Бағдарламаның өзектілігі:
Білім беру мазмұнын жаңарту жағдайында оқыту мен тәрбиелеу барысында оқу бағдарламаларына «Мәңгілік ел» ұлттық идеясының құндылықтарын енгізу және оны жүзеге асыру;
5-11 сыныптарда математика пәнін оқыту барысында көп жылғы тәжірибемді басшылыққа ала отырып, математикалық ұғымдарды енгізуде ұлттық құндылықтарға байланысты есептер құрастыру мен шығарудың маңыздылығын ескеру;
Бағдарламада математиканы оқытуда нақты пайымдаулар, көрнекіліктермен негізделген түсіндірулер мен есептерді шынайы құбылыстар мен деректерді зерттеу негізінде жүзеге асыруды көздеу.
Күтілетін нәтиже:
Білім алушылар периметр, аудан, көлем, шамалардың қатынасы, концентрация, жазықтықтағы тікбұрышты координаталар жүйесі және басқа математикалық ұғымдар туралы білімін жетілдіреді;
Геометриялық денелердің пішімін жасайды, оларға өлшемдер жүргізе алады және алынған мәліметтерді математикалық есептеулерде қолдана біледі;
Математикалық ұғымдар туралы түсінігі күнделікті өмірмен байланыса отырып қалыптасады;
Ұлттық салт-дәстүріміз, тарихымыз бен әдебиетімізді жаңа қырынан таниды;
Өз ұлтының салт-дәстүрі мен тарихын құрметтейді және оған деген мақтаныш сезімі оянады;
Математикалық формулаларды өмірде кездесетін жағдаяттарды шешуде қолдана біледі;
Шығармашылық тапсырмалар арқылы оқушылардың креативтік сыни ойлау дағдыларын дамиды;
Шығармашылық және зерттеушілік жұмыстар жүргізуге дағдыланады.
Тұрақтылау (мазмұндық) бөлім
1. Кіріспе. Бағдарламаның өзектілігі, мақсаты мен міндеті 1 сағат.
2. Симметрия ұғымы – 3 сағат
Құрақ көрпелердегі осьтік және центрлік симметрияны анықтау. Зергерлік бұйымдардағы симметрия. Қазақ даласындағы тарихи ғимараттардағы симметрия.
3. Жазықтықтағы тікбұрышты координаталар жүйесі– 2 сағат.
Координаталар жүйесінде түзуге қатысты симметриялы оюлар (қошқар мүйіз, құс қанаты, төртқұлақ, қосқанат, қазмойын) салу. Координаталар жүйесінде салынған нүктеге қатысты симметриялы оюлардың координаталарын (тұмарша, қосдөңгелек, айшық, жұлдыз, үшжапырақ, өркеш) анықтау. Өрнек-нақыштарды тану және сыза білу.
Достарыңызбен бөлісу: |
