Арнайы мектептің оқу – материалдық базасы

Арнайы мектеп – интернаттың оқу материалдық базасының мазмұнына мыналар кіреді: заманауи талаптарға сай келетін ғимарат, сыныптар; арнайы оқу кабинеттер жүйесі; оқушылардың демалысы және сыныптан тыс жұмысына арналған бөлмелер, қосымша бөлмелер. Мектептің оқу – материалдық базасына сонымен қатар, мектептің педагогикалық, оқу және балалар кітапханасы, оқу және тұрмыстық жиһаз, ойын және спорт құралдары, сыныптарды оқу бөлмелерінің жабдықтары, естімейтін және нашар еститін блалардың сөйлеу тілін және қалдық естуін тексеру, дамыту және қолдануға қажетті арнайы техникалық құралдар кіреді. Сонымен қатар, заманауи техникаларды болуы қажет: телефондар жүйесі интернет желісі, интерактивті тақта, компьютер сыныптары және т.б.

Оқыту мен тәрбиелеу процесінің тиімділігінің маңызды алғышартына арнайы мектеп – интернатта барлық оқу пәндерін қамтитын кабинеттер жүйесін құру болып табылады. Бастауыш сыныптарға арналған кабинеттер мектеп жабдықтарымен қамтылып, арнайы есту аппаратуралары болуы керек.

Мектеп оқу кабинеттерінің оқу жабдықтарының құрамына мыналар кіреді:

• 
  табиғи (натуралды) нысандар (лабараториялық және демонстрациялық жұмыстар үшін);
  
• 
  нысандардың кескіндері мен бейнесі (көлемді құралдар, тегіс құралдар, аудиовизуальды құралдар);
  
• 
  заттар мен құбылыстарды жазбаша сипаттау (оқулықтар, анықтамалық және ғылыми кітаптар, әдістемелік әдебиеттер);
  
• 
  оқу ақпараттарын көрсетуге арналған техникалық құралдар (видео, компьютерлер, диафильмдер, интерактивті тақта, слайдтар т.б.)
  
• 
  жеке және ұжым боп қолдануға арналған дыбыс күшейткіш аппаратуралар. Қалдық естуі мен сөйлеуін тексеруге арналған техникалық құралдар.
  

Оқу кабинеттерінің қатарына естіп қабылдауын дамыту және дыбыс айтуын қалыптастыру бойынша жеке және фронтальды сабақтарға арналған арнайы кабинеттерде жатады.