Жалпы менің соғыстағы бар уақытым жау тылында өтті. Партизан отрядын құрып, соғыс ашып, Қызыл Армиямен қосылып, қайтадан тапсырма алып, жау тылына аттанып кетіп жүрдік. Осылай арнайы Үлкен жердің тапсырмасымен жау тылына үш-төрт рет өттім. Ең алғаш 1941 жылдың 19 карашасында өттік. Днепр өзенінің оң жағындағы орманға 10 адамнан құралған топ парашютпен түстік.
Шегініс. Қ. Қайсенов. Таңдамалы. “Алғашқы сапар” бөлімінен үзінді. Бұл бәріміздің де бірінші сапарымыз еді. Отырғандардың барлығы бұдан бұрын самолетке мінгенімен, парашют кигендер емес! Сондықтан бэрімізге парашюттің ашылуы ғана қүпия сияқты. Бірақ парашютист-инструктордың аэродромда айтуы бойынша, оның құпиясы жоқ. “Тек самолеттен қорьщпай қарғы, парашют өзі ашылады” деген ол.
Самолеттің есігін ашып жібергенде қара теңіз сияқты тұңғиық қараңғылықтан күздің суык дымкыл желі азынап коя берді.
Теңіз жағасына әдейілеп құрған биіктіктен суға секірген адамдардай, жігіттер самолеттен секіре бастады. Ең соңынан мен де секірдім.
