5) Ғылыми - техникалық прогрестiң жетiстiктерi баяу енгiзiлдi. Аппараттар, приборлар, автоматтандыру құралдарының т.б. үлгiлерi тым аз және олардың саны да мардымсыз едi: 1971-1975 жж. 227 үлгi игерiлсе, 1976 -1980 жж. 159, ал 1981-1985 жж.-125, 1986 - 1987 жылдары 62-ақ жаңа үлгi болды.
АУЫЛ ШАРУАШЫЛЫҒЫНДАҒЫ КЕЛЕҢСIЗ ҚҰБЫЛЫСТАР:
1) 1971 - 1980 жылдары республиканың ауыл шаруашылығына 18 млрд. аса сом мөлшерiнде қаржы жұмсалды. Жердi мелиорациялауға және химияландыруға зор қаржы бөлiндi. 1976 -1977 жылдары кеңшарлар мен ұжымшарлар 58 мың трактор, 42 мыңнан аса жеңiл көлiк, 41 мың комбайн, т.б. ауыл шаруашылық техникасын, 5,3 млн. тоннаға жуық минералды тыңайтқыш алды;
2) КСРО -ның құрамындағы одақтас республикалар сияқты Қазақстанда да ауыл шаруашылығына салынған қаржы өзiн ақтамады. Ауыл шаруашылығы өндiрiсi өнiмдерiнiң мөлшерi құлдырай бастады: 9 - бесжылдықта (1971-1975 жж.) 14%-ға, 10 - бесжылдықта (1976 -1980 жж.) 13%-ға, 11 - бесжылдықта (1981-1985 жж.) 0,4%-ға төмендедi. 1965 - 1985 жылдары 4,2 млн. iрi қара мал, 5,5 млн. қой және ешкi, 5,1 млн. шошқа шығынға ұшырады;
3) ауыл шаруашылығы өнiмдерiн сатып алу бағасының өсуi күткен нәтижелерге жеткiзбедi, себебi өнеркәсiп мекемелерiнiң өз еркiмен тауарларына орнатқан бағалары жоғары болды. Егер ауыл шаруашылығы өнiмiне баға 2 есе көтерiлсе, ал ауыл шаруашылығына қажеттi өнеркәсiп өнiмдерiнiң бағасы 2 - 5 есеге өстi;
Достарыңызбен бөлісу: |
