Соттан тыс банкроттық рәсімі екі жағдайда аяқталады

Соттан тыс банкроттық рәсімі екі жағдайда аяқталады:

1. 
   Соттан тыс банкроттық рәсімін тоқтату (банкрот деп танудан бас тарту);
   
2. 
   Соттан тыс банкроттық рәсімін аяқтау (банкрот деп тану).
   

7. Соттан тыс банкроттық рәсімін тоқтату

1. 
   Борышкер өзінің меншігіне мүлік түсіп немесе қаржылық және (немесе) мүліктік жағдайы өзгеріп, бұл оның кредиторлар алдындағы өз міндеттемелерін толық немесе 30 (отыз) пайыздан асырып орындауына мүмкіндік беретініне байланысты Уәкілетті органға соттан тыс банкроттық рәсімін тоқтату туралы арыз берсе;
   
2. 
   Борышкер кредитормен «Берешекті реттеу туралы» келісім жасасқанына байланысты Уәкілетті органға соттан тыс банкроттық рәсімін тоқтату туралы арыз берсе;
   

3. 
   мүлікті немесе мүліктік міндеттемелер туралы ақпаратты жасыру, мүлікті өзгенің иеленуіне беру, мүлікті иеліктен шығару немесе жою, сондай-ақ мүлік туралы мәліметтерді көрсететін құжаттарды жасыру, жою, бұрмалау фактілері анықталса;
   

4. 
   борышкер қайтыс болса, оны хабар-ошарсыз кетті деп тану туралы немесе оны қайтыс болды деп жариялау туралы сот шешімі заңды күшіне енсе;
   
5. 
   арызда көрсетілгеннен басқа да кредиторлар анықталып, олардың алдындағы берешекті қосқанда борышкердің берешегінің жалпы сомасы 1600 АЕК-тен асып кетсе.