Біліктілікті жетілдіру –шығармашылық жұмыстың негізі

Қазақстан Республикасының 2015 жылға дейінгі білім беруді дамыту Тұжырымдамасында «Білім берудің қазіргі кездегі мақсаты- білім алып, білік пен дағдыға қол жеткізу ғана емес, солардың негізінде дербес әлеуметтік және кәсіби біліктілікке – ақпартты өзі іздеп табу, талдау және ұтымды пайдалану, жылдап өзгеріп жатқан бүгінгі дүниеге лайықты өмір сүру және жұмыс істеу болып табылады», -делінген. Сонымен қатар, Елбасының «Қазақстан -2050» атты жолдауында өркениетті елдердің арасынан орын алу үшін ең бірінші білім саласын жаңа мүмкіндіктерге көтеруді мақсат етіп қойды. Осыған орай, тәуелсіз мемлекетімізде еңбекқор, кәсібін терең түсінетін, өзінің білімі мен іскерлігін жан-жақты қолдана білетін мамандар даярлау қажеттілігі туды. Өйткені, кез-келген мемлекеттің жоғарғы мектебінің маңызды әлеумеметтік қызметі - болашақ маманның өз мүмкіндіктерін көрсете алуына жағдай туғызу болып табылады. Педагогтың кәсібилігі оның кәсіби жарамдылығымен, кәсіби жол табуымен, дербес дамуымен, яғни өз бойында кәсіби қызметті орындау үшін қажетті қасиеттерді мақсатты түрде қалыптастыруымен анықталады.