5-жұмыс.Зәр құрамындағы қантты анықтау. Қалыпты жағдайда несепте қант болмайды. Бірақ көмірсулардың организмге азықпен бірге көп мөлшерде келгенінде, ұйқы безінің қызметі бұзылған кезде және т.б. патологиялық жағдайларда қант несептің құрамында байқалады.
Жұмыстың барысы.Жұмысты өткізу үшін Гайнес реактиві қажет болады. Ол үшін 3 ерітінділерді алдын ала жасау керек:
1) 13,3 г CuSO4 400 мл дистильденген суға ерітеді;
2) 50 г КОН 400 мл дистильденген суға ерітеді;
3) 15 г таза глицеринді 200 мл дист. суға ерітеді;
Алдымен 1-ші мен 2-ші ерітінділерді араластырып оған 3-шіні қосады. Шыны пробирқаға дайындалған Гайнес реактивінен 3-4 мл құйып қыздырады, содан кейін оған 8-10 тамшы несепті қосып, қайта қыздырады. Егер несептің құрамында қант болса, сұйық сары түске боялып, қоныр-қызыл түсті тұнба пайда болады.
