Қауіпсіздік техникасының ережесі НАЗАР АУДАРЫҢЫЗ!
Егер науқас инсулинмен егілгеннен кейін 30 мин соң тамақтанбаса, гипогликемия, естен тану асқынуы дамуы мүмкін. Мейірбике мұндай науқастарға қатаң бақылау жасауы қажет.
Гипогликемия кезіндегі жедел көмек:
Науқасқа тәтті шәй, ақ нан, қант, кәмпит беру;
Естен танған кезде 50 мл - 40 % глюкоза ерітіндісін тамыр ішіне енгізу қажет.
Майлы ерітінділерді енгізу Майлы (камфораның майдағы ері-сі т.б) ерітінділер тері астына енгізіледі. Бұлшық етке де енгізуге болады. Майлы ерітінділерді КӨК ТАМЫРҒА ЕНГІЗУГЕ БОЛМАЙДЫ! Көк тамырға май ерітіндісінің тамшысы түскен жағдайда өте қауіпті асқыну болады - майлы эмболия. Егер май артерияға түссе, ол оның бітелуін туғызады, қоршаған ұлпалардың қоректенуін бұзады және дене бөлігінде некроз пайда болады. Май көк тамырға түскен жағдайда ол қанмен бірге өкпе тамырларына түсіп, бітелуін туғызады және қатты тұншығу ұстамасын тудыртады, науқас өліп кетуі мүмкін. Сонымен қатар, май ұлпаларда өте баяу сорылады.
