1. Азот (I) оксидін алу және қасиеттері. Сынауыққа аздап аммоний нитратын салып сақтықпен (неге?) қыздырыңдар. Сынауықтың аузына шоқталған шыраны ұстаңдар. Не байқалады? Бөлінген газдың құрамы қандай? Оның түсін және иісін байқаңдар. Реакция тендеуін жазыңдар.
2. Азот (II) оксидін алу. (жұмысты тартпа шкафта жүргізіңдер). Колбаға 10-15 г мыс сынықтарын салып, тамшылайтын воронкаға сұйытылған (1:1) азот қьшқылын құйыңдар (66-сурет). Мысқа аздап азот қышқылын тамызыңдар. Егер реакция бірден басталмаса, аздап қыздырыңдар. Колбада газ түсі неге өзгерді?
Түтіктен шығатын газ қызыл-қоңыр түске бояла бастағанда (неге?) оны үш цилиндрге жинаңдар. Қажет болса қышқылды біртіндеп қосып тұрыңдар. Судың астында жиналған газы бар цилиндрлерді шынымен жауып, шығарып алыңдар, 3-ші тәжірибеге сақтап қойыңдар. Газ түсін байқаңдар, реакция теңдеуін жазыңдар. 3в-тәжірибені жасап болғаннан кейін колбадағы ерітіндіні қыздырып, тұнбаны ерітіңдер және сүзіңдер. Ерітіндіні фарфор табақшада суалтыңдар және суытыңдар. Тұз кристалдары түзілгенін байқаңдар. Олардың құрамы қандай?
66-сурет. Азот (ІІ) оксидін алуға арналған қондырғы.
Достарыңызбен бөлісу: |
