Таксондар (систематикалық бірліктер). Өсімдіктерді жекелеген систематикалық топтарға біріктіру (жіктеу), жалпыға бірдей қабылданған таксондар деп аталынатын систематикалық бірліктің негізінде жүзеге асады: Түр(species)-морфологиялық жағынан ұқсас особьтардың жиынтығы;
Туыс (genus)-жақын түрлердің жиынтығы; Тұқымдас (familia)-жақын туыстардың жиынтығы; Қатар(ordo)- жақын тұқымдастардың жиынтығы; Класс (classis)- жақын қатарлардың жиынтығы; Бөлім(divisio)- жақын кластардың жиынтығы.
Осы келтірілген таксондардан басқа, аралық қосымша таксондарда бар.
Оларға туыс тармағы, тұқымдас тармағы т.б. жатады. Түрлердің ішінде түр
(subspecies) жəне түр тармағы (varietas), ал мəдени өсімдіктерде-сорттар
(cultivar) болады. Сорт дегеніміз адамның селекциялық жүргізген жұмысының жемісі. Оның сапалық артықшылығы болады жəне ол қасиеті келесі ұрпағына беріліп отырады.
Өсімдіктер дүниесін арнайы бекітілген таксондардың рамкасынан тыс төменгі жəне жоғарғы сатыдағы деп бөледі. Туыстық жағынан жақындығы бар бірнеше бөлімдерді өсімдіктер дүниесінің жартылай тармағына біріктіреді.
