Зерттеудің көкейкестілігі. Адам үнемі күшті, епті, тез, шыдамды жұмыс жасауға, шынығуға, дені сау және сымбатты болуға ынтығады. Осылардың барлығына жетуі үшін бұлшық ет жұмысы кезінде болатын физиологиялық заңдылықтарды білуі қажет. Ал осының негізінде бапкер немесе спортпен шұғылданушы жаттығу процесін адам мүшелеріне және жүйелеріне, жалпы организміне бұлшық ет жұмысы қалай әсер ететінін түсініп, ойланып жоспарлауы мүмкін.
Жаңа типті маман дайындау жүйесінің негізіне төменгі курстарда іргелі жаратылыстану-ғылыми дайындық, ал жоғары курстарда тәжірибе міндеттерін шешуге бағытталған алдыңғы қатарлы ғылыми орталықтардағы арнайы мақсатты дайындық; білім беру жүйесінде өндірістік инновацияларды, атап айтқанда жаңа ақпараттық және телекоммуникациялық технологияларды, оқытудың жаңа әдістері мен тәсілдерін енгізу ұстанымдары алынуы керек [1].
Қазіргі білім беру жүйесіндегі педагогикалық мамандық түлектері мен жалпы білім беретін мектеп қажеттілігі арасындағы үйлестіктің жеткіліксіз болуы, мұғалімдердің оқушыларды оқыту, тәрбиелеу үрдісінде ақпараттық және коммуникациялық технологияларды пайдалануға дайындығының төмен болуы сияқты қайшылықтар осы проблемаға байланысты зерттеу жұмысының тақырыбын «Ақпараттық технологиялар арқылы жаңа тұрпатты мұғалімдер қалыптастырудың теориялық негіздері деп алуға негіз болды.
