белгісімен марапатталған.
жүктеу/скачать 10,42 Mb. Достарыңызбен бөлісу:
|