Бағдарлама мамандық бойынша түсу емтиханын тапсыру үшін дайындалуға арналған. Емтихан билеттеріндегі сұрақтардың нақты түрлері бағдарламада берілген тақырыптардан өзгеше түрде болуы мүмкін.
Пән TN 1302 «Туризмология негіздері», 3 кредит Бос уақыт, оның функциялары және адам өміріндегі орны. Рекреациялық іс-әрекет туралы түсінік, оның аумақтық бөлінуі – күнделікті, апталық, жылдық рекреация. Адамның тұрақты жерінен тыс жердегі әрекеті ретіндегі «рекреация» анықтамасы. Туризм – рекреацияның бір бөлігі. Демалушы-рекреант-турист ұғымдарының арақатынасы. Демалыс-рекреация-туризм-экскурсия ұғымдарының арақатынасы. Рекреацияның қалыптасуының өндіруші күштер мен қоғамдық қатынастардың дамуына байланысты негізгі кезеңдері. Рекреациялық іс-әрекеттің бұқаралық құбылысқа айналуының объективті алғышарттары.
Рекреациялық қажеттіліктер – рекреациялық іс-әрекетті ұйымдастыру негізі.Қоғамдық, топтық және жеке дара рекреациялық қажеттіліктердің өзара әрекеттесуі. Рекреациялық қажеттіліктерді зерттеудің бағыттары мен әдістері. Демалушылар топтарының табиғи және әлеуметтік-экономикалық ресурстарды, рекреациялық әрекеттер циклдарын, демалыс орындарының сәулеттік-жоспарлаулық құрылым ерекшеліктерін, демалыстың белсенділік сипатын, әлеуметтік және жасмөлшерлік ұласуларды және т.б. таңдауы туралы түсінік.
Рекреациялық іс-әрекет – әлеуметтік-экономикалық құбылыс. Оның мән-мағынасы, құрылымы, классификациясы. Рекреациялық іс-әрекет – территориялық рекреациялық жүйелердегі (ТРЖ) жүйе құрушы фактор. Еңбек пен демалыс режимінің арақатынасы. Рекреациялық іс-әрекеттің қоғамдық функцияларының сипаттамасы: 1) медициналық-биологиялық; 2) әлеуметтік-мәдени; 3) экономикалық; 4) саяси, 5) экологиялық функция. Рекреациялық іс-әрекет эволюциясының тенденциялары. Рекреациялық іс-әрекеттің технологиялық функциялары: 1. Қалпына келтіру: а) емдеу; б) сауықтыру; 2. Дамыту: а) физикалық яғни дене шынықтыру (спорттық рекреация); б) рухани (тану және шығармашылық) функция. Рекреациялық әрекеттердің жүйелері және циклдары. Тәуліктік, жүйелі демалыстық және өмірлік циклдардың құрылымы. Рекреациялық қызмет көрсету – бейматериалдық өндірістің саласы. Рекреациялық жүйе мен ТРЖ: сала мен кәсіпорын ұғымдарының арақатынасы ретіндегі ұғым.
