Жайылымның орманды дала түрлерінде - азық өнімділігі заңды түрде көктемнен жаздың ортасына дейін өседі, оны мамырдың аяғында пайдалана бастайды, күзде олар қазанның аяғына жейін жарамды, жайылымдық масса тек көктем кезеңінің аяғына дейін ғана жиналады (Н.Можаева, И.П.Копытин, 1986). Көктем суық болған жылдары бұл жайылымдарды тек жаздың басынан ғана пайдалану мүмкін. Күзде аралас шөпті-дақылды жер оты – кәдімгі бетеге, бетегебоз, шисабақ қоңырбас, бидайық, жатаған бидайық, ақбас жусан, қызылбояу және басқалардың қурауынан орманды дала жайылымдарының өнімділігі күрт төмендейді. Күздің соңында жағымсыз климаттық жағдайларға байланысты мұндай жайылымдарда мал бағу мүлде қиын. Сондықтан белсенді мал бағу кезеңі 165 тәуліктен аспайды, ал көктемде және күзде жайылымдық азықтың кемдігін егістік азық өндіру саласында жасалған азықтармен толықтыру қажет. Ұзақ уақыт қорада ұсталатын малдарға пішен, сүрлем, пішендеме, мал жемі дақылдары және басқа азық әзірлеуге тура келеді.
Достарыңызбен бөлісу: |
