Сейіл Жиенбаев
(1896-1945)
Сейіл Жиенбаев 1896 жылы Орынбор облысының Бөрте ауданында дүниеге келген. 1912 жылы Бөртедегі 2 кластық училищені бітіріп, одан Орынбор қаласындағы мұғалімдер даярлайтын мектепке түсіп, оны 1916 жылы бітіріп, мұғалімдік қызметіне кіріседі.
1917-1921 жылдары Ақбұлақ уезінде мұғалім болып, 1921-1928 жылдары Орынбор қаласындағы қазақ мектебінде, әскери мектепте, оқытушылар институтында, педтехникумда қызмет еткен.
1929-1931 жылдары КазПИ-де сырттай оқиды. 1939-1942 жылдары Қазақ ССР оқу Комиссариаты жанындағы ғылыми-зерттеу институтында және КазПи-де оқытушы болды.
1942 жылы «Құрмалас сөйлемнің топтастырылуы» деген тақырыпта кандидаттық диссертация қорғады.
«Қазақ тілінің методикасы», «Қазақ тілі», «Үлкендерге ана тілін оқыту методикасы», «Оқу кітабы», «Кітап оқу методикасы», «Бастауыш мектепте кітап оқыту методикасы» т.б. көптеген әдістемелік еңбектердің авторы.
Сейіл Жиенбаев
Достарыңызбен бөлісу: |
