Байланысты: Ќазаќстан Респуликасыныѕ Білім жјне єылым министрлігі
Әкімшілік жауаптылық туралы істерді қарауға өкілетті органдар (лауазымды адамдар) Бұл атқарушы органдардың жалпы жүйесімен сәйкес келмейтін әкімшілік юрисдикция органдары. Олардың құзыретінің, сондықтан, арнаулы сипаты бар. Олардың қатарында:
а) аудандық және соларға теңестірілген соттардың, мамандандырылған ауданаралық әкімшілік соттардың судьялары. Судьялардың қарауына аса маңызды әкімшілік құқық бұзушылықтар туралы істерді қарап шешу жатқызылған.
Судьялар, істің қайта қаралуға жататындығына қарамастан, ӘҚБтК-тің 541-бабының бірінші бөлігінде көрсетілгендерден басқа, әкімшілік жаза түрлерінің бірі ретінде шетелдік азаматтарды не азаматтығы жоқ адамдарды ҚР-ның шегінен әкімшілік жолмен шығарып жіберу, әкімшілік қамауға алу, лицензиядан, арнаулы рұқсаттан, біліктілік аттестатынан /куәлігінен/, арнаулы құқығынан айыру, заттарды өтемін төлеп алып қою не тәркілеу, сондай-ақ құрылысты еріксіз бұзу, белгілі бір қызметпен айналысуға тыйым салу көзделген әкімшілік құқық бұзушылық туралы істерді қарайды;
ә) ішкі істер органдары, мемлекеттік инспекциялар органдары және ӘҚБтК-тің 543-576 баптарымен осындай істерді қарауға уәкілеттік берілген басқа да қадағалау және бақылау органдары /олардың лауазымды адамдары/. Бұларға, мысалы өрт қадағалау органдары, кеден органдары, көлік инспекциялары, монополияға қарсы органдар, санитариялық және малдәрігерлік қадағалау органдары, шекара қызметі органдары, т.б. жатады.
Осы тармақшада көрсетілген органдардың лауазымды адамдары ӘҚБтК-тің өздерінің қарауына жатқызылған істерді қарайды және әкімшілік жазалар қолданады /инспекторлар, бақылаушылар-ревизорлар т.с.с./.
