Білім беру бағдарламасы Түсіндірме жазба «Мектепалды даярлық білім беру бағдарламасы»
жүктеу/скачать 1,39 Mb.
|
- Бұл бет үшін навигация:
- « Құрастыру » сабағының мазмұны
- Бөлім Бөлімше
- Оқу мақсаттарының жүйесі 1 -Бөлім . Материалдар және қауіпсіздік
- Бөлімше Оқу мақсаттары
- 2-Бөлім. Жасау және дайындау Бөлімше
- 3 -Бөлім . Шығармашылық және презентация
- « Жаратылыстану » Мақсаты
- « Жаратылыстану » сабағының мазмұны
- 2. Оқу мақсаттарының жүйесі 1 бөлім . Тірі табиғат
- 2 бөлім . Өлі табиғат
- 3 бөлім . Физикалық құбылыс
«Құрастыру»Мақсаты: құрастыру дағдыларын қалыптастыру, шығармашылық қиял мен логикалық ойлауды дамыту. Міндеттері: - балалардың құрастырудың түрлі өнімдеріне деген қызығушылықтарын қалыптастыру; - қарапайым конструктивтік шешімдер таба алу, командада жұмыс жасау біліктерін дамыту; - балаларды еңбек мәдениетіне тәрбиелеу. «Құрастыру» сабағының мазмұны «Құрастыру» сабағының мазмұны оқу бөлімдері бойынша ұйымдастырылған. Оқу бөлімдері әрі қарай жинақталған білім, түсінік және дағдыларды қалыптастыру мақсаттарын көздейтін бөлімшелерден тұрады. Әрбір бөлімше ішінде реттілікпен құрылған оқу мақсаттары педагогқа жұмысын жоспарлауға, балалардың жетістіктерін бағалауға және оларға оқудың келесі кезеңдері туралы ақпарат беруге мүмкіндік береді.
Оқу мақсаттарының жүйесі 1-Бөлім. Материалдар және қауіпсіздік
1. 1. Материалдарды зерделеу Табиғи және жасанды материалдарды ажырату. Құрылыс материалдарынан құрастыру әрекетін ұйымдастыруда педагог адамдарды, жануарларды, өсімдіктер мен көлікті бейнелейтін түрлі ұсақ ойыншықтарды қолдану. Табиғи және жасанды материалдардың қасиетін атау: қағаз ( тығыз, жазу, жылтыр, жартылай ватман, жұқа картон) табиғи және (бүршік, жаңғақ, бұтақ, тұқым, шөп) қалдық материалдар (жұмыртқаның қорабы, сырты, тығындар, сүттің, айранның сыртындағы қабы, плсатик бөтелкелер және т.б.). Бұйымдарды жасауда қосымша материалдар: қағаз, картон, ермексаз, сым, сіріңке, желім және пышақ, қайшы, біз, ине қолданылады.
Материалдармен және құралдармен жұмыс барысында техника қауіпсіздігі ережелерін орындау. Құрылыс материалдарын олардың әрбір бөлшегіне арналған бөліктері бар арнайы шкафта сақтау, сондай-ақ онда материалды балалар кез-келгенін жылдам тауып алу үшін пішіндері бойынша орналастыру. Еңбек пен шығармашылыққа арналған қадалатын және кесетін құралдарды дұрыс қолдану. Жұмыс барысында құралдарды, жұмыс орнын ретке келтіру. Балаларды құрылыс бөлшектерімен, бөлшектердің қозғалатын және қозғалмайтын бірігуімен таныстыру, құралдармен қалай жұмыс істеуді көрсету және еңбек қауіпсіздігі ережелері туралы айту, суреттерден бөлшекті табуды, бұрандалар мен сомындардың көмегімен бекітуді үйрету. Конструктор әр балаға беріледі. Педагог оған не үшін қамқорлықпен қарауды түсіндіреді. 2-Бөлім. Жасау және дайындау
2. 1. Құрастыру техникалары мен тәсілдері Моделдеуді, құрастыруды және құрастыру бөлшектерін ажырата білуге, берілген тақырып, жағдай, сурет, фотосуреттер бойынша сөзбен сипаттама беріп, оларды құрастыруға үйрету. Жаңа құрылымдық шеберліктерді үйрету: шағын жалпақ бөліктерді бір үлкеніне қосу, құрылыстарды мықты, биік етіп жасау. Бір құрылымның түрлі көлемдегі нұсқаларын және ұжымдық құрылыстарды (қала көшелері, зообақ, теңіз порты) жасау дағдыларын қалыптастыру. 2.2. Жұмыс кезеңдерін жоспарлау. Бұл жас кезеңінде балалар өз жұмысын жоспарлай білуге тартылады. Оны орындамас бұрын құрылыс қандай болатын елестетуі қажет; қажетті материалды ойластырады және таңдайды. 3-Бөлім. Шығармашылық және презентация
3. 1. Шығармашылық. Дайын үлгі, қарапайым сызба бойынша жұмыс жасай білу, контур бойынша ою мен тілуге қайшыны қолдану дағдыларын қалыптастыру. Мазмұн бойынша ұжымдық құрастыруға баулу. Шығармашылық ойлауы мен қиялын дамыту. Қағаздан құрастыру әдістерін қолдана отырып, жазық материалдарды көлемді пішінге (жартылай конусты конусқа шиыршықтау, тік төртбұрышты цилиндрге, шаршыны текшеге айналдыру, өру) айналдыру. Табиғи және қалдық материалдардың түрлерін ажырата білуге үйрету. Сіріңке қораптарынан түрліше үйлестіріп, бұйымдар құрастыруды қалыптастыру. Табиғи материалдардан әртүлі ұсақ бұйымдар жасау. Балалар дайын жұмыстарды талдау барысында, өзінің қандай зат жасағаны туралы (бұл педагогтың ұсынған шартына сәйкес келеді ме, не үшін басқа бөлшектерді емес, осы бөлшектерді қолданды, неге ғимарат осылайша безендіргенін) айтуы қажет. Табиғи және қалдық материалдармен жұмыс дағдыларын жетілдіру: шығармашылық қиялын көрсетуі, бұйымды көрнекілікке, өзіндік елетестуіне қарай жасай білуі. 3.2 Презентация және жұмысты бағалау. Өзбетімен құрастыру әрекеттері балаларға өзінің және құрдастарының тәжірибелерін шығармашылықпен пайдалануға, өз әрекеттеріне талдау жасау білігін меңгеруге мүмкіндік береді. Бірлескен жұмыс барысында бір-бірінің жетістіктері мен сәтсіздіктерін байқауға үйренеді, көмекке келеді. Егерде құрылыс материалдарын шашып тастаса немесе құрастыру бөлшектерін жоғалтатын болса, қанша сәтті шықсада, жолдасының жұмыстарын оң бағалауға болмайтынын игеруі қажет; егер ол сонша тырысқан болса, ұялшақ, жайбасар құрдасының құрылыстарын көп сынауға болмайтынын түсінуі қажет. «Жаратылыстану» Мақсаты: заттар мен құбылыстар туралы алғашқы табиғаттану түсініктерін қалыптастыру, өзін табиғаттың бір бөлігі ретінде сезіну және қоршаған ортаға дұрыс қатынас жасау Міндеттері: - табиғат нысандарын бақылау дағдыларын дамыту, олардың кейбір ерекшеліктерін көру және ажырату: сыртқы кейпі, мінез-құлық әрекеті (жануарлар), өсіп-өну жағдайдары (өсімдік), оларға күтім жасау, табиғаттың жеке өзара байланысын көру; - тұрмыстағы, табиғаттағы экологиялық салауатты мінез-құлықты қалыптастыру және жағымсыз қылықтардың неге әкелетінін алдын ала білу; - балалардың сөйлеу тілін, зейінін, ойлауы мен бақылау жүргізіп, қарапайым қорытынды шығару білігін дамыту. «Жаратылыстану» сабағының мазмұны «Жаратылыстану» сабағының мазмұны оқу бөлімдері бойынша ұйымдастырылған. Оқу бөлімдері әрі қарай жинақталған білім, түсінік және дағдыларды қалыптастыру мақсаттарын көздейтін бөлімшелерден тұрады. Әрбір бөлімше ішінде реттілікпен құрылған оқу мақсаттары педагогқа жұмысын жоспарлауға, балалардың жетістіктерін бағалауға және оларға оқудың келесі кезеңдері туралы ақпарат беруге мүмкіндік береді.
2. Оқу мақсаттарының жүйесі 1 бөлім. Тірі табиғат
Балалардың бойында табиғатқа деген сүйіспеншілікті қалыптастыру, олардың табиғатты қорғау туралы білімдерін кеңейту. 1.1.Табиғат әлемін танудың қарапайым әдістері. Табиғаттағы маусымдық өзгерістерді атауға, ажыратуға және бақылауға үйрету. Мысалы: педагогтың күзде мынадай ойындарды өткізуіне болады. «Әртүрлі бес ағаштан бес жапырақ алып, олардың қай ағаштың жапырағы екенін атау». «Ең әдемі жапырақтарды жинау», «Ең үлкен жапырақты табу» және «Сипаттамасына қарай ағаш пен бұтаны табу», «Қандай ағаштың жапырағы екендігін сипап білу». 1.2.Өсімдіктер әлемі. Табиғаттағы маусымдық өзгерістер туралы білім; тірі және өлі табиғат нысандарын бақылау. Бақылау барысында анықталған заңдылықтар мен қорытындыларды тұжырымдау (мысалы, күн сәулесінің және жылудың жеткіліксіздігінен және суық түсуінен өзгерістердің болуы). Халық ырымдарымен таныстыру. Жұмбақ, жаңылпаш және мәтелдерге орай, балалар қоршаған табиғатқа ерекше ықылас-ынтамен қарауға баулу. Жақын аймақта орналасқан ағаштар, бұталар, жапырақтар туралы түсініктерін бекіту, өздеріне тән белгілері бойынша ағаштар мен бұталардың бірнеше түрлерін ажырату. Өсімдіктерді тірі табиғаттың бөлшегі ретінде өсімдіктер тіршілігіне қажетті жағдайларды анықтау. Барлық тіршілік сияқты барлық өсімдіктердің өсуі үшін белгілі бір жағдайлар (топырақ, жарық, жылу, су) қажет екенін үйрету. Адам өмірі үшін өсімдіктердің маңызын көрсету. Өсімдіктерді топтастыру: ағаштар, бұталар, шөптер. Көкөністер мен жемістерді атауға, ажыратуға және жалпылауға үйрету. Өсімдіктердің дамуы мен өсуі (тұқым, өскін, жапырақты сабақтар, гүлдер, тұқым) туралы, оларды өсіру және оларға күтім жасау тәсілдерін (жерге отырғызу, суару, топырақты қопсыту, арам шөпті жұлу, қоректендіру) үйрету. Бөлме өсімдіктерін күтіп бағу, олардың вегетативті (бұтақтан, жапырақтан, мұртшалардан) көбеюі, өсімдіктердің жағдайы мен қоршаған ортаның жағдайлары арасында байланыс орнату білігін үйрету.
Жабайы аңдардың тіршілігі туралы түсініктерін кеңейту. Күз кезеңінде аңдардың сыртқы келбеті мен тіршілік ерекшеліктерін сипаттай білуге (мекендейтін жері, түсі, азығы, қысқа дайындығы) үйрету. Көктемгі-жаздық мезгілдегі жануарлардың тіршілігі туралы ұғымдарын кеңейту (кейбір жануарлардың қысқы ұйқыларынан оянуы, түлеуі, ұя салу, төлдеу). Қазақстанда мекендейтін жабайы жануарлармен (кірпі, сарытышқан, қарсақ, дала тасбақасы, қосаяқ, құлан), олардың сыртқы келбетімен, мекендейтін жерлерімен таныстыру. Қыстап қалатын және жыл құстары туралы ұғымдарын қалыптастыру.
Адам ағзасының атқаратын қызметін білу және сезім мүшелерін атау. Алты-жеті жастағы балалардың ақылы мен сезімін байыту үшін табиғаттың, сәулеттің, өнер туындыларының әсемдігін көруге қабілетті. Адам өміріне қажетті жағдайларды білу. 2 бөлім. Өлі табиғат
2.1 Өлі табиғат денелері мен заттары. Өлі табиғатта маусымдық өзгерістер туралы ұғымдарды қалыптастыруды жалғастыру. Түсі, көлемі, пішіні мен маңызы бойынша заттарды салыстыру және оларды жіктеуді білу. Кез-келген зат адам еңбегімен жасалғаны туралы түсінік беру. Адам қолынан жасалған заттарға ұқыптылықпен қарау. Телефон, компьютер, теледидар, радио және оларды қолданудың кейбір қарапайым ережелері туралы білімдерін кеңейту. 2.2 Табиғат құбылыстары Адам қолымен жасалған заттарды өлі табиғат заттарынан ажырата білуге үйрету. Судың үш жағдайы туралы білімдерін бекіту. Өлі табиғат нысандарымен, олардың қасиеттерімен және белгілерімен таныстыру: көмір, құм, сазбалшық, мұнай, гранит. Атап, оларды ажырата білуге үйрету. Заттар, олардың нышандары мен белгілері туралы ұғымдарды бекіту. Табиғат құбылыстары туралы білімдерін кеңейту: тұман, шық, найзағай, қырау, бұршақ, сүңгі, тамшы, жылымық. 3 бөлім. Физикалық құбылыс
Балалардың дене құбылысы туралы білімдерін дамыту: жарық (жарық беретін нысандарды атау – от, күн, шырақ), дыбыс (табиғаттағы дыбыстың дерек көзін анықтау), жылу (жылудың дерек көзін атау), электр және магниттілік (электр тоғының табиғи дерек көзін атау, магнитты қолдану жолдарын атау). 3.1. Қозғалыс және күш Қардың тез ерігенін (көлеңкеде неме күн астында), қандай қар тез еритінін (таза немесе лас) бақылау тапсырмасын беру. Көктемде күш жинап алу үшін қыста ағаштар мен бұталар демалатынын түсіндіру керек. Күннің көрінетін қозғалысына бақылау жасау, балаларға желтоқсан айында күн жоғары көтерілмейтіні, күндер өте қысқа болатыны, ал қаңтар айында, әсіресе, ақпанда күн шамалы ұзара бастайтынын, алайда, аяз әлі де болса қатты болатыны туралы түсінік беру; ақпан айында тек қана аяз емес, сонымен қатар боран мен бұрқасын да болатынын айту. 3.2. Жарық Балаларды көктемде тіршіліктің жандануы қуантады, оларды болып жатқан өзгерістер қуантады. Бұл қызығушылықты қолдау қажет. Жарық беретін нысандарды атап көрсету: от, күн, шырақ. 3.3. Дыбыс Құстардың ұялайтын орнына серуен ұйымдастыру. Құстардың ән салғанын тыңдау, көкекті, бұлбұлды, қараторғайды дауыстары бойынша анықтауға үйрету. Табиғаттағы дыбыстың шығу көзін анықтау. 3.4. Жылу Серуенде балалардың назарын күннің күнделікті жоғары көтеріліп, ауа райының жыли бастағанына аудару керек. Жылудың дерек көзін атап көрсету. Педагог қардың қорғаныштық (жерді және өсімдіктерді аяздан қорғап жабады, қар жабындысы көктемде өсімдіктер үшін ылғал көзі болып табылады, сондықтан егістіктерде қар тоқтату жүргізіледі) қасиеттері туралы атау қажет. 3.5. Электрлік және магниттілік Электрдің табиғи дереккөздерін атау. Салыстыру тәсілі тиімді әдіс болып табылады. Балалар заттарды салыстыра отырып, олардың ұқсастық белгілерін айқындайды, айырмашылығын анықтайды. Магнитті қолдану жолдары. жүктеу/скачать 1,39 Mb. Достарыңызбен бөлісу:
|