А. К. Сулейменова, А. А. Жаксылыкова ньютон сақиналары көмегімен линзаның ҚисықТЫҚ радиусын анықтау

МЕМЛЕКЕТТІК ТЕХНИКАЛЫҚ УНИВЕРСИТЕТІ

студенттерге арналған «Физика» пәні бойынша № 3.11

зертханалық жұмысының әдістемелік нұсқаулары

Өскемен

УДК 530

Әдістемелік нұсқаулар жұқа қабықшалардағы жарық интерференциясы, оның ішінде қалыңдығы тең жолақтардың құрылуы туралы қысқаша теориялық мәліметтерден тұрады. Ньютон құралының сипаттамасы мен оның жұмыс істеу принципі келтірілген. Ньютон сақиналары көмегімен линзаның қисықтық радиусын анықтау әдістемесі мазмұндалған. Жұмыс орындалу реті, өлшеу нәтижелерін өңдеу және тәжірибенің нәтижелерін ресімдеу талаптары келтірілген.

«Машина жасау және көлік» факультетінің әдістемелік комиссиясы бекіткен.

Хаттама № « » 20 ж.

 Д. Серікбаев атындағы ШҚТУ баспасы, 2021

МАЗМҰНЫ
1 Жұмыстың мақсаты 4

2 Шартты белгілер 4

3 Теориялық мәліметтер 4

4 Керекті құрал-жабдықтар 10

5 Құрылғы сипаттамасы 10

1. 
   ЖҰМЫСТЫҢ МАҚСАТЫ
   

Жұқа мөлдір изотропты қабықшалардағы интерференция құбылысымен, оның ішінде жұқа ауа сынасының бетінде таралмаған кездегі интерференциялық көрініспен (қалыңдығы тең жолақтар) танысу, линзаның қисықтық радиусын анықтау және өлшеу дәлдігін бағалау.

2. 
   ШАРТТЫ БЕЛГІЛЕР
   

∆ - интерференцияланған сәулелердің оптикалық жолдар айырмасы;

Δr – интерференцияланған сәулелердің геометриялық жолдар айырмасы;

r – Ньютон құралындағы ашық және күңгірт сақиналардың радиустары;

λ – Ньютон сақиналарын құратын жарық толқын ұзындығы;

m – интерференциялық сызықтардың реті, яғни Ньютонның ашық және күңгірт сақиналарының нөмірлері;

h – линза және пластина арасындағы бос кеңістік шамасы, линза және пластина арасындағы ауа сынасының қалыңдығы;

n, m – ашық және күңгірт сақиналардың индекстері (нөмірі);

a₁ – объектив центрінен экранға дейінгі қашықтық;

a₂ – объектив центрінен Ньютон құралына дейінгі қашықтық;

∆a, ∆d – a₁, a₂ және d шамаларын миллиметрлік сызғышпен өлшеу кезінде жіберілетін максимал жүйелік қателік;

∆R – линзаның қисықтық радиусын анықтау кезіндегі қателік.

3. 
   ТеорИЯЛЫҚ МӘЛІМЕТТЕР