Пластидтер- өсімдіктердің клеткасына тән органоид. Пластидтер туралы алғашқы мәліметтер Д. Левенгуктың еңбектерінде келтірілді.
Пластидтерді зерттеумен А.Шимпер (1882) айналысып оны үш типке бөлді. 1)түссіз (мөлдір) лейкопластар, 2) реңі жасыл хлоропластар және 3) реңі қызыл-сары, сары хромопластар. Полипластидтердің пішіні жағынан митохондрияға өте ұқсас, бірақ көлемі өте ірі. Бір қарағанда полипластидтер сырты қос мембарнамен жабылған, іш жағында тығыз матриксі орналасқан сияқты көрінеді. Матриксте алғашқы кезде ретсіз орналасқан бірнеше көпіршіктері болады. Көпіршіктер санының артуына қарай пропластидтің көлемі де ұлғаяды. Қос мембрананың ішкі қабаты жиырылып, қабаттар түзіп, сыртқысынан біртіндеп алыстай бастайды. Матрикстегі көпіршіктер бір-бірімен қосылып ламеллалар, ал олардың белгілі бір ретпен орналасуынан грандар түзіледі. Сол сияқты пластидтердің бір түрі екінші түріне айналып отырады. Мысалы, хлоропластардың пигменттерінің бұзылуынан хромопластар пайда болады.
Достарыңызбен бөлісу: |
