Өзіндік сана-сезім – сананың өзіңді білу мен өзіңе қатынастың бірлігі ретінде көрінетін бір түрі. Өзіндік сана-сезім сыртқы ортаны және өзіңді өзің танудың бейнеленуінен біртіндеп қалыптасады.
Өзін-өзі тәрбиелеу– адамның өзінің теріс қылықтарын жойып, жағымды қасиеттерін жетілдіру жөніндегі саналы мақсатты іс-әрекеті.
Парыз – адамның қоғам, әлеуметтік топтар, халық, ұжым алдындағы адамгершілік борышын білдіретін этикалық категория, адам бойына тән азаматтық борыш, қастерлі міндет.
Табандылық– маңызды жігерлі сапа, өзінің әрекетін алдына қойған мақсатына бағындыру және кедергіні жеңе отырып, бастаған ісін аяқтап шығу.
Толеранттық (ағылш. tolerance-төзімділік, көнбістік) – басқа ойға, көзқарасқа, наным-сенімге, іс-әрекетке, әдет-ғұрыпқа, сезім-күйге, идеяларға төзімділік, жұмсақтық көрсете білу қасиеті.
