Ядро тек екі санмен сипатталады. Бұл − берілген элементтің атомының периодтық жүйедегі реттік нөмірі (оны атомдық нөмір деп атайды және Z деп белгілейді) және массалық сан (символы − А).
Атомдық нөмір ядродағы протондар санын білдіреді. Бұл сан ядро зарядына тең. Атомдық нөмір берілген химиялық элементтің барлық атомдары үшін бірдей, мысалы, көміртектің барлық атомдары үшін Z=6. Массалық сан ядродағы протондар мен нейтрондардың қосындысынан құралады. Нейтрондарды N деп белгілесек: А = Z+ N.
Ядроны белгілеу үшін элемент символына массалық санмен атомдық нөмірді қосып жазады (1-сурет). Кейбір кезде атомдық нөмірді жазбаса да болады, себебі элемент символы жазылғаннан кейін, оның өзіне тән нөмірі бар екені түсінікті. Мысалы, 126С деген жазуды тек 12С деп жазуға немесе көміртек-12 деп жазуға болады.
