Наубайхана өндірістерінде бидай қамырын дайындау үшін наубайхана ішінде дайындалатын наубайханалық ашытқымен бірге немесе оның орнына сұйық ашытқы және сұйық бидай ашымалы қолданылады.
Сұйық ашытқы деп А.И. Островский ұсынған тиімді схемамен дайындалатын жартылай фабрикатты айтады. Бұл схеманың бірінші сатысында су-ұн ашымалының 48-54 0С термофильді сүт қышқылды бактериялардың ашуы қарастырылады. Екінші сатысында сүт қышқылы көп мөлшердегі ашыған ашымал 28-30 0С-дейін салқындатылып, басқа ыдыстан ашытқылар даму үшін қоректік зат ретінде қолданылады. Қоректік ортада дайындалған сұйық жартылай фабрикат (қантталған ашымал немесе су-ұн ерітіндісі), 28-30 0С температурада көбейген термофильді емес бактериялар, ашытқылар сұйық ашымал деп аталады.
Өндірістік цикілде сұйық ашытқыдан немесе бидай ұнының сұйық ашымалының біраз бөлігін қамыр дайындау үшін алып, қалғанын қоректік орта ретінде дайындайды. Белгілі уақыттан кейін осы дайын болған жартылай фабрикаттан қамыр илеуге алып, қалғанына қоректік орта дайындайды.