Білім беру бағдарламасы МҰҒалімге арналған нұСҚаулық Баспаға «Назарбаев Зияткерлік мектептері» дббұ Педагогикалық шеберлік орталығының

Салыстыру және сәйкестендіру тапсырмаларын

жүктеу/скачать 342,15 Kb.

бет	28/72
Дата	25.01.2022
өлшемі	342,15 Kb.
	#114326
түрі	Білім беру бағдарламасы

1 ... 24 25 26 27 28 29 30 31 ... 72

Байланысты:
МАН Информатика

Қосымша кеңес

Салыстыру және сәйкестендіру тапсырмаларын

құрастыруға арналған ұсыныстар

Оқу мақсаттарын саралап, тапсырманың осы түрін қолданған қолайлы болатынына көз жеткізіңіз.
Сәйкестендіру тапсырмасындағы сұрақтарды шектеңіз. Сұрақтардың көп болуы тапсырманы оқуға, орындауға кедергі келтіруі мүмкін.
Оқуға кететін уақытты азайту үшін жауаптар мен сұрақтар тізімінде мүмкіндігінше тек қысқа фразаларды немесе жеке сөздерді қолданыңыз.
Бірінші бағанда жан-жақты сипаттама берілген сөздерді, ал екінші бағанда неғұрлым қысқа және қарапайым жауаптарды қолданыңыз.
Жауаптар тізімін мүмкіндігінше белгілі бір жүйемен реттеп орналастырыңыз (хронологиялық тәртіпте, әліпби бойынша, өсу/кему ретімен және т.б.).
Бір сұрақтың бірнеше дұрыс жауабы жоқ екендігіне көз жеткізіңіз (алайда бір жауап бірнеше сұрақта қолданылуы мүмкін).
Сәйкестендіру тапсырмасын екі бетке бөлмеуге тырысыңыз, бұл тапсырманы орындау кезінде оқушыларға қиындық тудырады, сондай-ақ мұғалімнің тексеруіне де қолайсыз болады.
Тапсырманы орындауға қатысты нұсқаулар нақты болып, оқушыларға сәйкестендіру тапсырмасын қалай орындау керектігі түсінікті болуы тиіс. Барлық оқушылар тапсырманы бірдей түсінуі қажет. Тапсырманың бір мағыналы бір дұрыс жауабы болатындай етіп құрастырылғаны жөн.
Сәйкестендіру тапсырмасында барлығына ортақ ақпаратқа негізделетін сұрақтарды қолданыңыз.
Дұрыс жауапқа меңзейтін грамматикалық немесе басқа да белгілерді қолданудан аулақ болыңыз.
Сұрақтар бағаны нақты сұрақтардан немесе тапсырмалардан, тұжырымдардан және т.б. тұруы тиіс.

Қосымша кеңес

Егер сіз сәйкестендіру сұрақтарын қолданатын болсаңыз, оны дайындауда келесі ұсыныстарды пайдалануға болады:

Оқулықты оқып отырған кезде адамдардың аты-жөніне қатысты деректер мен идеяларды оқуда мұқият болыңыз. Бөлек парақта атауы мен деректерді бір-біріне қарама-қарсы ретте санамалап жазыңыз, нәтижесінде екі түрлі баған пайда болады. Өз тізіміңізді тексеру үшін деректер бағанын қағазбен жауып қойыңыз. Атауы жазылған бағандағы әр элементке қараңыз және соған сәйкес деректі немесе идеяны жазыңыз. Содан соң материалды екі бағытта тексеру үшін атауы бар бағанды жабыңыз, өзіңізге еске салу ретінде деректерді қолданыңыз.

Оқушылардың жоғары деңгейлі ойлау дағдыларын жетілдіріңіз. Көбіне сәйкестікті анықтауға қатысты тапсырмалар іс жүзінде талдау және жинақтау сияқты жоғары деңгейде ойлау дағдыларын емес, нақты білімді бағалайды. Алайда бұл мұндай тапсырмаларды жоғары деңгей дағдыларын бағалауға болатындай құрастыруға болмайды дегенді білдірмейді.

жүктеу/скачать 342,15 Kb.

Достарыңызбен бөлісу:

1 ... 24 25 26 27 28 29 30 31 ... 72