6.3 Орташа және шекті өнімдердің арасындағы өзара байланыс
АPL және МPL көрсеткіштерінің арасында өзара белгілі байланыс болады. Егер еңбектің шекті өнімі еңбектің орташа өнімінен артса МPL>АPL, онда орташа өнім көбейеді. Егер шекті өнім орташа өнімнен аз болса (МPL<АPL), онда орташа өнім кемиді. Шекті және орташа өнімнің қисықтары соңғысының ең жоғары нүктесінде қиылысады. 5.3-суретте бұл нүкте А, ал L=L*.
6.4 Факторлар икемділігі Барлық қарастырылған жалпы, орташа және шекті өнімдердің көрсеткіштері абсолюттық көрсеткіштер болады, яғни бұлар экономикалық өлшемі бар көрсеткіштер. Дегенмен де, экономикалық талдау жүргізген кезде қатынас көрсеткіштерінің үлкен маңызы бар. Олардың бірі- факторлардың икемділік коэффиценті.
Өндіріс факторларының икемділік коэффиценті зерттеліп отырған фактордың шекті өнімділігінің МС орташа өнімділікке АР қатынасы түрінде анықталады және қолданып тоырған фактордың саны 1%-ке өзгергенде өнім шығару көлемі неше %-ке өзгеретінін көрсетеді. Факторлар икемділігі былай есептеледі:
