Азықты қабылдаужәне су ішуін, ауыз қуысын, жұтқыншақ, өңеш (құстарда жемсауын) және қарынды зерттеу Сабақтың мақсаты: Азықты қабылдау, су ішуін, ауыз қуысын, өңеш, жұтқыншақ және қарынды клиникалық зерттеу әдістерін үйрену және зерттеу әдістері мен сызбаларымен (схема) танысу.
Керекті құрал-жабдықтар: Гарместің танау қысқыштары, ларингскоп (көмейді тексеретін құрал), танау-қарын және ауыз-қарын түтіктері, стетофонендоскоптар (ішкі мүшелерде пайда болған дыбыстарды тыңдауға арналған құрал), нұқу балғалары мен плессиметрлер (дене тықылдату), тесу инелері, микроскоптар, ареометр (сұйықтың сыбағалы салмағын өлшейтін аспап), 200 мл цилиндрлер, сірке қышқылы, Романов-Гимза ерітіндісі, азықтар.
