10-жұмыс. Мес қарын жынының қышқылдылылығын анықтау.
Пробиркаға мес қарын жынының 1мл сүзіндісін құйып, оған 4мл. дистильденген су және 2 тамшы универсальді индикатор қосады. (Индикаторды 70% этил спиртінің 100мл 0,375г тимол көгі мен 0,125г метил қызылын ерітіп дайындайды). Пробиркадағы сұйықтың түсіне қарап, оның қышқылдылығын (сутек көрсеткішін – рН) мына төмендегі кестедегі деректерді пайдалана отырып анықтайды.
Қарындағы органикалық қышқылдарды сапалық реакциялар арқылы анықтау.
Сүт қышқылына сапалық реакция. 20 мл дистильденген суға 3 тамшы 1% -ды хлорлы темір ерітіндісін қосқанда су сарғылттау түске боялады.
Осы суды 2 пробиркаға бөліп құяды да, бірінші пробиркаға мес қарын жынының 1-2 тамшы сұйығын тамызады. Егер жында сүт қышқылы болса, ерітінді сары түске боялады.
Екінші пробиркаға 1мл 4%-ті карбол қышқылы ерітіндісін (фенол) құйып, оған 2 тамшы 10%-ті хлорлы темір ерітіндісін тамызады да, сұйық көгілдір түске боялғанша су қосады. Содан кейін пробиркаға мес қарын жынының сұйығын тамызады. Егер ерітіндіде сүт қышқылы болса, онда сары лимон түсті жолақтар пайда болады.
Достарыңызбен бөлісу: |
