| Білім беру саласы: Таным
Ұйымдастырылған оқу іс-әрекет: Математика
Тақырыбы: Ауыр – жеңіл; сұйық, сусымалы заттар
Мақсаты:
Білімділік: Балаларда әртүрлі заттар мен материалдардың өз салмағы болатыны туралы түсінік қалыптастыру.
Дамытушылық: Олардың салмағын анықтау үшін заттарды өлшеу тәсілімен таныстыру және дәптерде бағдарлау қабілетін дамыту.
Тәрбиелік: достық қарым – қатынасқа тәрбиелеу.
Керекті құралдар: есеп дәптері, сұйық және сусымалы заттар.
Әдіс-тәсілдер: көрсету, түсіндіру, сұрак – жауап, мадақтау, қорытындылау.
Әрекет кезеңдері
|
Тәрбиешінің әрекеті
|
Балалардың әрекеті
|
Мотива-циялық - қозғаушы
|
Алдымен балалардың заттың салмағы , көлемі туралы тұрмыстық түсініктерін анықтап алу керек.
-Не ауыр? Не жеңіл? (Мысалы үлкен қарбыз –кішкентай қауын, үлкен текше – кішкентай текше сияқты суреттер жұбын көрсету, т.б.)
-Заттардың салмағын ненің көмегімен анықтауға болады?
-Сендер таразының қандай болатынын білесіңдер ме?
Әр үстелде түсі, өлшемі бірдей 3 қапшықтан жатады.
-Сендердің алдарыңда 3 қапшық жатыр.
-Олар қай жағынан ұқсас? (түсі, өлшемі)
-Оларды қолдарыңа алыңдар. Енді олардың қай жағынан ұқсамайтынын біле алдыңдар ма?
-Қапшықтардың қайсысы ауыр?
-Қане ауыр қапшықты қарап көрейікші. Оның ішінде не бар?
|
Балалар педпгогтың көмегімен қолдарымен табақшалары бар таразыны бейнелеп көрсетеді. Содан соң үстелге отырады.
Басқа қапшықтарды да осылай қарап шығады.
|
Ұйымдас-тырушылық - ізденушілік
|
Әліппе дәптермен жұмыс.
№1 тапсырма.
-Суретке қараңдар. Суреттен қандай ауыр, жеңіл заттарды көріп тұрсыңдар?
«Не жеңіл болады?» ойыны (қар ұлпасы, жапырақтар, жүгіру, т.б.)
«Не ауыр болады?» ойыны (жүк, тыныс алу, аяңдау, т.б.)
-Жақсылап қарап, топтағы заттарды атаңдар: не ауыр, не жеңіл? Айналаны қоршаған ортадан қандай ауыр немесе жеңіл заттарды білесің?
Балаларға серуенге шыққанда 4 ас қасық жарманы өлшеп алып, құстарға беруге рұқсат беру. «Бізде ас қасық жоқ, тек шәй қасық бар. 4 ас қасық жарманы қалай өлшейміз?»- деп сұрау. 1 ас қасықтың ішіне неше шәй қасық жарма сыятынын естеріңі түсіріңдер. Тақтаға шақырылған оқушыға жарманың қажетті мөлшерін өлшеу ұсынылады, ал қалғандары карточканың жоғарғы жолағына қанша қасық өлшенгенін шаршылармен белгілеп отырады. Бала алғашқы 2 шәй қасық жарманы өлшегеннен кейін, сұрақ қойылады: «Қанша шаршыны жолаққа қою керек? Неге?»
Тапсырманы орындап болғаннан кейін былай сұрақ қоюға болады. «Неше шаршыны шығарып қойдыңдар? 1 шаршы нені білдіреді? Неше қасық жарма өлшенді? Біз бүгін нені үйрендік?»
№4 тапсырманы орындау кезінде балалардың назарын торкөздің санына сәйкес бөлшектерді бояу керектігіне аудару. Мысалы, бір торкөздің бөлшегі- 1 цифрымен қатар бейнеленген қарындаш, екі торкөздің бөлшегі – 2 цифрымен қатар бейнеленген қарындаш, т.б.
|
Суреттегі заттарды атайды.
Заттардың қайсысы ауыр немесе жеңіл екенін айтады.
Қойылған сұрақтарға жауап береді.
Айгүл 2 шәй қасық жарма өлшеді, ол 1 ас қасық болады, демек 1 шаршыны шығарып қоямыз.
№3 тапсырманы балалар өз беттерінше орындайды.
|
Рефлексті – коррекция-лаушы
|
Балалар, біз бүгінгі оқу іс-әрекетінде не үйрендік?
Жарма қайсысында көп? Қайсысында аз?
|
Жарманы шәй қасықпен өлшеп, есепті ас қасықпен жүргіздік.
Балалардың жауаптары.
|
Күтілетін нәтиже:
Біледі: ойындар ойнау, сұрақтарға жауап беру.
Игереді: жарманы өлшеу жолдарын.
Меңгереді: әліппе дәптердегі тапсырмаларды орындауды.
Білім беру саласы: Шығармашылық
Ұйымдастырылған оқу іс-әрекет: Сурет
Тақырыбы: Аққала жасайық
Мақсаты:
Білімділік: Адамдардың қозғалыс кезіндегі бейнелерін бере білуге және кейіпкерлерінің өзара байланысын айнытпай салуға қол жеткізу; ұжымдық композиция құрастыруға үйрету.
Дамытушылық: Шығармашылық қабілеттерін дамыту.
Тәрбиелік: суреттің мазмұнын, өздеріне тән ерекшеліктерін әсерлік сезіммен қабылдай алуға тәрбиелеу.
Керекті құралдар: Аққала бейнеленген суреттер, акварель бояуы, қылқалам, су құйылған ыдыс, қолорамал.
Әдіс-тәсілдер: көрсету, түсіндіру, сұрак – жауап, мадақтау, қорытындылау.
Әрекет кезеңдері
|
Тәрбиешінің әрекеті
|
Балалардың әрекеті
|
Мотива-циялық - қозғаушы
|
Жұмбақ
Шелек қалпақ басында,
Сәбіз екен танауы.
Қыста қардан туатын,
Тауып көрші, сен оны.
(Аққала)
|
Балалар жұмбақтың шешуін табады.
|
Ұйымдас-тырушылық - ізденушілік
|
Дұрыс жауабын тапқаннан кейін аққаланың суретін көрсетіп, әңгімеге тарту. Аққаланың неден, қашан, қалай жасалатынын сұрап, сұрақтарға жауаптар алу.
Балаларға жұмыстың жасалу жолын көрсету.
Балаларға жұмыс дәптеріндегі тапсырмаларды орындау ұсынылады.
Балалар жұмысын қадағалап, қиналған балаларға көмек қолын созу.
|
Балалар Аққаланың неден және жылдың қай мезгілінде жасалатынын айтып береді.
Балалар мұқият зер салып қарап отырып, орындау ретін түсінеді.
Балалар жұмысқа кіріседі.
|
Рефлексті – коррекция-лаушы
|
Оқу іс-әрекетінің соңында аяқталған жұмыстарға талдау жасалып, қорытындыланады. Жақсы орындалған тапсырмалардан көрме ұйымдастырылып, балалардың еңбектері бағаланады.
|
Балалар достарының жұмыстарын қарап шығып, ең үздік жұмысты атайды.
|
Күтілетін нәтиже:
Біледі: жұмбақ шешіп білуі.
Игереді: Аққаланың бейнесін ақ қағаз бетіне дұрыс түсіруді.
Меңгереді: Аққаланың өзіне тән ерекшелігін бере білуді.
Білім беру саласы: Шығармашылық
Ұйымдастырылған оқу іс-әрекет: Жапсыру
Тақырыбы: Кілем
Мақсаты:
Білімділік: Кілемді ұлттық ою-өрнекпен безендіру; ою-өрнек туралы білімдерін
бекіту; матадан аппликация жасау жұмысын орындауды үйрету.
Дамытушылық: Балаларға ою-өрнектерді дұрыс орналастыра білуге, кеңістікті, түстерді сезіне білуге үйрету.Шығармашылық қабілеттерін дамыту.
Тәрбиелік: Эстетикалық сезімдерін тәрбиелеу.
Керекті құралдар: Ою-өрнектермен безендірілген ұлттық бұйымдар, Фетр мата, қайшы, қарындаш, желім, қолорамал.
Әдіс-тәсілдер: көрсету, түсіндіру, сұрак – жауап, мадақтау, қорытындылау.
Әрекет кезеңдері
|
Тәрбиешінің әрекеті
|
Балалардың әрекеті
|
Мотива-циялық - қозғаушы
|
Шаттық шеңберін құру.
Арайлап таң атты,
Алтын сәуле таратты.
Қайырлы таң!
Қайырлы күн!
Күліп шықты күн бүгін.
|
Балалар шеңбер құрып тұрады да, өлең жолдарын бірге қайталайды.
|
Ұйымдас-тырушылық - ізденушілік
|
Балаларға ұлттық бұйымдардың суретін көрсетіп, олардың ерекшелігіне, ою-өрнегіне, түр-түсіне назарларын аудару. Қазақ халқының тұрмыстық бұйымдары туралы алдыңғы сабақта алған білімдерін толықтыру.
Бүгінгі сабақта жапсыру жұмысына қолданылатын материалдың (фетр мата) ерекшелігімен таныстыру. Кілемге салынатын өрнекті текемет, сырмаққа салынатын өрнек түрлерімен салыстырып, ерекшелігін анықтау.
Жұмыстың орындалу барысын түсіндіре отырып, матамен орындалатын аппликациялық жұмысты жасалу жолы көрсетіледі.
Оюдың үлгісін қиып алу.
Оюдың үлгісін матаның үстіне қойып, жай қарындашпен бастырып сызып алу. Фетр матаның орнына түрлі түсті барқыт қағазды қолдануға болады.
Оюды сызық бойымен қиып алу.
Негізгі қағаз бетіне аппликация бөлшектерін әртүрлі орналастырып көріп, ішінен дұрысын таңдап алу.
Аппликация бөлшектерін ретімен ПВА желімімен жапсыру.
|
Балалар ұлттық бұйымдардың суретін қарастырады.
Фетр матасымен танысады.
Ою-өрнектерді салыстырып, ерекшеліктерін анықтайды.
Тәрбиешіні мұқият тыңдап отырады.
Балалар жұмыс дәптеріндегі көрсетілген үлгімен танысады, оның орындалу ретін түсіне отырып, жұмысты орындайды.
|
Рефлексті – коррекция-лаушы
|
Дайын жұмыстарға талдау жасау, сабақты қорытындылау.
|
Балалар достарының жұмысына талдау жасайды. Ең үздік, әдемі жұмыстарды атайды.
|
Күтілетін нәтиже:
Біледі: жапсырудың әдіс-тәсілдерін білуі.
Игереді: ою-өрнекті үлгі бойынша қиюды.
Меңгереді: дайын ою – өрнекті ретімен жапсыруды.
Білім беру саласы: Шығармашылық
Ұйымдастырылған оқу іс-әрекет: Мүсіндеу
Тақырыбы: Алдаркөсе
Мақсаты:
Білімділік: Адам денесін мүсіндей алуға және ертегі кейіпкерінің бейнесін бере білуге үйрету.
Дамытушылық: Балалардың ой-қиялын, шығармашылық қабілеттерін дамыту.
Тәрбиелік: еңбекқорлыққа, ұқыптылыққа тәрбиелеу.
Керекті құралдар: Алдаркөсе мүсінінің үлгісі, ермексаз, тақтайша, кескіш, қолорамал.
Әдіс-тәсілдер: көрсету, түсіндіру, сұрак – жауап, мадақтау, қорытындылау.
Әрекет кезеңдері
|
Тәрбиешінің әрекеті
|
Балалардың әрекеті
|
Мотива-циялық - қозғаушы
|
Шаттық шеңберін құру.
Арайлап таң атты,
Алтын сәуле таратты.
Қайырлы таң!
Қайырлы күн!
Күліп шықты күн бүгін.
Балаларға үнтаспадан Алдаркөсенің «Мен Алдармын, Алдармын» әнін тыңдату.
Алдаркөсенің жағымды немесе жағымсыз кейіпкер екенін, оны неге елдің бәрі жақсы көретінін сұрау.
|
Балалар шеңбер құрып тұрады да, өлең жолдарын бірге қайталайды.
Балалар Алдаркөсенің кім екенін, ол туралы қандай ертегі естігенін айтады.
Балалар өз ойларын айтады.
|
Ұйымдас-тырушылық - ізденушілік
|
Балаларға жұмыстың орындалу ретін түсіндіру.
Әртүрлі ермексазды жұмсартып аламыз.
Бір кесек ермексазды бірнеше бөлікке бөліп алып, денесі үшін үлкен цилиндр, қолдары үшін екі кішілеу цилиндр дайындап аламыз.
Денесін саусағымыздың көмегімен ермексазды жоғары жағынан төменге қарай ығыстыра мүсіндей отырып, конус пішініне келтіреміз. Екі жанына қолдарын біріктіреміз.
Домалақ ермексазды конус пішініне келтіріп, илеп аламыз.
Жоғары жағын дөңгелектеп, бөріктің пішініне келтіреміз.
Шағын екі цилиндрден аяқтарын жасаймыз.
Шағын цилиндрлер жасап алып, бір жағын бүгіп, етіктерін мүсіндейміз.
Ақ және қызыл ермексазды әбден араластырып илеп, осы ермексаздан домалақтап басын мүсіндейміз. Шағын бөлігінен домалақтап мұрын жасаймыз.
Денесіне басын біріктіріп орналастырамыз.
Басына бөркін біріктіріп, қоңыр ермексаз жолақшасынан тері жасап, етегіне жапсырамыз.
Аяғы мен аяқ киімін бір-біріне біріктіреміз.
Бас, дене, аяқтарын бір-біріне біріктіреміз.
Тіс шұқығыз шидің көмегімен көзін, аузын саламыз.
Қатырмақағаздан кішкентай домбыра қиып алып, Алдаркөсенің денесіне бекітеміз.
|
Балалар тәрбиешінің түсіндірме жұмысын мұқият зер салып тыңдайды.
Балалар тәрбиешінің көрсеткен үлгісіне қарап, ретімен тапсырманы орындайды.
|
Рефлексті – коррекция-лаушы
|
Жасалған жұмыстарға балаларды қатыстырып талдау жасалады. Ұқыпты әрі дұрыс орындалған жұмыс иелері мадақталады.
|
Балалар достарының жұмысын қарастырып талдайды. Ең үздік жұмыстарды атайды.
|
Күтілетін нәтиже:
Біледі: мүсіндеудің әдіс-тәсілдерін білуі.
Игереді: Алдаркөсенің денесінің бөліктерін үлгі бойынша мүсіндеуді.
Меңгереді: дайын болған дене бөліктерінен бір-біріне бекіту арқылы Алдаркөсені мүсіндеуді.
Білім беру саласы: Әлеуметтік орта
Ұйымдастырылған оқу іс-әрекет: Көркем әдебиет
Тақырыбы: Қыс
Мақсаты:
Білімділік: Қыс мезгілінің ерекшелігін балаларға түсіндіру.
Дамытушылық: Қыс мезгіліне деген қызығушылығын арттыру.
Тәрбиелік: Табиғатты бақылауға, қорғауға тәрбиелеу.
Керекті құралдар: қыс мезгілінің суреті.
Әдіс-тәсілдер: көрсету, түсіндіру, сұрак – жауап, әңгімелеу, мадақтау, қорытындылау.
Сөздік жұмыс: Жасқанбаймын, шаттана.
Әрекет кезеңдері
|
Тәрбиешінің әрекеті
|
Балалардың әрекеті
|
Мотива-циялық - қозғаушы
|
Шаттық шеңберін құру.
Біз балдырған тең басқан,
Дос құшағын елге ашқан.
Тілегіміз бейбіт күн,
Ашық болсын көк аспан.
|
Балалар шеңбер құрып тұрады да, өлең жолдарын бірге қайталайды.
|
Ұйымдас-тырушылық - ізденушілік
|
-Қазір жылдың қай мезгілі?
-Қыс мезгілі неше айдан тұрады?
-Қыста қар неге жауады?
-Қардан не жасауға болады?
Дәптермен жұмыс: Ә. Табылдының «Қыс» өлеңін жаттау.
Жас ұланмын шыныққан,
Жасқанбаймын суықтан.
Қардан жасап аққала,
Сырғанаймыз шаттана.
-Сендерге аққала соққан ұнай ма?
-Аққаланы неден соғады?
-Ендеше аққала соғып көрелік.
Сергіту сәті:Қарды жинаймыз, дөңгелектейміз, тағы да біреуін дөңгелектейміз. Дайын қарларды бірінің үстіне бірін қоямыз. Қолын жасаймыз, көздерін, мұрнын, аузын жасаймыз.
Мінекей, аққаламыз да дайын болды.
Қимылды ойын: «Қар жинау»
Ойын шарты: Балалар екі топқа бөлінеді. Ортада екі топқа да бірдей етіп қар үйілген. Берілген белгі бойынша шелекке қарды толтыру керек.
Дәптермен жұмыс: жұмбақтың шешуін тап.
Шанамен зырлап желетін,
Шаңғы, коньки тебетін.
Аққала жасап ойнайтын,
Қай мезгіл деп ойлайсың? (Қыс мезгілі)
Дидактикалық ойын: «Аққаланы құрастыр»
Ойын шарты: қиып дайындалған аққаланың денелерін тақтаға апарып ретімен орналастыру керек. Балалардың көздері байлаулы болады. Ойын осылайша жалғасады.
|
Балалар бүгінгі ауа-райын бақылап, табиғат күнтізбесіне белгілейді.
Балалар өлеңді мұқият тыңдайды.
Тәрбиешімен бірге қайталап жаттайды.
Қимылмен көрсетеді.
Балалар екі топқа бөлініп қарды жинайды.
Жұмбақтың шешуі қыс мезгілі екенін табады.
Балалар ойынды қызығушылықпен ойнайды.
|
Рефлексті – коррекция-лаушы
|
-Қыс мезгілінің қандай ерекшеліктері бар?
-Қыс айында қандай мерекелер болады?
-Қыс мезгілі несімен ұнайды?
-Қардан тағы не жасауға болады?
|
Қойылған сұрақтарға жауап береді.
|
Күтілетін нәтиже:
Біледі: қыс мезгілінің ерекшеліктерінатап, қыс туралы тақпақтарайтып, жұмбақтар шешіп білуі.
Игереді: «Қыс» өлеңін жаттай білуі.
Меңгереді: Қимылды ойын мен дидактикалық ойындарды шартын дұрыс түсініп ойнау.
Білім беру саласы: Қатынас
Ұйымдастырылған оқу іс-әрекет: Сауат ашу
Тақырыбы: «Ф» дыбысы
Мақсаты:
Білімділік: Балаларды ф әрпімен таныстыру, ф әрпінің жазылуын, оқылуын меңгерту.
Дамытушылық: Сөздік қорларын дамыту.
Тәрбиелік: Әдемі, сауатты жазуға баулу.
Керекті құралдар: кеспе әріптер, буындар, суреттер.
Әдіс-тәсілдер: көрсету, түсіндіру, сұрак – жауап, әңгімелеу, мадақтау, қорытындылау.
Сөздік жұмыс: фонтан, фотоаппарат, фото.
Әрекет кезеңдері
|
Тәрбиешінің әрекеті
|
Балалардың әрекеті
|
Мотива-циялық - қозғаушы
|
Шаттық шеңберін құру.
Біз балдырған тең басқан,
Дос құшағын елге ашқан.
Тілегіміз бейбіт күн,
Ашық болсын көк аспан.
|
Балалар шеңбер құрып тұрады да, өлең жолдарын бірге қайталайды.
|
Ұйымдас-тырушылық - ізденушілік
|
Балалардың зейіндерін оқу іс-әрекетіне аудару.
-Балалар біз өткенде қандай дыбыспен таныстық?
-Қане в дыбысын қарастырып, сөздер ойлап жіберейік.
Енді осы сөздерден сөйлем құрайық.
Балалар, біз бүгін жаңа «Ф» дыбысымен танысамыз.
Фонтан, фото, футбол сөздерін буынға бөлгізу. Осы сөздердегі ең бірінші дыбысты айтқызу.
Дәптермен жұмыс.
Кофе, телефон, фотоаппарат сөздеріне дыбыстық талдау жасатып, ондағы ф дыбысының орнын ажыратқызу.
Балалардың өздеріне ф дыбысының сөздің басында , ортасында келетін сөздер ойлату. Дәптердегі буындарды, сөздерді құратып оқыту.
Жазу жұмысы.
Балаларға ф дыбысын ауада жазып көрсету.
«Сөйлем құра» тапсырмасы бойынша сөйлем құрату.
Мысалы:
Көшеде фонтан тұр. Әдемі фонтан атқылайды.
Кофе, фото, буфет сөздерін торкөздерге және осы сөздерді кеспе әріптермен жазу.
Жұмбақтар шешу.
Бір құлағы сөйлесе,
Бір құлағы тыңдайды.
Білсең айтшы ендеше,
Жұрт не дейді мұндайды? (телефон)
Қос аяқ жүрген қуып,
Жел мықтап үрген.
Бірде жөн, бірде лағып,
Қашады зыр-зыр қағып. . (Футбол)
Қыста дем алып, жазда тынбайды,
Көкке атылып , жерге құлайды. (Фонтан)
Телефон, футбол, фонтан сөздерін буынға бөлдіру, ф дыбысының сөздің қай жерінде кездесіп тұрғанын тапқызу арқылы ф дыбысының басқа тілдерден енген сөздерде кездесетінін айтып түсіндіру. Ф дыбысы сөздің басында, ортасында және фотограф сияқты сөздерде сөздің соңында кездесетінін айту.
«Жалғасын тап» ойыны, Шарты: балаларға сөздің алғашқы буындарын айту, соңғы буынын бала тауып, сөзді айту керек.
Мысалы: Фут....., фон....., теле...., т.б.
|
-В дыбысымен.
Вагон, велосипед.
Балалар осы сөздерге сөйлем құрайды.
Барлығы хормен қайталап оқиды.
Содан соң балалар өздері жазады. Үлгі бойынша ф дыбысының кіші және бас әрпін бастырып жазады.
Балалар тапсырманы орындайды.
Жұмбақтарды шешеді.
Берілген сөздерді буынға бөледі және ф дыбысының қай жерде кездесіп тұрғанын табады.
Ойынды ойнайды.
|
Рефлексті – коррекция-лаушы
|
Фатима , финал, кофта, фонар сөздерінде неше әріп бар екенін цифрмен көрсету. Осы сөздерді қатыстырып, бірнеше сөйлем құрастырту.
Сабаққа жақсы қатысқан балаларды мадақтау.
|
Балалар берілген тапсырмаларды орындайды.
|
Күтілетін нәтиже:
Біледі: жұмбақтар шешіп білуі.
Игереді: Ф дыбысының айтылуы мен жазылуын.
Меңгереді: Ойын ойнау, сөйлем құрастыру арқылы өтілген дыбыс толық меңгере білуі.
Білім беру саласы: Қатынас
Ұйымдастырылған оқу іс-әрекет: Тіл дамыту
Тақырыбы: Ы.Алтынсарин (Бір уыс мақта» әңгімесі.
Мақсаты:
Білімділік: Оқылған шығарма мазмұнын әңгімелеуге, мәнерін келтіре айта білуге үйрету.
Дамытушылық: есте сақтау қабілеттерін дамыту. Дамыту, сөздік қорын молайтып, байланыстыра сөйлеуге дағдыландыру.
Тәрбиелік: Әңгімені тыныш, мұқият тыңдап отыруға тәрбиелеу.
Керекті құралдар: Ы.Алтынсарин портреті, әңгіме мазмұнына салынған сурет.
Әдіс-тәсілдер: көрсету, түсіндіру, сұрак – жауап, әңгімелеу, мадақтау, қорытындылау.
Сөздік жұмыс: педагог, немере қызы.
Әрекет кезеңдері
|
Тәрбиешінің әрекеті
|
Балалардың әрекеті
|
Мотива-циялық - қозғаушы
|
Шаттық шеңберін құру.
Кім үлкенді тыңдаса,
Кім үлкенді сыйласа,
Үлкен болған кезінде,
Сыйлы болар өзі де.
Балаларға таныс ертегі , әңгімелерден үзінді оқып беру.
-Тышқан: «Апырай қайдан шықты екен осыншама нан? Біліп алып шыққан жерін кірсем бе екен?» - деп ойлады.
-Бір күні жануарлар «Не дәмді?» - деп таласып қалыпты.
-Қыз мысықтың құйрығын кесіп алады. Мысық: «Құйрығымды берші»,- дейді.
-Ертең апаңның мерекесі. Оған сыйлық әзірледің бе?
Балалардан еңбек туралы қандай мақал-мәтел білетіндерін сұрау. Содан соң Ы.Алтынсариннің «Бір уыс мақта» әңгімесін оқитынын, оның еңбек туралы екенін хабарлау.
|
Балалар шеңбер құрып тұрады да, өлең жолдарын бірге қайталайды.
Балалар ертегі, әңгімелердің қалай аталатынын тауып айтады.
«Нан қайдан келеді?» ертегісі
«Не дәмді?» ертегісі.
«Мақта қыз бен мысық» ертегісі
«Не сыйлау керек?» әңгімесі.
Балалар еңбек туралы мақал-мәтелдер айтады.
|
Ұйымдас-тырушылық - ізденушілік
|
Ы. Алтынсарин туралы қысқаша мағлұмат беру.
-Ы.Алтынсарин қазақтың тұңғыш педагогі. Қазақ даласында тұңғыш орыс үлгісіндегі мектептер ашып, оған орыс әліпбиі негізінде оқулықтар жазды. Өзі сабақ беріп, жаңа талапқа сай келетін мұғалімдер дайындауға күш салды. Қазақ балаларына арнап тәрбиелік мәні бар әңгіме, өлеңдер жазды. Бүгін мен Ы.Алтынсариннің «Бір уыс мақта» атты әңгімесін оқып беремін.
а) «Бір уыс мақта» әңгімесін оқу. Шапан , мақтаның қиқымы, мамық сөздеріне сөздік жұмыс жүргізіледі.
Шапан- астарына жүн немесе мақта салып сырып тігілген сырт киім.
Қиқым – бір нәрсенің майда , ұсақ қалдығы. Мақтаның қиқымы.
Мамық- құстың үлпілдеген жұмсақ жүні.
-Үйде анасы мен қызы не істеп отыр еді?
-Қыз артылып қалған бір уыс мақтаны не істеді?
-Мақтаны не іліп алып кетті?
-Торғайға мақта не үшін қажет болды?
Бірнеше балаға әңгіменің мазмұнын айтқызып, тәрбиелік мәнін ашқызу. Балаларға еңбек ету және ысырапшылдыққа жол бермеу керектігі түсіндіріледі.
б) «Ұйқасын тап» дидактикалық ойыны.
|
Тәрбиешінің әңгімесін тыңдайды.
Балалар шапан, ұиқым, мамық сөздерінің мағынасын түсінеді.
Сұрақтарға жауап береді.
Ойынды ойнайды.
|
Рефлексті – коррекция-лаушы
|
«Бір уыс мақта» әңгімесінің мазмұнын айтқызу.
Әңгіменің тәрбиелік мәніне тоқтала келе , сабақты қорытындылау.
|
Балалар әңгіменің мазмұнын айтады.
|
Күтілетін нәтиже:
Біледі: өткен сабақтардағы ертегі, әңгімелерді еске түсіріп, айтып беру.
Игереді: әңгіменің мазмұнын айтып білуі.
Меңгереді: Ойын ойнау, мақал-мәтел айту.
Білім беру саласы: Қатынас
Ұйымдастырылған оқу іс-әрекет: Сауат ашу
Тақырыбы: «Ё» дыбысы
Мақсаты:
Білімділік: Балаларды ұсынылған әрбір сөзге дыбыстық талдау жасай білуге үйрету.
Дамытушылық: Сөздерді буынға дұрыс бөле білу, сурет арқылы заттың атауын білу, ойлау қабілеттерін дамыту.
Тәрбиелік: Әдемі, сауатты жазуға баулу.
Керекті құралдар: кеспе әріптер, буындар, суреттер.
Әдіс-тәсілдер: көрсету, түсіндіру, сұрак – жауап, әңгімелеу, мадақтау, қорытындылау.
Сөздік жұмыс:
Әрекет кезеңдері
|
Тәрбиешінің әрекеті
|
Балалардың әрекеті
|
Мотива-циялық - қозғаушы
|
Шаттық шеңберін құру.
Жұмбақ
Қысы – жазы бір түсте.
Ол не?
-Шырша сөзін орысша қалай айтамыз?
|
Балалар шеңбер құрып тұрады да, бір-біріне жылы лебіздерін білдіреді.
-Шырша
«Ёлка»
|
Ұйымдас-тырушылық - ізденушілік
|
Ё дыбысы және әрпі туралы мағлұмат беру. Ё дыбысы дауысты дыбыс, екі дыбыстан жасалған (и+о), орыс тілінен енген сөздерде кездеседі. Мысалы: монтер, шахтер,т.б.
-Ёлка сөзінің бірінші дыбысын кім айтады?
Ёлка сөзіне дыбыстық талдау жасату
«Шахтер» сөзжұмбағын шешу.
Дәптермен жұмыс.
Шахтер, монтер сөздеріне дыбыстық талдау жасату. Ондағы ёдыбысының орнын ажыратқызу. Балалардың өзіне ё дыбысы сөздің ортасында келетін сөздер ойлату. Дәптердегі сөздерді, буындарды құратып оқыту.
Жазу жұмысы. Алдымен ё дыбысын ауада жазып үйренеді.
«Сөйлем құра» тапсырмасын орындату. Мысалы. Машинаны шофёр жүргізеді.
Актёр , монтёр сөздеріне дыбыстық талдау жасайды. Осы сөздерді торкөздерге жазу.
«Мен бастаймын, сен аяқта» дидактикалық ойыны.
Шарты: педагог шахтёр,- дейді. Балалар: Шахтёр көмір қазады, шахтёр темір қалпақ киеді, -деп жауап қайтарады.
|
Ёлка екі буыннан тұрады.
Барлығы хормен қайталап оқиды.
Балалар үлгі бойынша ё дыбысының кіші және бас әрпін бастырып жазып үйренеді.
Ойынды қызығушылықпен ойнайды.
|
Рефлексті – коррекция-лаушы
|
Балалардан қандай сабақ болғанын, қандай дыбыспен танысқандарын сұрау. Сабаққа жақсы қатысқан балаларды мақтау, мадақтау.
|
Балалар сұрақтарға жауап береді.
|
Күтілетін нәтиже:
Біледі: жұмбақтар шешіп білуі.
Игереді: Ё дыбысының айтылуы мен жазылуын.
Меңгереді: Ойын ойнау, сөйлем құрастыру арқылы өтілген дыбысты толық меңгере білуі.
Білім беру саласы: Шығармашылық
Ұйымдастырылған оқу іс-әрекет: Сурет
Тақырыбы: Тау
Мақсаты:
Білімділік: суретсалуды дәстүрден тыс жолдармен орындауды үйрету. Картон жолақшалармен таудың суретін салу.
Дамытушылық: Гуашьпен жұмыс жасағанда ұқыпты, тиянақты болуға дағдыландыру.
Тәрбиелік: Бастаған жұмысты аяғына дейін жеткізуге баулу.
Керекті құралдар: таулардың әртүрлі суреттері. Су құйылған ыдыс, гуашь, қарындаштар, қолорамал.
Әдіс-тәсілдер: көрсету, түсіндіру, сұрак – жауап, мадақтау, қорытындылау.
Әрекет кезеңдері
|
Тәрбиешінің әрекеті
|
Балалардың әрекеті
|
Мотива-циялық - қозғаушы
|
Балаларға таулар туралы өлең –тақпақтар оқып беріп, таудың суреттерін көрсете отырып, олардың ерекшеліктерін, әдеміліктерін, биік, аласа болатындарын, таудың басында аппақ қар жататыны, етегінде жап-жасыл шөп, әртүрлі әсем гүлдер өсетінін әңгімелеп беру.
|
Өлеңді мұқият тыңдайды.
|
Ұйымдас-тырушылық - ізденушілік
|
Бүгінгі салатын суретіміздің басқа сурет оқу іс-әрекетінен айырмашылығы дәстүрден тыс жолмен таудың суретін саламыз. Біз үнемі бояауларды қылқаламның көмегімен жағып келсек, бүгін гуашьты картон жолақшалармен жағып сурет саламыз.
Балаларға суретті салу жолдарын көрсету.
Жұмыс үстінде балаларды қадағалап, бақылау.
|
Дәстүрден тыс әдіспен танысады.
Тәрбиешінің көрсеткен суретті салу жолдарын қарастырады.
Балалар үлгі бойынша жұмысты орындау тәсілдеріне сүйене отырып, жұмысты орындайды.
|
Рефлексті – коррекция-лаушы
|
Оқу іс-әрекетті қорытындылай келе таза, ұқыпты, дұрыс салынған суреттер иесін бағалап мақтау
|
Балалар ең үздік жұмыс иелерін атайды.
|
Күтілетін нәтиже:
Біледі: Таулар туралы әңгімелеп білуі.
Игереді: Таудың бейнесін ақ қағаз бетіне дұрыс түсіруді.
Меңгереді: Таудың өзіне тән ерекшелігін бере білуді.
Білім беру саласы: Шығармашылық
Ұйымдастырылған оқу іс-әрекет: Жапсыру
Тақырыбы: Үй
Мақсаты:
Білімділік: Балаларды қайшымен дұрыс жұмыс істеуге үйрету.
Дамытушылық: бүктелген қағаздан тіктөртбұрыш пен шаршыны дұрыс қиып, шаршыны екі үшбұрышқа бөлуді , дұрыс желімдеуді меңгерту.
Тәрбиелік: Эстетикалық сезімдерін тәрбиелеу.
Керекті құралдар: аппликациялық жұмыстың үлгісі, әртүрлі өлшемдегі шаршылар мен үшбұрыштар, түрлі түсті қағаздар, желім, қайшы.
Әдіс-тәсілдер: көрсету, түсіндіру, сұрак – жауап, мадақтау, қорытындылау.
Әрекет кезеңдері
|
Тәрбиешінің әрекеті
|
Балалардың әрекеті
|
Мотива-циялық - қозғаушы
|
Шаттық шеңберін құру.
Арайлап таң атты,
Алтын сәуле таратты.
Қайырлы таң!
Қайырлы күн!
Күліп шықты күн бүгін.
|
Балалар шеңбер құрып тұрады да, өлең жолдарын бірге қайталайды.
|
Ұйымдас-тырушылық - ізденушілік
|
Балаларға жапсыру жұмысы үшін үстел үстін қалай дайындау керектігін көрсетіп, түсіндіру. Қайшы мен желіммен жұмыс істеген кезде сақтау керек техникалық қауіпсіздік ережелерімен таныстыру.
Балаларға сәулет өнері, үйдің қалай тұрғызылатыны жөнінде әңгімелеп беру.
Балаларға аппликацияның орындалу барысын көрсете отырып түсіндіріледі. Тіктөртбұрыштан шаршыны дұрыс қиюға, шаршыны екі үшбұрышқа бөліп алуға жаттықтыру.
Түрлі түсті қағаздан әртүрлі өлшемдегі шаршы қиып аламыз.
Үлкен шаршыны қиғаш сызық бойымен бүктейміз. Шаршыны жайып бүктеу сызығының бойымен қиып аламыз.
Негізгі бетке ретімен жапсырамыз.
Орташа шаршы үйдің қабырғасы.
Үлкен үшбұрын үйдің –үйдің шатыры.
Кішкентай шаршы терезесі.
|
Балалар қайшымен дұрыс жұмыс орындауды үйренеді.
Сәулет өнері туралы мағлұмат алады.
Балалар шаршыны қиып алады.
Сурет салуға арналған альбомға рет-ретімен жапсырады.
|
Рефлексті – коррекция-лаушы
|
Аяқталған жұмыстарды тексеріп, ұқыпты , таза орындалған жұмыс иелерін мадақтау.
|
Балалар достарының жұмыстарын талдайды, ең үздік жұмыс иелерін атайды.
|
Күтілетін нәтиже:
Біледі: жапсырудың әдіс-тәсілдерін білуі.
Игереді: шаршыларды үлгі бойынша қиюды.
Меңгереді: дайын пішіндерді ретімен жапсыруды.
Тексерілді: ________________ Б/б әдіскерінің у.м.а. Т.Джумасейдова.
Білім беру саласы: Қатынас. Әлеуметтік сала.
Ұйымдастырылған оқу іс-әрекет: Қоршаған ортамен таныстыру
Тақырыбы: «Бағдаршам және көлік түрлері»
Мақсаты:
Білімділік: Бағдаршамның атқаратын қызметімен таныстыру.
Дамытушылық: Көше жағындағы кеңістікті бағдарлай тбілу дағдыларын, зейіндерін дамыту.
Тәрбиелік: жолда жүру ережесін меңгерту.
Әдіс-тәсілдер: көрсету, түсіндіру, сұрак – жауап, мадақтау, қорытындылау.
Әрекет кезеңдері
|
Тәрбиешінің әрекеті
|
Балалардың әрекеті
|
Мотива-циялық - қозғаушы
|
Шаттық шеңберін құру.
Арайлап таң атты,
Алтын сәуле таратты.
Қайырлы таң!
Қайырлы күн!
Күліп шықты күн бүгін.
|
Балалар шеңбер құрып тұрады да, өлең жолдарын бірге қайталайды.
|
Ұйымдас-тырушылық - ізденушілік
|
Бағдаршамы бар көше мен бұрылыстарға саяхат жасату. Балалардың назарлары бағдаршамның жұмысына, машиналардың арлы-берлі жүруіне, жаяу жүргіншілердің іс-әрекеттеріне назар аударылады. Жол жүру ережелерімен таныстыру. Жол белгілерінің суреттерін көрсетеді, олардың көлік қозғалысын реттеп, көлік жүргізуші мен жаяу жүргіншінің маңайдағы жол жағдайы жөнінде ақпарат беру мақсатында көше мен жол бойына қойылатын арнайы белгілер екенін айтып түсіндіру.
Ә. Табылдының «Бағдаршам» деген өлеңін оқу.
«Көлік түрлері қайда?» дидактикалық ойыны.
Жол түрлерімен ( машина жүретін жол, жаяу жүргінші жүретін жол, екі бағытқа бөлінетін жол, екі көшенің түйіскен жерімен) таныстыру, суреттерін көрсету. Егер бағдаршам жоқ болса, жол тәртібін реттеушіге бағыну қажеттігі айтылады.
Жолда жүру ережелерін сақтау, үйрену арқылы бала өзінің өмірін және денсаулығын сақтайтындығы түсіндіріледі.
Дәптермен жұмыс:
1.Сурет бойынша жолда жүру ережелерін еске түсірту, қайталату.
2. Суреттегі көлік түрлерін үш топқа
(ауадағы, судағы, жердегі) бөліп атау.
3. «суретте не артық?» дидактикалық ойынын жүргізу.
4.Суреттегі көлік түрлерін бір-бірімен салыстырту.
|
Балалар тыңдайды.
Жауабын тыңдау.
Балалар жол ережелерін тыңдап, қайталап айтып береді.
Тапсырманы орындайды.
Суретке қарап, жолда жүру ережелерін құрастырады.
Жолда жүру ережелерін қайталайды, сұрақтарға жауап береді, тапсырмаларды орындайды.
|
Рефлексті – коррекция-лаушы
|
Сұрақ-жауап әдісі арқылы сабақта алған білімдерін қорытындылайды.
Сұрақтар:
1.Жаяу жүргіншілер қай жермен жүруі керек?
2.Жаяу жүргіншілер көшенің қай жерінен қиып өте алады?
3.Өзің тұратын жерде қандай көлік түрлері жүреді?
|
Сұрақтарға жауап береді, өздері қорытынды пікір жасайды. Мысалы: жолда жүру ережесін сақтау керек. Сонда көлік қозғалысына да , көлік жүргізушіге де кедергі жасамайчың . Өміріңді сақтайсың.
|
Күтілетін нәтиже:
Біледі: Бағдаршамның үш көзінің түстерін дұрыс атап білуі.
Игереді: Жол белгілерін атау, олардың қызметі туралы айтып білуі.
Меңгереді: Дидактикалық ойындар ойнау, жұмбақтар шешіп білуі
Білім беру саласы: Қатынас. Әлеуметтік сала.
Ұйымдастырылған оқу іс-әрекет: Экология негіздері
Тақырыбы: «Жасыл дәріхана»
Мақсаты:
Білімділік: Жасыл дәріхана және оның қажеттігі жөнінде түсінік беру.
Дамытушылық: Емдік қасиеті бар өсімдіктермен таныстыру, оларды қажетті мөлшерде ғана жинап, өзге өсімдіктерге зиян келтірмеу жағын ескеруге үйрету.
Тәрбиелік: Табиғатты қорғай білуге тәрбиелеу.
Әдіс-тәсілдер: көрсету, түсіндіру, сұрак – жауап, мадақтау, қорытындылау.
Сөздік жұмыс: итмұрын, жолжелкен, түймедағы, және т.б.
Әрекет кезеңдері
|
Тәрбиешінің әрекеті
|
Балалардың әрекеті
|
Мотива-циялық - қозғаушы
|
Шаттық шеңберін құру.
Арайлап таң атты,
Алтын сәуле таратты.
Қайырлы таң!
Қайырлы күн!
Күліп шықты күн бүгін.
|
Балалар шеңбер құрып тұрады да, өлең жолдарын бірге қайталайды.
|
Ұйымдас-тырушылық - ізденушілік
|
М.Жаманбалиновтың «Итмұрын тергенде» өлеңін мәнерлеп оқып беру.
Балалармен жасыл дәріханаға серуен ұйымдастыру. Дәрілік өсімдіктермен таныстыру. Неге «дәрілік» өсімдіктер деп аталатынын түсіндіру.
Балаларды дәрілік өсімдіктерден жасалған көрмеге шақырып, қай өсімдікті қандай ауыруға пайдаланатыны туралы түсіндіру.
Мысалы: Түймедағы гүлін тамақты шаюға пайдаланады.
Дәрілік өсімдіктерді белгілі бір мерзімде жинау керек екендігі және оны жинау кезінде басқа өсімдіктерге зиян келтірмей белгілі мөлшерде ғана жинау керек екенін түсіндіру. Балаларды дәрілік өсімдіктерге қамқор болуға тәрбиелеу.
Сергіту сәті:
Қане, қане тұрайық,
Үлкен шеңбер құрайық,
Тұрсақ енді шеңберге,
Алақанды ұрайық.
Бишілерше бұралып,
Дөңгелене тұрайық.
Әліппе дәптермен жұмыс. Сұрақтар мен тапсырмалар:
Дәрілік өсімдіктердің тағы басқа қандай түрлерін білесіңдер?
Өздерің тұратын жерде өсетін дәрілік өсімдіктің түрін атаңдар.
Жолжелкеннің қандай пайдасы бар?
Суреттегі өсімдіктерді бояту.
Дидактикалық ойын: «Бөлме өсімдіктері мен дәрілік өсімдіктерді ажырат»
Мақсаты: бөлмеде өсетін өсімдіктер мен дәрілік өсімдіктерді бір-бірінен ажырата білу, қандай мақсатта өсірілетінін анықтау.
|
Балалар өлеңді мұқият зейін қойып тыңдайды.
Дәрілік өсімдіктерді зер сала қарап көреді, түсінеді.
Көрмедегі дәрілік өсімдіктерді көріп біледі.
Дәрілік өсімдіктердің жинау мерзімін біледі.
Өлең жолдарын қайталап, дене жаттығуларын жасайды.
Тапсырмаларды дұрыс орындау үшін әрекет жасайды.
Ойынға барлық бала белсене қатысады.. Дәрілік өсімдіктер мен бөлме өсімдіктерін ажыратады.
|
Рефлексті – коррекция-лаушы
|
Оқу іс –әрекетін бекіту үшін қойылатын сұрақтар:
Тамақ ауырғанда қандай шөптер пайдалану керек?
Дәрілік өсімдіктерді қалай жинайды екен?
|
Балалар сұрақтарға дұрыс жауап беруге тырысады.
|
Күтілетін нәтиже: дәрілік өсімдіктердің пайдасы мен зиянын ажырата алу.
Біледі: Емдік қасиеттері бар өсімдіктердің пайдасын білу.
Түсінігі: бөлме өсімдіктері мен дәрілік өсімдіктердің айырмашылығын түсіну.
Көрсете білуі: берілген сұрақтарға дұрыс жауап беру.
Білім беру саласы: Шығармашылық
Ұйымдастырылған оқу іс-әрекет: Мүсіндеу
Тақырыбы: Сиырлар.
Мақсаты:
Білімділік: мүсіндеу кезінде төрт түлік малдың өзіне тән ерекшеліктерін бере білу.
Дамытушылық: әртүрлі пішіндегі цилиндрлерді мүсіндей білу дағдыларын бекіту.
Тәрбиелік: жеклеген пішіндерден мазмұнды композиция құрастыра білуге дағдыландыру.
Керекті құралдар: жұмыс дәптері, ермексаз, тақтайша, кескіш, таяқша, қолорамал.
Әдіс-тәсілдер: көрсету, түсіндіру, сұрак – жауап, мадақтау, қорытындылау.
Әрекет кезеңдері
|
Тәрбиешінің әрекеті
|
Балалардың әрекеті
|
Мотива-циялық - қозғаушы
|
Шаттық шеңберін құру.
Арайлап таң атты,
Алтын сәуле таратты.
Қайырлы таң!
Қайырлы күн!
Күліп шықты күн бүгін.
|
Балалар шаттық шеңберіне тұрады.
|
Ұйымдас-тырушылық - ізденушілік
|
Педагог баларға төрт түліктің бірі сиыр жайында жұмбақ жасырады. Жұмбақтың дұрыс шешімінен кейін, сиырдың суретін көрсетіп, дене құрылысына, түр сипатына назарларын аудару. Педагог төрт түлік малдардың пайдасы, олардың адам өмірінде маңызды орын алатыны жайында әңгіме жүргізеді.бүгін осы сиырды мүсіндейтіндерін айтып, мүсіндеу тәсілін түсіндіреді.
Педагог ермексаздан сиырды мүсіндеу тәсілін ретімен көрсете отырып, мүсіндеу жұмысын орындайды. Бір кесек ақ және жарты кесек қара ермексазды жұмсартып аламыз. Ақ ермексазды бірнеше бөлікке бөлеміз.
Ақ ермексаздан домалақ – басын, домалақ-тұмсығын, цилиндр-мойнын, цилиндр-дене бөлігін, шұжық-аяқтарын (4 дана), жіңішке шұжық-құйрығын, сопақша шелпек-құлақтарын дайындаймыз.
Қара ермексаздан шағын шелпектер жасаймыз. Бұл денесіндегі дақтар болады. Осы ермексаздың бір бөлігінен мүйізін жасаймыз.
Домалақтап жасалған басының бір жағынан аздап жалпақтап, тұмсығын орналастырамыз. Басына мүйізі мен құлақтарын бекітеміз.
Денесіне мойын және басын біріктіріп, біріктірілген жерлерін саусақтарымызбен сипап тегістейміз.
Аяқтарын денесіне біріктіреміз. Құйрығын бекітеміз. Денесіне дақтарын жапсырамыз. Қара ермексаздың шағын домалақтарынан мұрны мен көзін жасап, сиырдың тұмсығына орналастырамыз.
|
Сиыр және төрт түлік малдың пайдасы туралы түсінік алады.
Балалар бірге ілесе отырып жасайды.
Балалар жұмыс дәптеріндегі мүсіндеу жұмысының орындалу ретіне қарап, сиырдың дене мүшелерін ермексаздан илеп, біріктіреді, толық мүсінді жасап шығады.
|
Рефлексті – коррекция-лаушы
|
Балалардан қандай сабақ болғанын, нені мүсіндегендерін сұрау. Сабаққа жақсы қатысқан балаларды мадақтау.
|
Балалар сабақ соңында жасалған мүсіндерді бір жерге жинап, бір-бірімен салыстырады, орындалған жұмыстарды талдайды, пікірлерін айтады.
|
Күтілетін нәтиже:
Біледі: мүсіндеудің әдіс-тәсілдерін білуі.
Игереді: сиырдың денесінің бөліктерін үлгі бойынша мүсіндеуді.
Меңгереді: дайын болған дене бөліктерінен бір-біріне бекіту арқылы сиырды мүсіндеуді.
Білім беру саласы: Шығармашылық
Ұйымдастырылған оқу іс-әрекет: Сурет
Тақырыбы: Қар жамылған үй
Мақсаты:
Білімділік: қыстыгүні қар жамылған үйдің сұлбасын бейнелеуді үйрету. Балалардың өз жұмыстарын жоспарлай білуге баулу.
Дамытушылық: Қылқаламмен ұқыпты жұмыс істеу дағдыларын қалыптастыру.
Тәрбиелік: суреттің мазмұнын, өздеріне тән ерекшеліктерін әсерлік сезіммен қабылдай алуға тәрбиелеу.
Керекті құралдар: Қар жамылған үй бейнеленген суреттер, гуашь бояуы, қылқалам, су құйылған ыдыс, қолорамал.
Әдіс-тәсілдер: көрсету, түсіндіру, сұрак – жауап, мадақтау, қорытындылау.
Әрекет кезеңдері
|
Тәрбиешінің әрекеті
|
Балалардың әрекеті
|
Мотива-циялық - қозғаушы
|
Шаттық шеңберін құру.
Балаларға қыс туралы өлең оқып беру.
Шыңнан сырғып түсті де ,
Келді етекке қыс міне.
Ақ қарлар ақ көбелек,
Қонды үйлердің үстіне.
|
Балалар алақан жылуы арқылы бір-біріне жылы лебіздерін білдіреді.
Өлеңді мұқият тыңдайды.
|
Ұйымдас-тырушылық - ізденушілік
|
Қарлы қыс, аязды күндер, су бетіне қатқан мұздар бейнеленген мазмұнды суреттерге шолу жасату.Суреттегі қар жамылған үйлерге баса назар аудартып, мұқият қарауларын ұсыну. Қар жамылған үйдің көрінісін қалай салуға болатынын, қардың түсінің қандай екенін айту.
Балаларға суреттің салу жолын көрсете отырып, мұқият қарап ұғып алуларын ескерту. Балалар жұмысын қарап, көмек қажет еткен балаларға көмек көрсетіледі.
|
Балалар жұмыс дәптеріндегі суреттің салыну ретімен танысып, жұмысты орындайды.
|
Рефлексті – коррекция-лаушы
|
Оқу іс-әрекетінің соңында аяқталған жұмыстарға талдау жасалып, қорытындыланады. Жақсы орындалған тапсырмалардан көрме ұйымдастырылып, балалардың еңбектері бағаланады.
|
Балалар достарының жұмыстарын қарап шығып, ең үздік жұмысты атайды.
|
Күтілетін нәтиже:
Біледі: Қыс туралы өлеңнің мағынасына түсіне білуі.
Игереді: Қар жамылған үйдің бейнесін ақ қағаз бетіне дұрыс түсіруді.
Меңгереді: Қар жамылған үйдің өзіне тән ерекшелігін бере білуді.
Білім беру саласы: Таным.
Ұйымдастырылған оқу іс-әрекет: Математика
Тақырыбы: Уақыт арасындағы қатынас
Мақсаты:
Білімділік: Балалардың тәулік мезгілдері, апта күндерінің, жыл айларының реті туралы білімін бекіту.
Дамытушылық: Уақыт өлшемдері туралы ұғымдарын кеңейту және дәптерде бағдарлау қабілетін дамыту.
Тәрбиелік: достық қарым – қатынасқа тәрбиелеу.
Керекті құралдар: есеп дәптері, жай қарындаш, сағат.
Әдіс-тәсілдер: көрсету, түсіндіру, сұрак – жауап, мадақтау, қорытындылау.
Әрекет кезеңдері
|
Тәрбиешінің әрекеті
|
Балалардың әрекеті
|
Мотива-циялық - қозғаушы
|
-Аптада неше күн бар? Ретімен атап шық.
-Енді атауын пайдаланбастан аптаның 5 күнін ата.
Жұмбақтарды шеш:
Терезеден қарасаң , қара мысық көресің (Түн).
Ағайынды жеті жігіт бар: жылы бір есімдері әртүрлі. (апта күндері.)
Кеше болды,
Бүгін бар, ертең болады (уақыт»
Ағасы мен қарындасы үнемі бірге жүреді.Ағасы бүкіл елді оятса, қарындасы керісінше, ұйқыға шақырады (күн мен түн)
|
Дүйсенбі, сейсенбі, сәрсенбі, жұма, сенбі, жексенбі.
(кеше бүгін, ертең, бүрсігүні , алдыңғы күні)
Жұмбақтардың шешуін табады.
|
Ұйымдас-тырушылық - ізденушілік
|
№ 1-тапсырма «Алдымен – содан кейін ойыны»
-Сен алдымен ыдыс жуып, содан кейін түскі ас ішесің бе?
-Сен алдымен киініп, содан кейін тіс тазалайсың ба?
-Түнде балабақшаға барып, содан кейін күні бойы ұйықтайсың ба?
-сен алдымен баскиім киіп, содан кейін шаш тарайсың ба?
-Сен бұрын үлкен болып, қазір кішкентайсың ба?
-Сен алдымен бәтеңке киіп, содан кейін шалбар киесің бе?
№2 тапсырма. Берілген суретке қараңдар. Алдымен не болды? Содан кейін ше?
№3 және № 4 тапсырма алдыңғы сабақтарға ұқсас орындалады.
|
-жоқ, мен алдымен түскі ас ішемін, содан кейін ыдыс жуамын.
-жоқ, мен алдымен тіс жуамын, содан кейін киінемін.
|
Рефлексті – коррекция-лаушы
|
Балалар, біз бүгінгі оқу іс-әрекетінде не үйрендік?
Сабаққа жақсы қатысқан балаларды мадақтау
|
Балалардың жауаптары.
|
Күтілетін нәтиже:
Біледі: ойындар ойнау, сұрақтарға жауап беру.
Игереді: уақытты өлшеу жолдарын.
Меңгереді: әліппе дәптердегі тапсырмаларды орындауды.
Білім беру саласы: Шығармашылық
Ұйымдастырылған оқу іс-әрекет: Сурет
Тақырыбы: Аққала жасайық
Мақсаты:
Білімділік: Адамдардың қозғалыс кезіндегі бейнелерін бере білуге және кейіпкерлерінің өзара байланысын айнытпай салуға қол жеткізу; ұжымдық композиция құрастыруға үйрету.
Дамытушылық: Шығармашылық қабілеттерін дамыту.
Тәрбиелік: суреттің мазмұнын, өздеріне тән ерекшеліктерін әсерлік сезіммен қабылдай алуға тәрбиелеу.
Керекті құралдар: Аққала бейнеленген суреттер, акварель бояуы, қылқалам, су құйылған ыдыс, қолорамал.
Әдіс-тәсілдер: көрсету, түсіндіру, сұрак – жауап, мадақтау, қорытындылау.
Әрекет кезеңдері
|
Тәрбиешінің әрекеті
|
Балалардың әрекеті
|
Мотива-циялық - қозғаушы
|
Жұмбақ
Шелек қалпақ басында,
Сәбіз екен танауы.
Қыста қардан туатын,
Тауып көрші, сен оны.
(Аққала)
|
Балалар жұмбақтың шешуін табады.
|
Ұйымдас-тырушылық - ізденушілік
|
Дұрыс жауабын тапқаннан кейін аққаланың суретін көрсетіп, әңгімеге тарту. Аққаланың неден, қашан, қалай жасалатынын сұрап, сұрақтарға жауаптар алу.
Балаларға жұмыстың жасалу жолын көрсету.
Балаларға жұмыс дәптеріндегі тапсырмаларды орындау ұсынылады.
Балалар жұмысын қадағалап, қиналған балаларға көмек қолын созу.
|
Балалар Аққаланың неден және жылдың қай мезгілінде жасалатынын айтып береді.
Балалар мұқият зер салып қарап отырып, орындау ретін түсінеді.
Балалар жұмысқа кіріседі.
|
Білім беру саласы: Шығармашылық
Ұйымдастырылған оқу іс-әрекет: Жапсыру
Тақырыбы: Менің машиналарым
Мақсаты:
Білімділік:Балаларға геометриялық фигуралардың көмегімен аппликацияны орындауды үйрету.
Дамытушылық: Тіктөртбұрыш, дөңгелек, сопақша фигураларды дұрыс қию дағдыларын
жетілдіру. Аппликациялық жұмысқа қажетті пішінді таңдай білу дағдыларын арттыру.
Тәрбиелік: Эстетикалық сезімдерін тәрбиелеу.
Керекті құралдар: түрлі түсті қағаздар, қайшы, желім, қолорамал.
Әдіс-тәсілдер: көрсету, түсіндіру, сұрак – жауап, мадақтау, қорытындылау.
Әрекет кезеңдері
|
Тәрбиешінің әрекеті
|
Балалардың әрекеті
|
Мотива-циялық - қозғаушы
|
Шаттық шеңберін құру.
Арайлап таң атты,
Алтын сәуле таратты.
Қайырлы таң!
Қайырлы күн!
Күліп шықты күн бүгін.
Балаларға ойыншықтар туралы өлең оқып беру.
Біздерде бар ойыншық,
Бұзау, қозы, құлыншақ.
Ойыншықтар тыңдайды,
Әмір беріп, бұйырсақ.
Балалардан қандай ойыншықтарды жақсы көретінін сұрап, әңгімеге тарту.
|
Балалар шеңбер құрып тұрады да, өлең жолдарын бірге қайталайды.
Өлеңді мұқият тыңдайды.
Өз ойларын айтады.
|
Ұйымдас-тырушылық - ізденушілік
|
Ендеше бүгін біз сендермен бірге ойыншық машинаны жапсыру арқылы дайындаймыз. Машинаны, геометриялық фигураларды қиып алып, оларды құрастырып жапсыру арқылы орындаймыз. Бізге қандай фигуралар керек болады?
Машинаның құрлысын, түсін анықтап алғаннан кейін балаларды жұмыстың орындалу ретімен таныстыру.
Түрлі түсті қағаздан тіктөртбұрыш қиып алу.
Түрлі түсті қағаздан машинаның бөлшектерін контур сызығы бойымен қиып аламыз.
Қара түсті қағаз жолағын қабаттап бүктеп, белгі бойынша 4 дөңгелек қиып алу.
Көгілдір түсті қағаз жолағын қабаттап бүктеп, белгі бойынша машинаның терезесін қиып алу.
Негізгі бетке аппликацияның бөлшектерін дұрыс орналастыру.
Аппликацияның барлық бөлшектерін негізгі бетке ретімен жапсыру.
|
Балалар тәрбиешінің түсіндіргенін мұқият тыңдап отырады.
|
Рефлексті – коррекция-лаушы
|
Дайын жұмыстарға талдау жасау, сабақты қорытындылау.
|
Балалар достарының жұмысына талдау жасайды. Ең үздік, әдемі жұмыстарды атайды.
|
Достарыңызбен бөлісу: |
