Үлгерімді кезеңдік қадағалау, пән мұғалімдеріне ұсынымдар беру

Білім беру мекемесінде мүмкіндігі шектеулі балаларға медико-педагогикалық қолдау көрсетіп, баланы оқыту мерзімі бойы қадағалайтын қызмет құрылды.

Қолдау қызметінің құрамына төмендегідей мамандар кіреді:

- педагог-психолог,

- әлеуметтік педагог,

- медициналық қызметкер,

- сынып жетекшілері.

Баланы кешенді зерттеу, баланың ең адекватты проблемаларын, жұмыс әдістерін таңдау, балалардың жеке психологиялық ерекшеліктерін ескере отырып білім беру мазмұнын іріктеу мектептің психологиялық-медициналық-педагогикалық консилиумында жүзеге асырылады.

Мектепте оқытылатын мүмкіндігі шектеулі балаға психологиялық-педагогикалық қолдау көрсетудің мақсаты – баланың толыққанды дамуына жағдай жасау, оны әлеуметке (социумға) табысты сіңісуін қамтамасыз ету.

Оқушыға психологиялық-педагогикалық қолдау көрсетуге мыналар енеді:

• 
  тұлғаның когнитивті-танымдық ерекшелігін диагностикалау, педагогикалық байқаулар;
  
• 
  тұлғаның дамуына, оқыту табыстылығына қолайлы әлеуметтік-педагогикалық жағдай жасау;
  
• 
  балаға нақты психологиялық-педагогикалық көмек көрсету.
  

Оқыту мерзімінде қызметтің негізгі бағыттары болып табылады:

1. Оқушылар тұлғасының танымдық, мотивациялық және эмоционалдық-еріктік жақтарын (өрісін, аясын) диагностикалау.

2. Аналитикалық жұмыс.

3. Ұйымдастыру жұмысы ( білім беру үдерісінің барлық қатысушыларына бағытталған мектептің бірыңғай өрісін құру - мектепішілік психологиялық-медициналық-педагогикалық консилиум, үлкен жіне кіші педагогикалық кеңес, оқыту семинарлары, әкімшілік, педагог, ата-аналармен кеңестер өткізу).

4. Педагогтар, оқушылар және ата-аналарға кеңес беру жұмыстары.

5. Алдын алу жұмыстары (тұлғааралық өзара әрекет мәселелерін шешуге бағытталған бағдарламаларды жүзеге асыру).

6. Түзету-дамыту жұмыстары (мектепке бейімделуде қиыншылық көретін оқушылармен жеке және топтық жұмыс).

Мүмкіндігі шектеулі балаға психологиялық-педагогикалық қолдау көрсетуді психологиялық-педагогикалық қолдаудың кешенді технологиясы және бала мен ата-аналарға түрлі сала мамандары тарапынан дамыту, оқыту, тәрбиелеу, әлеуметтендіру мәселелерін шешудегі көмек ретінде қарастыруға болады.

Білім беру мекемесіндегі мүмкіндіктері шектеулі балалардың тиімді интеграциялауын қамтамасыз етуде бұл санаттағы балаларға арналған білім беру үдерісінің ерекшеліктері туралы білім беру үдерісінің барлық қатысушылары – оқытылушылар (дамуында кемшілігі бар балалармен қатар, кемшілігі жоқ балалар), олардың ата-аналары (заңды өкілдері), педагогикалық қызметкерлермен ақпараттық, ағарту, түсіндірме жұмыстарын өткізудің маңызы зор.