ЕШКІ ЕГІЗ ТАБАДЫ
Қоңырат пен Дулаттың арасында үлкен дау болып, екі жақ бас қосқанда Мырзан ешкімге сөз бермей көпті тоқтата беріпті. Мырзанды тоқтату үшін бір шешен, оның бар кемістігін бетіне басып:
Қарамың жоқ адамша—
Көтеріле сөйлейсің,
Көмеғі жоқ адамша.
Құлағы жоқ шұнақ биім,
Құйрығы жоқ шолақ биім,
Көпке сөз бермейсің,—
депті. Сонда Мырзан айтыпты:
Жалғыз десең құдайға тілің тиеді,
Кедей десең пайғамбарға тілің тиеді.
Құлағым жоқ болса, сұңқар шығармын,
Құйрығйм жоқ болса, тұлпар шығармын.
Құйрығы ұзынды итке теңейміз,
Құлағы ұзынды есекке теңейміз.
Ешкі егіз табады,
Ит сегіз табады,
Доңыз тоғыз табады.
Әкең сегіз еді,
Өзің тоғыз едің.
Сенің тоғызынды алайын десе,
Құдайдың зауалы жоқ па?
Маған ұл берейін десе,
Амалы жоқ па?— депті.
Достарыңызбен бөлісу: |
