«Қайың жапырағы» Өкшеге отырыңыз. Тізенің арасын кеңірек ашыңыз. Қолды бастан сәл асыра көтеріп, шынтағыңызды тік бұрышпен бүгіңіз. Арқаңызды жауырынның тұсынан бүгіңіз. Сол уақытта оңға бұрылыңыз, оң жақ иықты түсіріңіз және сол иығыңызды көтеріңіз (беліңіңді түзу ұстаңыз!). арқаны бүгілген күйі солға бұрылып, сол жақ иығыңызды түсіріңіз және оң иығыңызды көтеріңіз.
«Биші құтан» Кілемге отырыңыз. Аяқтың арасын иықтың деңгейінде ашып, тік ұстаңыз. Қолдарыңызды алға созыңыз. Алға қарай еңкейіңіз және бар денеңізбен оңға бұрылыңыз, қолдарыңызды оң жақ аяқтың табанына тигізіңіз (тізені бүгуге болмайды). Содан соң тізені бүкпей, қолдарыңызды сол жақ табаныңызға тигізіңіз.
«Биші тырна» Кілемге отырыңыз. Аяқтарыңызды иықтың деңгейінде ашып, түзу ұстаңыз. Оң жақ аяққа қарай еңкейіп, қолдарыңызды оң аяққа тигізіңіз. Содан соң бар денеңізбен солға бұрылып, қолыңызды сол аяғыңызға тигізіңіз (тізеңізді бүкпеңіз).
