3. Нарық фиаскосы – ресурстарды тиімді пайдалануды нарық қамтамасыз ете алмайтын жағдай. Нарықтың «жеңілісін» дәлелдейтін төрт түрлі экономикадағы тиімсіз жағдай қарастырылады:
1) монополия,
2) ақпараттың ассиметриялығы,
3) сыртқы әсерлер.
4) қоғамдық игіліктер.
Бұл жағдайлардың бәрінде де көмекке мемлекет келеді. Мемлекет бұл мәселелерді антимонополиялық саясат, әлеуметтік сақтандыру, сыртқы теріс әсерлі тауарлар өндірісін шектеп, сыртқы оң әсерлі тауарлар өндірісін ынталандыру жұмыстарын жүргізу арқылы шешуге тырысады. Мемлекет қызметінің жоғарыдағы бағыттары - экономикаға мемлекеттің араласуының кейбір тұстары ғана. Ол сонымен қатар инфрақұрылымды дамытады, дотациялар, жәрдемақылар, зейнетақылар береді т.с.с. ғылыми-техникалық прогресті ынталандырады, сыртқы экономикалық қызметті реттейді. Мемлекеттің экономиканы реттеуде жанама реттегіштері (салық, субсидия т.с.с.) маңызды роль атқарады.
