Тақырыбы: "Ормандағы жабайы жануарлар" Білім саласы: Тіл дамыту



Дата25.03.2017
өлшемі75,11 Kb.
#12311
түріСабақ



Тақырыбы: "Ормандағы жабайы жануарлар"

Білім саласы: Тіл дамыту
Мақсаты: Әр аңның атын дұрыс атауға жаттықтыру және олардың тіршілік

ететін ортасы туралы түсініктерін бекіту. Жабайы аңдарға байланысты көрнекіліктер пайдалана отырып, балалардың ой –өрісін дамыту.


Түзету-білімділік:

Аңдардың атауларын меңгертіп, олардың тіршілік ететін

ортасын, немен қоректенетіні туралы мәлімет беру. Сөйлеу дағдыларын қалыптастыру. Ауызекі сөйлеу тілдерін дамыту. Қандай? Қайда? Ненің? сұрақтарына түсініп жауап беруге дағдыландыру.

Түзету-дамытушылық:

Қисынды ойлау қабілетін қалыптастыру, ой-өрісін дамыту.Салыстыру, қорытынды жасай білуге үйрету. Есте сақтау қабілетін дамыту. Сөздік қорын байыту. Танымдық деңгейін арттыру.ҰҚМ дамыту.



Тәрбиелік:

Балалардың аңдарға деген сүйіспеншілік сезімдерін арттырып, қоршаған орта, аңдарға деген сүйіспеншілік сезімін ояту,оларға қамқорлықпен қарауға тәрбиелеу.



Сабақтың түрі: Ашық сабақ.Жаңа сабақ.

Әдістері:сұрақ-жауап,көрнекілік,қорытынды жасау,салыстыру,шығармашылық.

Көрнекілігі: Суреттер,слайд, тірек сөздер

Сабақтың барысы

І . Ұйымдастыру кезеңі.

Сабақ әуенмен басталады.



Шаттық шеңбері: - Балалар,бір- бірлеріңе бұрылып, достарыңа күлімдеңдер.Сендердің жүректеріңде әрқашан жеңілдік ,қуаныш болсын және де сабақ бойы достарыңның жан жылулығы қолдау болсын.

- Сабаққа қандай көңіл күймен келдіңдер? Жақсы,ендеше сабағымызды да жақсы көңіл- күймен бастайық.

Денемізді тік ұстап, қолымыз партаның үстінде, аяқтарымыз түзу болсын, ұмытпаңдар.
ІІ. Өткен материалдарды қайталау

1.Оқушыларға үй жануарлары, төлдердің атаулары жазылған сөздер

таратылады.(қой,қозы,ешкі, лақ,жылқы,құлын,сиыр,бұзау,торай,түйе,

бота,ит,күшік,мысық, мырғау) Оларды сәйкестіріп екі бағанға тізу керек.

2.Үй жануарларын сипаттап айтып беру.


Үй жануарлары

Төлдері

қой

қозы

ешкі

лақ

жылқы

құлын

сиыр

бұзау

шошка

торай

түйе

бота

ит

күшік

мысық

марғау

ІІІ. Жаңа сабақ

Сабақтың мақсаты:Бүгінгі сабағымызда біз орманға саяхатқа шығамыз. Осы барыста қойылған сұрақтарға жауап бере отырып жаңа сабағымыздың тақырыбын өздерің табатын боласыңдар.

- Көзге арналған жаттығулар.



Жұмбақ шешу:
Жұмбақ шешу.

а) Жазда қыдырады,


Қыста тынығады. (Аю)
ә) Орғыған қорқақ, көзі қыли,
Қыс пен жазда екі түрлі тон киеді. (Қоян)
б) Бұтақтан – бұтаға секірген,
Кішкентай ғана шапшаң аң, (Тиін)
в) Құйрығы сылаң – сылаң етеді,
Барлығын алдап кетеді. (Түлкі)
г) Аузы бейне шалғы орақ,
Шөп емес бірақ малды орады. (Қасқыр)
Жұмбақтың шешуін тапқан әр бала сол аңның суретін тақтаға іледі және сұрақтарға жауап береді.(Қайда мекендейді? Немен қоректенеді?).

-Бұлардың барлығын қандай жануарлар деп атаймыз? (оқушы-ң жауабы).

Яғни, балалар бүгін біз сабақта жабайы жануарлар жайлы сөйлесетін боламыз. (Тақтаға ЖАБАЙЫ АҢДАР сөзі ілінеді).



- Бұл аңдардың барлығына ортақ тән қасиет бар ,ол не?Олар несімен ұқсас? (оқушылардың жауабы. Орманда тұрады, өз қоректерін өздері табады)

-Арыстанды аң патшасы деп атайды.


-Балалар бұл аңдарды сендер қайдан көрдіңдер?
-Суреттерден, теледидардан көрдік.
-Балалар жабайы аңдар орманда, таулы жерлерде мекендейді.
-Олар өз азықтарын өздері тауып жейді.
-Жабайы аңдар жыртқыш және пайдалы болып бөлінеді.
-Аңдардың бізге пайдасы мол, олардың терісінен тон, жағалы киімдер, бас киімдер тігеді.
-Немен қоректенеді?
-Қасқыр мен жолбарыс өздерінен кіші жанурларға шабады.
-Түлкі ұсақ аңдармен(қоян), тышқандармен қоректенеді.
-Қоян: шөптермен қоректенеді, ең сүйікті тағамы – сәбіз.
-Аю: жазда жеміс – жидектермен,балықпен және де балды жақсы көреді ал қыста, ұйықтайды.
-Неліктен жабайы жануарлар дейміз?(оқушылардың жауабы)

Жабайы жануарлар қорегін қалай тауып жейді?

Оқушылар: Олар өздеріне – өздері тамағын тауып жейді.

IV Сөздік жұмысы

Жабайы аңдар - дикие звери-wild animals

Піл – слон-elephant

Арыстан – лев-leone

Жолбарыс – тигр-tearger

Аю – медведь-bear

Қасқыр – волк-wolf

Түлкі – лиса-foxs

Қоян – заяц-hear

Кірпі – еж-hedgehog

Тиін – белка-sguirrel

Керік – жираф-giraffe

Маймыл – обезьяна-monkey

Үлгі бойынша сөйлем құрау

Не? Аю


Қандай? Аю үлкен, қоңыр

Қайда? Аю орманда тұрады

Не жейді? Аю балды жақсы көреді

(Жазғандарын оқиды, аударады)

2. Суреттер бойынша аңдарды сипаттап жазу.

V. Сергіту сәті ( қимыл қозғалыс ойыны)

Ойын. «Хайуанаттар бағында»(Аңдардың суреттері таратылады, оқушылар не көргенін айтып, сипаттап беру керек.Суреттерін тақтаға іліп қоямыз)

Жаңа сабақты ары қарай жалғастыру.Керекті заттарды алдын ала столға қойып қою.( шырша жаңғақтары, Раушан гүлі, бал)

"Қоянның туған күні" ертегісі. Алдымен логопед оқып шығады.
1 топ:Рөлдік ойын арқылы жүргізіледі.(Әр рөлге керекті заттарды тауып алады.)

2 топ: Мәтіннің мазмұнын айту.

Автор: Ерте, ерте ертеде Қоян орман патшалығында тұратын достарын туған күніне шақырды. Қоян туған күніне арнап әдемі көйлегін киеді. Ол туған күніне аю, түлкі, тиін, қасқырды шақырды.Сөйтіп шақырған достары қоянның үйіне қонаққа келеді.
Тиін: Туған күнің құтты болсын, Ақ қоян!
Саған арнап шырша жаңғақтарын әкелдім.
Түлкі: Үйің қандай жылы, көйлегің қандай әдемі.
Қасқыр: Бауырым қоян, туған күнің құтты болсын. Туған күніңе қош иісті Раушан гүлін сыйлаймын.
Автор Төртеуі бірге: Аю неге кешікті екен деп тағатсыздана күтеді. Содан бір кезде кешігіп аю келеді.
Аю: Кешіккеніме кешірім сұраймын. Туған күнің құтты болсын. Туған күніңе арнап бал әкелдім. Сыйлығымды қабыл ал, ақ қояным.
Автор: Барлығы құттықтаған сайын қоянның құлағын созыпты.Содан бері қоянның құлағы ұзын екен.
Қоян: Туған күнімде барлығыңа тәтті шырын сыйлаймын.

Автор: деп шырындарымен достарын қарсы алған екен.

VI.Сабақты бекіту

Денемізді тік ұстап, қолымыз партаның үстінде, аяқтарымыз түзу болсын, ұмытпаңдар.

Сұрақ-жауап арқылы білімдерін бекіту

-Жабайы аңдар қандай болады?

-Жабайы аңдар қайда өмір сүреді?

-Қоян қандай аң?

-Аң патшасы не?

-Хайуанаттар бағынан нелерді көрдің?

(жыртқыш, орманда, қорқақ, арыстан, аңдарды)

-Жабайы аңдар қайда, қалай тіршілік етеді?

-Жабайы аңдар әр жерде өмір сүреді?

(емен – еркін жабайы табиғатта Орманда; өте ыстық жерлерді

мекендейді,тұратын мекенін өздері тұрғызады,жауларынан өздері құтылады;)

- Алдарыңда тұрғандардың барлығы жабайы аңдар ма?

- Жабайы аңдар қорегін қалай табады?

(Аңдар өз азығын өздері тауып жейді)

-Олардың мінездері қандай? (ақылды, айлакер, қорқақ, сақ, төзімді, т. б.)

VII. Танымдық процестерге дидактикалық ойындар(3-4 мин)

Д/О: Ойлауға:"Сипатта"
Ойынның шарты: Ортаға бір бала шығады, басына маска кигізеді, балалар масканы сипаттап айтады, бала өзінің қандай аң екенін табады.

VIII.ҰҚМ

Құрастыру.
Әр оқушыға аңдардың бірнеше бөліктерге қиылған суреттерін құрастыру беріледі.

Д/О: "Құйрығын табуға көмектес"
Балалар аңдар өздерінің құйрықтарын таба алмай тұр, соған табуға көмектесейік.

IX Қорытынды.

Сұраққа жауап бер.

-Балалар, бүгінгі сабақ сендерге ұнады ма?

-Бүгінгі сабақта не үйрендіңдер,не білдіңдер?

-Осы алған білімдерің өмірде керек болады ма?

-Не білгілерің келеді?

X Рефлексия.

- Балалар, егер сабақ сендерге ұнаса күнді күннің шуақтарымен толтырыңдар, ал егер ұнамаса бұлттан жауған жаңбырдың тамшыларымен толтырыңдар.



XI Үйге тапсырма: «Маған ұнайтын жабайы жануар» тақырыбына әңгіме сурет құрау.
XII Бағалау. (1мин)
Каталог: uploads -> doc
doc -> Тақырыбы: Ғарышты игеру (аудандық семинар)
doc -> Ғарыш әлеміне саяхат
doc -> Сабақ тақырыбы: Шерхан Мұртаза «Ай мен Айша» романы Сабақ мақсаты: ҚР «Білім туралы»
doc -> Сабақтың тақырыбы Бала Мәншүк ( Мәриям Хакімжанова) Сілтеме
doc -> Ана тілі №2. Тақырыбы: Кел, балалар, оқылық Мақсаты
doc -> Сабақ жоспары «Сәулет және дизайн» кафедрасының арнаулы пән оқытушысы, ҚР «Еуразиялық Дизайнерлер Одағының» мүшесі: Досжанова Галия Есенгелдиевна Пәні: Сурет және сұңғат өнері
doc -> Сабақ Сабақтың тақырыбы : Кіріспе Сабақтың мақсаты : «Алаштану» курсының мектеп бағдарламасында алатын орны, Алаш қозғалысы мен Алашорда үкіметі тарихының тарихнамасы мен дерекнамасына қысқаша шолу
doc -> Тәрбие сағаттың тақырыбы: Желтоқсан жаңғырығы
doc -> Сабақтың тақырыбы : Әбунасыр Әл- фараби Сабақтың мақсаты
doc -> Сабақ жоспары Тақырыбы: Үкілі Ыбырай Мектеп:№21ом мерзімі


Достарыңызбен бөлісу:




©engime.org 2024
әкімшілігінің қараңыз

    Басты бет