Орманды - дала аймағына (жылдық жауын шашын мөлшері 300-400 мм) Солтүстік Қазақстан облысының көп бөлігі, Қостанай облысының солтүстік аудандары, Ақмола облысының солтүстік аудандары кіреді.
Табиғи жем қоры барлық мал азығының 27 %құрайды, ал сүт пен ет беретін ірі қара мал шаруашылығы негізінен егістік мал азығына бейімделген.
Далалық аймақ 2-ге бөлінеді. 1. Жартылай – құрғақ аймаққа жылдық ылғал түсуі 290-300 мм) осы аймаққа Солтүстік Қазақстан облысының оңтүстік және шығыс аудандары, Қостанай, Ақмола облыстарының орталық бөлігі, батыс Қазақстан, Ақтөбе, Павлодар облыстарының солтүстік аудандары кіреді. Бұл аймақ ел территориясының 7-13 % алып жатыр.
2. Құрғақ далалық аймаққа (жылдық ылғал түсуі 230-280 мм) Қостанай, Ақмола облыстарының оңтүстік аудандары, Батыс Қазақстанның үлкен бөлігі, Ақтөбе, Павлодар, Қарағанды, Шығыс Қазақстан облыстарының солтүстік бөлігі кіреді. Елдің территориясының 15-18 % алып жатыр. Мұнда өндірілетін мал азығы 52 % болады. Табиғи шабындық және жайылым жерлер барлық мал азығының 45-48% береді. Мұнда егін шаруашылығымен қатар ет-сүт өндіру, және қой шаруашылығы дамыған.
