Білім беру бағдарламасы тыңдаушыға арналған нұСҚаулық
Мектепке дейінгі ұйымдағы тәжірибе кезеңінің мазмұны (3 апта)
жүктеу/скачать 1,05 Mb. Pdf көрінісі
|
3 Тыңдаушыға арналған нұсқаулық 30.07.19 2
- Бұл бет үшін навигация:
- 1-кезең – балалардың білімді қалай игеретінін ескере отырып, танымдық оқиға саласын таңдау; 2-кезең
- Бірінші бағыт
- Екінші бағыт
|
Мектепке дейінгі ұйымдағы тәжірибе кезеңінің мазмұны (3 апта) Бірінші аптада педагог тәжірибеге дейінгі аудиториялық кезеңде игерген кейбір жаңа идеяларды, техникаларды, тәсілдерді қолданып, оқу ортасына өзгеріс енгізуге мүмкіндік алады, яғни педагогтің бойында Бағдарлама идеяларын қолдануға деген сенім қалыптасады. Екінші немесе үшінші аптада педагог Бағдарламаның идеяларын негізге ала отырып, апталық циклограмма (мысалы, қалыптастырушы бағалауды қолдану, ойын түрлерін ұйымдастыру және т.б.) және танымдық оқиға құрастыру қажет. Танымдық оқиға білім беру саласына (денсаулық, қатынас, әлеумет, шығармашылық, таным), тақырыпқа немесе даму саласына (физикалық, эмоциялық, танымдық) негізделуі мүмкін. Екінші немесе үшінші аптадағы жұмыс циклі келесі кезеңдерден өтуі тиіс: 1-кезең – балалардың білімді қалай игеретінін ескере отырып, танымдық оқиға саласын таңдау; 2-кезең – әр баланың оқу үдерісіне тартылуын ескере отырып, танымдық оқиға әзірлеу; 3-кезең – баланың оқудағы ілгерілеуін әрі қарай жалғастыру және ұйымдастырылған оқу қызметінің жоспарына өзгеріс енгізу мақсатында балалардың іс- әрекетін бақылау. Бағдарламаның негізгі идеялары екі бағыт бойынша жүзеге асырылады. Бірінші бағыт – Бағдарламаның негізгі идеялары мен мазмұнына байланысты мектепке дейінгі ұйымның ерекшеліктерін ескере отырып, ұйымдастырылған оқу қызметін жоспарлауда оқыту мен тәрбиелеудегі жаңа әдіс-тәсілдерді қолдану. Екінші бағыт – белгілі бір білім беру саласы бойынша балалардың танымдық іс- әрекетін белсендіретін танымдық оқиғаны әзірлеу және іске асыру. «Мектепке дейінгі ұйымдағы тәжірибе» кезеңінде педагогтер тәжірибе кезеңіне арналған барлық тапсырмалардың орындалғаны жөнінде дәлелдемелер жинақтайды, сонымен қатар біліктілікті арттыру курсында оқу нәтижелері бойынша таныстырылым дайындайды. Педагогтерді бағалау және сертификаттау портфолио өткізу нәтижелері бойынша жүргізіледі. Педагогтің мектепке дейінгі ұйымның қызметін жоспарлау және өзгеріс енгізуді негіздейтін рефлексиясы бірінші аудиториялық кезеңге негізделеді, ал «Мектепке дейінгі ұйымдағы тәжірибе» кезеңінде педагогтер бірінші «Бетпе-бет» кезеңінде әзірлеген жоспарларын қолданысқа енгізіп, апробациядан өткізеді, жоспарлары мен циклограммаларға өзгертулер мен толықтырулар енгізеді. Мектепке дейінгі ұйымда өткізуге арналған тапсырмаларды кез келген реттілікпен орындауға болады: - олардың бірқатары белгілі бір танымдық оқиға аясында жүзеге асырылады; - енді бір тапсырмалар перспективалы жоспарлауға түзетулер мен толықтырулар енгізу барысында орындалады; - тапсырмалардың бірқатары циклограмманы апробациядан өткізу барысында іске асырылады; - кейбір тапсырмалар іс-әрекет нәтижелерін бақылау және рефлексия барысында жүзеге асырылады. Тапсырмалар бойынша түсініктемелер ұйымдастырылған оқу қызметіне педагогтің жетекшілігімен жүргізілетін ойын, құрылымдалған ойын және еркін ойынды енгізуді негіздеу және тәрбиелеу мен оқыту тәжірибесіне өзгеріс енгізудің тиімділігін көрсету бойынша рефлексиялық есепті дайындауда көмектеседі. жүктеу/скачать 1,05 Mb. Достарыңызбен бөлісу:
|