65 ПРЕПАРАТ. Тіл. Жіп тәрізді емізікше. Г.Э.
Микроскоптың кішкене ұлғайтқышымен жіп тәрізді бүртікті тауып, оның пішініне, бүртікті төсеген эпителийдің құрылысына және кілегей асты негізінің жоқтығына, үш бағытта орналасқан ет талшықтарынан тұратын тіл еттерін қарау керек. Тілдің жоғарғы жағының кілегей қабығында жіп тәрізді бүртіктер орналасқан. Бүртіктің негізі жалпақтау, ал ұшы сүйір болып келеді. Оны төсеген көп қабатты жазық мүйізделмейтін эпителий мен кілегей қабықтың дәнекер тканді меншікті қабатын табу керек.
Суретте белгілеу керек:
1. көп қабатты жазық мүйізделмейтін эпителий
2. кілегей қабығының меншікті қабаты
3. көлденең жолақты ет ткані
№ 66 ПРЕПАРАТ. Тілдің жапырақ тәрізді емізікшесі. Г.Э.
Кіші ұлғайтқышпен кілегей қабықта куб пішінді жапырақша бүртіктерді көруге болады. Бүйір бетінің эпителиінде сопақ пішінді дәм сезу бүртіктері көрінеді. Дәм сезу бүртігін құрайтын клеткалар ұршық пішінді және апельсин бөліктері тәрізді орналасқан.
Суретті салып, белгілеу керек:
1. көп қабатты жазық эпителий
2. кілегей қабықтың меншікті қабаты
3. көлденең жолақты ет талшығы
4. дәм сезу бүртігі
№ 67 ПРЕПАРАТ. Таңдай бадамша безі. Г.Э.
Кіші ұлғайтқышпен таңдай бадамша безінің көп қабатты жазық эпителиймен жабылғанын көруге болады. Ол оның қуысын төсейтін криптаға жалғасады. Крипт айналасында эпителий астындағы дәнекер тканді қабатта лимфоциттер шоғыры орналасқан. Тереңірек кілегей бездің топтары орналасқан.
Суретте белгілеу керек:
1. крипта
2. лимфоидты фолликула
3. дәнекер ткань
4. кілегей бездер
№ 69 ПРЕПАРАТ. Эмаль мен дентиннің дамуы. Г.Э.
Кіші ұлғайтқышпен даму кезіндегі тісті қарап: энамелобласттың астында орналасқан эмальді, оның астындағы қызғылт түсті дентинді, әрі қарай – ашық түсті предентинді және тіс ұлпасының шетіндегі базофильді клетка дентинобластты табу керек. Тіс үрпісі болбыр дәнекер тканіне ауысып тіс ұлпасын құрайды. Болашақ тіс түбіріне жақын аймақта, сыртқы және ішкі эмаль эпителийі әліде болса жақындамайды және оның арасында эмаль мүшесінің ұлпасы жақсы көрінеді.
Суретте белгілеу керек:
1. тіс ұлпасы
2. дентинобласттар
3. предентин
4. дентин
5. эмаль
6. энамелобласттар
№
Достарыңызбен бөлісу: |
