«9 – мамыр – Жеңіс күні»! мақсаты
жүктеу/скачать 0,73 Mb.
|
Тәрбие сағаты. Тақырыбы «9 – мамыр – Жеңіс күні».
- Бұл бет үшін навигация:
- Көрнекілігі
- Шаттық шеңбері
- Мұғалім
- Мұғалім: Батырлар туралы тақпақтарды кім біледі
- Мұғалім: Балалар, жеңіс туралы тақпақтар айтайық.
- Мұғалім: Балалар, Отан туралы тақпақтар айтайық.
- Мұғалім: Мақал – мәтел: «Отан – оттан да ыстық» «Отан үшін отқа түс, күймейсің!» Хормен
|
«9 – мамыр – Жеңіс күні»! мақсаты: 1. Ұлы Отан соғысы туралы мағұлмат беру. 2. 9 – Мамыр – Жеңіс күні екенін толық түсіндіріп өту. 3. Балаларды Отанын, елін, жерін сүюге тәрбиелеу. Көрнекілігі: Ұлы Отан соғысы туралы суреттері, гүлдер, шарлар, батырлардың суреттері. Барысы: Ән: Қазақстан Республикасының Мемлекеттік Гимні. Шаттық шеңбері: Армысың, Алтын күн! Армысың, Көк аспан! Армысың, Жер ана! Армысың, достарым! Армысың, қонақтарым! 1.Балалар, қазір жылдың қай мезгілі? Көктем. 2.Көктем мезгілінің қайсы айы? Мамыр. 3.Көңіл-күйлер қалай? Жақсы. Мұғалім: 9-мамыр Жеңіс күні-бүкіл дүниежүзі бойынша үлкен мейрам. Әсіресе, бұл мерекені екінші дүниежүзілік соғыстың бар ауыртпалығын өз мойнымен көтеріп, Отан үшін от кешіп, соғыстың қанға бөккен даласында қайсарлықпен шайқасқан, Жеңістің туын желбіреткен, Ұлы Отан соғысының ардагерлері үшін ерекше мейрам. Құрметті балабақша ұжымы және балалар! Бүгін 9- мамыр Жеңіс күні мерекесі құтты болсын. Биыл міне осы соғыстың аяқталғанына да 71 жыл болды. Біздің бейбіт өмір сүруіміз үшін жанын қиған, ерлікпен қаза тапқан ата-әжелеріміздің есімін ешуақытта ұмытпауымыз керек. Жеңіс күні құтты болсын. -Күндіз күлкі, түнде ұйқымыз тыныш болсын деген тілекпен, бүгінгі «9 мамыр – Жеңіс күні » атты ашық ұйымдастырылған оқу іс-әрекетіміз, бізге балалық шақ, бейбіт өмір әперген Ұлы Жеңіске арналады. Жыл сайын 9 мамыр күні адамдар ескерткіштерге барады. Олар жауынгерлердің тас мүсініне айналған бейнелеріне гүлшоғын қойып, батырлар есімін еске алады. Мұғалім: Біз үшін Жеңіс күнінен асқан қымбат мереке жоқ. Әрбір көктембізді ойша сонау ұмытылмас, әрі көптен күткен 1945 жылдың 9 Мамырына қайта оралтады. Дәл осынау жадыраңқы жай күні, Болсадағы қай ғасырды, қай күні. Ұлы Отаным басын иіп бір минут, Есіне алмақ сол бір апат қайғына. ( бір минут үнсіздік) 1941 жылы 22 маусым күні таңшапағы жаңа ғана арайлап келе жатқан кезде фашистік Германия елімізге опасыздық пен басып кірді. Ұлы Отан соғысы осылай басталды. Отанымыздың басына ауыр күндер туды, елімізге шабуыл жасап соғыс ашты. Бұл соғыс Ұлы Отан соғысы деп аталды, әрі бұл соғыс біраз жылға созылды. Сөйтіп, 1945 жылы 9 – Мамыр күні біз фашистерді жеңіп шықтық. Мұғалім:Өз халқының батырлығын әлемге әйгілі еткен қазақтың батырлар Бауыржан Момышұлы, Мәншүк Мәметова, Әлия Молдағулова. Мұғалім:Мәншүк 1922 жылы дүниеге келген. Шын аты Мәнсия. Анасы еркелетіп Моншақ деп кеткен. Әкесі дәрігер болған. Мәншүк соғысқа өз еркімен аттанады. Мәншүк ол кезде не бары 19 жаста болған. Елін жаудан қорғаймын деп шепке сұранып пулеметші болады. Өзі қорғаған Невель қаласында Мәншүкке ескерткіш қойылған. Мұғалім:Батырлар туралы тақпақтарды кім біледі? Сонау жылы жер-көкті, Соғыс бұлты торлаған. Сонда Мәншүк апамыз, Жаудан елді қорғаған. Жаумен жалғыз алысты, Түбінде Мәншүк соғыстың. Бермеді қолдан намысты, Жүректі қызы қазақтың. Мәншүк апай батыр қыз, Ардақтаймыз атын біз. Ұқсап Мәншүк апайға, Өсіп келе жатырмыз. Мұғалім: Әлия 1924 жылы Қобда ауданы Көкбұлақ деген жерде туған. Екі жасында жетім қалып, Әүбәкір деген ағасы өз тәрбиесіне алады. Кейін ағасы Ленинград қаласына көшіп келеді де, Әлия сол қалада оқиды. Отбасының жағдайына байланысты Әлия кейін балалар үйінде тәрбиеленеді. Соғыс басталғанда ол 17 жаста еді. Сол кезде майданға өзі сұранып, атқыштар даярлайтын бөлімді бітіреді. Жер мен көктің арасын, Шарпығанда қалың өрт. Әлия орыс қаласын, Азат етіп, болды мерт! Ол жеңісті көрген жоқ, Келді кейін азат күн. Бірақ мәңгі өлген жоқ, Батыр қызы қазақтың! Мұғалім:Момышұлы Бауыржан (1910 - 1982) – екінші дүниежүзілік соғыстың даңқты жауынгері, халық қаһарманы, қазақтың көрнекті жазушысы. Туған жері - Жамбыл облысының Жуалы ауданындағы Көлбастау мекені. Бауыржан жеті жылдық мектепті бітіргеннен кейін біраз уақыт мұғалім болған. Сонда жүргенде кезекті әскери міндетін өтеуге шақырылып, онда бір жарым жыл жүріп, запастағы командир атағын алады. Содан қайтадан Қызыл Армия қатарына шақырылып, түрлі әскери бөлімдерде взвод, рота, командирі болады. Қазақтың қамы үшін, Жүрегі ауырған. Елінің намысын Қорғаған Бауыржан! Өр бабам-Бауыржан! Мұғалім: Балалар, жеңіс туралы тақпақтар айтайық. Жеңіс келді ән болып, Келді ауылға сән көрік Жеңіс келді алақай, Ұмытылмас мәңгілік. Мұғалім: Балалар, Отан туралы тақпақтар айтайық. Бейбітшілік болса, Туған жер құлпырады. Үйлер де құламайды, Ешкім де жыламайы. Жас ұрпақ тілегі, Бейбіт күн асқары. Ашық боп тұрсын де, Әлемнің аспаны! Мұғалім:Мақал – мәтел: «Отан – оттан да ыстық» «Отан үшін отқа түс, күймейсің!» Хормен: «Біз Отанымызды мақтан етіп, сүюге, қорғауға ант етеміз». Мұғалім:Рақмет, балалар! Бақыт сыйлап жатады әр күн, Санамызға жарық берген. Әкелері аталардың Бұл Жеңісті алып келген. Қуантамыз ән сап жұртты, Келе берсін бақыт таңы. Жеңіс күнің болсын құтты, Мұғалім:Осымен «9 – мамыр – Жеңіс күні»! ұйымдастырылған оқу іс-әрекетіміз аяқталды. Сау болыңыздар! жүктеу/скачать 0,73 Mb. Достарыңызбен бөлісу:
|