5. Астра- Aster
Отаны - Европа, Азия, Солтүстік Африка. Өсімдік биіктігі – 50-60 см. Гүлдері түтік тәрізді – сары түсті және тілше тәрізді – ашық көк түсті болып келеді. Гүлшоғырының диаметрі - 3 см. Гүлдеу уақыты 5-12 қыркүйек айларында 25-30 күннен соң. Көбеюі қалемше және бұталарын бөлу арқылы көбейеді. Қыста жабуды қажет етпейді жеке және топтастырып, ашық және жартылай көлеңкелі жерлерге отырғызылады, кесіп алуға қолданылады.
II.Құлқайырлар тұқымдасы. Malvaceae Juss. Мальвовые.
1. Айдар шөп – Шток роза – Alcea
Отаны – Балкан түбегі мен Крит аралы. Отырғызғаннан кейін 6-10 күндері шығады. Екінші жылы гүлденеді. Өсімдіктің биіктігі 150 – 180 см. Оның тамыры жерге терең кетеді және тармақтары, бұтақшалары көп болады.
Өсімдіктің сабағы тік өседі, сыртын түк басып тұрады. Жапырақтары 5 – 7 салалы болады, пішіні жүрек тәрізді, сабақтың ұш жағына таман оның көлемі кішірейе береді.
Өсімдіктің гүлдеуі отырғызғаннан кейін 80-85 күннен соң, 40 – 45 күн ішінде гүлдейді. Гүлдері ақшыл қоңыр, қызыл түсті, диаметрі 6 – 7см. Гүл тостағаншасының қалақшалары және гүл жапырақшалары да бес – бестен болады. Бұл өсімдік әсемдік үшін қолдан егіліп, мәдени түрде өсіріледі. Тұқымдары қыркүйек – қазан айларында піседі.
Достарыңызбен бөлісу: |
