3. Дәріс тезисі: «Созылмалы гепатит» термині бауырдың диффузды қабыну ауруларын білдіреді, оларда клиникалық, лабораториялық және морфологиялық өзгерістер 6 ай немесе одан да көп уақытқа созылады.
Этиологиясы және патогенезі бойынша созылмалы гепатиттің келесі формалары бөлінеді:
Созылмалы вирустық В, С, D гепатиті – В (HBV), C (HCV) немесе D (HDV) гепатиті вирустық инфекциясынан туындаған, бауыр циррозына ұласатын бауырдың қабыну ауруы. Созылмалы В гепатиті жедел гепатиттің иктериялық түрі бар науқастардың шамамен 5% -ында дамиды. HCV инфекциясы бүкіл әлем бойынша созылмалы вирустық гепатит жағдайларының 70%, бауыр циррозының 40% және гепатоцеллюлярлық карциноманың 60% үшін жауапты. HBV, HCV және HDV инфекцияларының негізгі берілу жолдары парентеральды (қанмен немесе жұқтырған медициналық құралдармен байланыс), жыныстық, перинаталдық.
