| 4. Азот оксидтерін аммиакты тотықтыру арқылы алу. 1-сынауыққа 1-2 мл концентрлі аммиак ерітіндісін құйыңдар. Оны алу үшін қандай басқа заттар алуға болады? 2-сынауыққа кішкене бертолле тұзын және марганец диоксидін салыңдар. 3-сынауықтың түбіне мыс сынықтарын немесе сымын салып, газдар қоспасы шығатын түтікке кіргізіңдер. Мыс осы реакцияда қандай қызмет атқарады?
Мыс сымын қыздырыңдар. 2-сынауықтағы бертолле тұзы мен марганец диоксидінің қоспасын қыздырып, 3-сынауықта оттегі толғанын тексеріңдер, содан кейін аммиактың ерітіндісі бар 1-сынауықты қыздырыңдар. 3-сынауыққа барған аммиак бірден азот (II) оксидіне дейін тотығады. Мыс сымы қалай өзгереді? Осы реакцияның жылу эффектісі туралы не айтуға болады? Мыс сымы қызарғанда қыздыруды тоқтату керек. Түзілген азот (II) оксидінің азот (IV) оксидіне айналғанын қалай білуге болады? Егер 1-сынауықты қатты кыздырса, аммиак артық мөлшерде жиналады, сол кезде азот (IV) оксидінің орнына сынауықтың қабырғасында ақ дақ пайда болады. Оның құрамы қандай?
Егер аммиак пен оттегі сынауықта мыс сымының үстінде әрекеттесіп үлгермесе, қопарылыс беруі мүмкін. Реакция тендеулерін жазыңдар.
67-сурет. Аммиакты тотықтыруға арналған қондырғы: 1- концентрлі аммиак ерітіндісі бар сынауық; 2- бертолле тұзы мен марганец (ІУ) оксидінің қоспасы бар сынауық; 3- мыс сымдары салынған сынауық.
Достарыңызбен бөлісу: |
