| 1.8.5 Желдiң орманға ықпалы. Желдiң жылдамдығы 2-3 м/сек дейiн болғанда, фотосинтездiң тиiмдiлiгi артады және ылғалы молырақ болғанда, көмiртегi ассимиляциясы 4-5 есе өседi. Жел қыс кезiнде ағаш желегін қар жабындысынан босатады, сол арқылы олардың желге орнықтылығын арттырады. Жел ағаш түрлерінің тозаңдануына, олардың тұқымдарының таралуына жағдай жасайды, бұл кезде жел орман тұқымын себушiсiнiң рөлiн атқарады.
Күштi желдер топырақ бетiнен ылғалдың булануын арттырады және орман өрттерi шыққанда олардың қарқынын ұлғайтады, төмендегi өрттердiң жоғары көтерiлуiне жағдай жасайды.
Бефорт шкаласы бойынша күшi 6 және онан жоғары баллды желдер үлкен ауданда ағаштың жел сұламалары мен дауылдан сынуын тудыра отырып, орманға зор зиян келтiредi. Кейде жел орманның таралуын тежейтiн фактор ретiнде қабылданады. Ол жел жағдайымен анықталатын орман шекарасы анемохоры – орман анемохоры деп аталады.
Достарыңызбен бөлісу: |
