Байланысты: Байбархан Гүлімай Құралбайқызы Дене тәрбиесіндегі қимыл қозғалыс әрекеттеріне үйрету әдістері 3
Жаттығудың уақытын ұлғайту әдістемесі. Бұл әдістеменің мақсаты балуанның ұзақ уақыт бойы қалыпты бір жұмысты шаршамай орындауына бағытталған. Орындалатын жаттығудың көлемі, жылдамдығы бірдей болғанымен, оны орындайтын уақытты соза береді. Мысалы: балуан күресетін уақыт 5 минут болса, орындалатын жаттығуды 10 минутқа дейін созып үйретеді. Жарыс кезінде балуан 1 күнде 5-10 белдесуге дейін өткізуі мүмкін, сондықтан жаттығу жүктемесін 10-12 белдесуге дейін шыдай алатындай жағдайға көтереді. Жаттығу кезінде тыныс алу өз шегінің 60-80% мөлшерінде, ал қан тамыры соғысы минутына 160-180 рет көлемінде болғаны жөн. Осылай болған жағдайда тыныс алуға қатысатын бұлшық еттер жұмысы артып, қалыптасады. Берілген жүктеменің мөлшері шекті деңгейде немесе оған жақын болуы қажет.
