Қарағанды облысының білім департаменті Орта оқу орындары оқушыларының аймақтық ғылыми – практикалық конференциясы «Жоғары математика және мектеп»

Қазақстан Республикасының 2015 жылға дейінгі білім беруді дамыту Тұжырымдамасында белгіленген орта білім берудің негізгі міндеттерінің бірі «... білім алушылардың еңбек рыногындағы бәсекеге қабілеттігін қамтамасыз ету үшін кәсіптік дағдылар алуына жағдай жасау болып табылады» -деп көрсетілген.

Елбасымыз Н.Ә. Назарбаев (2009 жылы қазанда) Әл-Фараби атындағы Қазақ ұлттық университетінің 75 жылдығында сөйлеген сөзінде «Орта білім белсенді, білімді және табыстарға бағдарланған тұлғаларды тәрбиелеуге жауап береді. Оқушылар «ешқашан бастауды тоқтатпа, ешқашан тоқтауды бастама» деген ақиқаттан адаспауға тиіс» -деген болатын. Осы талаптардан шығу үшін математиканы оқу процесінде оқушылардың өз бетімен шығармашылық жаңа іс-әрекет тәсілдерін игеруге дайындығы мен қабілетін қалыптастыру, зерттеу құзыреттілігін дамыту мақсатында әр оқушыны жеке дара тұлға ретінде қарап осы оқушының оқу дәрежесіне, қабілет-ынтасына қарай осы тақырып таңдалды.

Айтжанова Бақыт ғылыми жұмыстың тақырыбын ашуда Пифагор теоремасын практика жүзінде талдап, зерттеп, нақтылап көрсете білген.

« Пифагор теоремасын басқа тәсілмен дәлелдеу » деген тақырыптағы бұл ғылыми жұмыста оқушы Пифагор теоремасының мектеп бағдарламасындағы және тарихи әдебиеттердегі көптеген дәлелдемелерін салыстыра отырып талдаған. Осы бұрынғы оқулықтардағы теореманы негізге ала отырып, Пифагор теоремасын дәлелдеуді тік бұрышты үшбұрыштың гипотенузасын

3 – тен басталатын натурал сан, ал катеттерін нақты сандар жиынында қарастырған. Пифагор теоремасы ­– геометрияның аса маңызды теоремаларының бірі болғандықтан, оқушы осы тақырыпты ала отырып жұмыс барысында математика мен оның нақты өмірдегі құбылыстардың өзара байланысының жобамен қалай іске асатындығына көз жеткізген. Пифагор теоремасы математиканың барлық салаларында кеңінен қолданылады, оның кездеспейтін жері аз. Ғылыми жұмыстың мазмұны күнделікті оқушының іс – тәжірибесінен алғаны қуантады. Аталған жұмыс қарауға жіберілді.