Ең алғаш инфографиканы 1982 жылы USA Today газетінің баспагерлері қолдана бастады. Осының арқасында газет ең көп оқылатын басылымдардың үздік бестігінің қатарына енді.
Уақыт өткен сайын инфографика тек қана технология мен бизнес емес, сонымен қатар өнер екені де анықтала бастады. Сонымен бірге осы өнерді жетік меңгеру баспа бизнесінің табысына тікелей әсер ететіні де анық болды. Сондықтан «Эсквайр» және «Нью-Йоркер» сияқты журналдар инфографиканы жасау жұмысын идеяның авторы болып табылатын бір журналист пен 3-4 дизайнерге тапсырады.
Бірақ инфографика тек қана кәсіби дизайнерлердің қолынан келетін шаруа ғана емес, оны қызығушылық танытқан, үйренемін деген әрбір маман да жасай алады.
Соңғы кезде бұл тенденция журналисттер арасында кеңінен тарап жатыр. Түрлі семинарлар, мастер-кластар өткізіліп, инфографиканы жасау жолдары түсіндірілуде.
ИНФОГРАФИКАНЫҢ ТИІМДІЛІГІ Инфографика – күрделі ақпараттардың қарапайым және тартымды нұсқадағы визуалды мазмұны. Мұнда креативті суреттер, түрлі формалар, белгілер қолданылады. Пайыздық көрсеткіш, сандар, салыстыру, баға, индекс – қабылдауға қиын ақпараттар. Оларды сөзбен жазу іш пыстырады және оқырманды шатастырады. Ал инфографика бұл мәселенің тиімді шешімі. Миымыз қабылдайтын ақпараттың 90%-ы визуалды ақпарат екені белгілі. Себебі сенсорлық рецепторлардың 70%-ның көзде орналасуы оның қабылдануы мен меңгерілуін біршама жеңілдетеді. Сурет қарапайым мәтінге қарағанда 60 000 есеге жылдам өңделеді. Презентациядағы инфографика дегеніміз не? Бұл – оқырманның 40%-ы позитивті қабылдайтын суреттер жинағы. Қарапайым суретті өңдеу үшін адамға 13 миллисекунд қажет, абстрактілі белгілер үшін миға 150 миллисекунд, ал оларды түсінуге тағы 100 миллисекунд керек. Суреттің артықшылығы Кез келген адам 65% ақпаратты көру мүшесі арқылы қабылдауының өзі тірі, визуалды презентацияның артықшылығын көрсетеді. «Тірі» презентациялар немесе «сөйлейтін суреттер» оқырмандардың 50%-ына оң әсер етеді. Ал мәтін негізінде құрылған контент тек 20% оқырманның есінде сақталады. Шығаратын қорытынды: таргет-топтардың қабылдауы үшін ақпараттың визуалды түрде берілгені дұрыс.
ИНФОГРАФИКАНЫ ТЕГІН ЖАСАУ СЕРВИСТЕРІ Қазіргі таңда интернет желісінде инфографика жасау сервистері жеткілікті.Олардың арасында көптеген сайттарда тегін жұмыс жасауға болады,қосымша мүмкіндіктерді пайдаланғыңыз келсе,онда ақшасын төлеп,белгілі бір уақытқа жазылым (подписка) алсаңыз болады. Инфографика жасауға арналған сервистер: 1. Сanva Өте танымал тегін сервис. Онда шаблондар мен суреттердің үлкен қоры бар. Маңызды артықшылығы — орыс тіліндегі интерфейстің болуы. Инфографикадан басқа презентациялар, түйіндемелер, плакаттар және басқаларын жасауға көмектеседі.
2. Easel.ly Инфографика жасауға арналған танымал сервистердің бірі. Таңдалған шаблонға қажетті белгілерді,нұсқауыштармен мен қолтаңбаларды қосу арқылы инфографиканы тез жинай аласыз. Сондай-ақ, тегін шаблондар, суреттер, белгішелер мен қаріптердің үлкен қоры бар. Орыс тілінің болмауына қарамастан, интерфейс түсінікті және ағылшын тілін минималды білушілерге де қиындық тудыра қоймайды.
3. Piktochart Аналитикалық инфографиканы құруға өте ыңғайлы сервис. Деректерді Excel файлы ретінде жүктеуге мүмкіндік береді. Негізгі функциялар тегін; ақылы жазылымды рәсімдеу арқылы сіз қосымша мүмкіндіктер ала аласыз.
4. Venngage
Инфографиканы үш қарапайым қадаммен жасауға мүмкіндік беретін өте ыңғайлы қызмет. Пайдаланушыға көптеген шаблондар, тіпті оларды өзіңіз конфигурациялау, түс схемасын өзгерту мүмкіндігі ұсынылады. Бұл үлгіні қолдануға қарамастан, бірегей суретті жасауға мүмкіндік береді. Сервис толығымен тегін және орыс тілінде жұмыс жасауға болады.
5. Creately Диаграммалар мен әртүрлі схемаларды, соның ішінде өте күрделі схемаларды жасау үшін өте қолайлы. Бұл жобаның қажеттіліктері үшін қарапайым шаблондық фигураларды өзгерту мүмкіндігінің арқасында шығармашылыққа кең мүмкіндік береді. Базалық нұсқа тегін, орыс тілі жоқ, бірақ интерфейс қарапайым.
