ЭҚабж мо 23. 0 нұсқасы) эцқ-ны тексерудің нәтижесі оң

1991 жылғы 1 желтоқсанда өткен бүкілхалықтық сайлауда Нұрсұлтан Әбішұлы Назарбаев Қазақстан Республикасының Президенті болып сайланды.

Нұрсұлтан Әбішұлы Назарбаев – егемен Қазақстанның демократиялық, зайырлы, құқықтық және әлеуметтік мемлекет ретінде дамуы мен көркеюіне айрықша үлес қосқан, Қазақстан мемлекеттігін құрудың бастауында тұрған көрнекті тұлға. Тұңғыш Президент Н.Ә. Назарбаевтың сарабдал саясатының арқасында Қазақстан 20 жыл ішінде әлемдік аренада жоғары нәтижелерге қол жеткізді.

Бірыңғай сабақ Қазақстан Республикасы Тұңғыш Президентінің күнін мерекелеуге орайластырылып, білім беру ұйымдарында білімалушылардың назарын Елбасының ерекше еңбегіне аударуға, жастардың бойында патриотизм мен азаматтық жауапкершілік сезімін орнықтыруға, сондай-ақ өзін-өзі іске асыру дағдыларын, көшбасшылық қасиеттерін дамытуға бағытталып отыр.

- Тұңғыш Президент Н.Ә. Назарбаевтың Қазақстан Республикасының тәуелсіздігін қалыптастырудағы маңызды рөлін ашып көрсету;

- білімалушылардың сөйлеу, есте сақтау, ойлау қабілеттерін дамыту, ой-өрісін кеңейту; өз Отанына деген шексіз сүйіспеншілікке, Тұңғыш Президент үшін мақтана білуге тәрбиелеу.

Сабақтың міндеттері:

- білімалушыларда қазақстандық патриотизмді, елдікті, ұлттық келісімді, белсенді азаматтық ұстанымды қалыптастыру;

- танымдық қабілеттерді, көшбасшылық қасиеттерді дамыту;

- өз елі үшін мақтаныш сезімін тәрбиелеу.

Әрбір топқа постер немесе A3 форматындағы қағаз парағы беріледі, оның жоғарғы жағында таңдалған тақырып бойынша сұрақ жазылады (плакаттардағы сұрақтар қайталанбайды).

1. Мен Елбасының қандай қасиеттерін үлгі тұтамын?

2. ХХІ ғасырда бәсекеге қабілетті болу үшін маған қандай қасиеттер қажет?

3. Мен кім болғым келеді және не себепті?

4. Еліме қалай көмектесе аламын?

5. Елімді көркейту үшін қандай өзіндік үлес қосуға тиіспін?

6. Қазақстанның болашағын қалай елестетемін?

Білімалушылар берілген сұрақ бойынша өз жауаптарын, ойлары мен идеяларын жазу үшін белгіленген регламент аясында топтарда жұмыс істейді. Әр топқа болашақта өз жауабын тез тани алуы үшін басқа топқа арналған қаламның түсінен ерекшеленетін басқа түсті қалам беріледі. Жұмысқа бөлінген уақыт аяқталған соң оқушылар басқа сұрағы бар келесі постерге көшеді. Білімалушылар алдыңғы топтың жауаптарымен танысады және оларға келісетінін/келіспейтінін білдіріп, талқылайды: егер келіссе, оны қандай да бір таңбамен белгілейді; егер келіспесе, түсініктеме, дәлелдеме жазады. Әрі қарай білімалушылар берілген сұрақ бойынша өз ойларын жазады. Егер олардың ойлары мен идеялары алдыңғы топтың жазбаша жауаптарына үйлесетін болса, оларды сызықшамен байланыстыра алады. Әрбір топ постерлермен танысқанша, барлық сұраққа жауап бергенше «Тізбек» жалғаса береді. Содан соң әрбір топ өз жауаптарын қорғайды және басқа топтардың жауаптарын талқылайды.

- білімалушылар арасында «Елбасының балалық шағы», «Қазақстан Республикасының Тұңғыш Президенті Н.Ә. Назарбаевтың кіші Отаны»; «Қазіргі заманғы көшбасшының балалық шақтағы армандары»; «Көшбасшының жолы» деген тақырыптарда үздік шығармалар конкурстары;

- Қазақстан Республикасы Тұңғыш Президентінің мұраларын (Тұңғыш Президенттің еңбектерін) зерделеу бойынша зерттеу жұмыстары мен ғылыми жобалардың конкурстары;

- «Нұрсұлтан Әбішұлы Назарбаев – Қазақстан Республикасының Тұңғыш Президенті» атты бейнесюжеттердің конкурсы;

- Қазақстан Республикасының Тұңғыш Президенті – Елбасы
Н.Ә. Назарбаев туралы кітаптардың көрмелері;

- жыл сайынғы мектепішілік Назарбаев оқулары.

1. Біздің Президент. Деректі повесть: орта және ересек мектеп жасындағы балаларға арналған. / Қасымбеков М.Б., Молдағаринов А.М., Хасенов Е.Ә. – Алматы: Алматыкітап баспасы, 2015 – 204 бет.

2. Н.А. Зенькович, Назарбаевтай болғым келеді. Президенттің балалық шағы туралы әңгімелер. – Кіші және орта жастағы балаларға арналған. – «Алматыкітап» баспасы, 2018 – 124 бет.
1-қосымша

1. Н.Ә. Назарбаев қашан дүниеге келді? (1940 жылғы 6 шілде)

2. Н.Ә. Назарбаев қай қалада еңбек жолын бастады? (Теміртау)

3. Қазақстан Республикасының негізгі заңы қалай аталады? (Конституция)

4. Н.Ә. Назарбаев Қазақстан Республикасының Президенті болып алғаш рет қай уақытта сайланды? (1991 жылғы 1 желтоқсан)

5. Қазақстан Республикасының Тұңғыш Президенті қандай спорт түрлерімен шұғылданады? (Теннис, гольф, шаңғы)

6. Қазақстан Республикасы Президентінің резиденциясы қалай аталады? (Ақорда)

7. Н.Ә. Назарбаевтың балалық шағына арналған фильм қалай аталады? («Балалық шағымның аспаны»)

8. Қазақстан Республикасы Әнұранының сөзінің авторлары.
(Н.Ә. Назарбаев, Ж. Нәжімеденов)

МАЗМҰНЫ

Бастапқы кезеңде мұғалім оқушыларды топқа бөліп, мәтіндерді үлестіреді. Әр топ өзі таңдаған мәтін бойынша жұмыс істейді. Мұғалім оқушыларды кітаптар жинағымен таныстырады, сол арқылы негізгі ойды немесе бүгінгі тақырыпты анықтауды ұсынады.

Оқушыларға мәтінмен жұмыс істеу кезінде төмендегі сұрақтар аясында зерттеу жұмыстарын жүргізу ұсынылады. Оқушылар топта жұмыс істеу кезінде рөлдерге бөлінеді. Мұғалім оқушылардың пікірі аясында қосымша сұрақтар қойып, ойларын қорытындылап, баға беріп отыруға және оқушылардың өздеріне кері байланыс жасауға мүмкіндік жасап отырады. Оқушылар рөлдік ойындар арқылы аталған мәселелерді шешеді.

№ 1. Біз өз жолымызбен – қазақстандық даму жолымен жүреміз

«...Қазақстандағы бүкілхалықтық президент сайлауы алғаш рет 1991 жылы 1 желтоқсанда өтті. Бұл кезең Кеңес Одағының ақтық демі таусылар кездің қарсаңы болатын, оның экономикасы да біржола күйреп жатты. Қараша айында сайлаушылармен кездескенде проблемалардан қашқақтауға тырысқан жоқпын, популистік уәделер де бермедім, керісінше, адамдармен ашық әңгімелестім. Сайлаушыларыма елді ауыр сынақтар күтіп тұрғанын, одан қалайда өту керектігін, себебі тәуелсіздік пен игілікке жетудің ептеп айналып өтетін басқа жолы жоқтығын түсіндірдім. Сайлау учаскелеріне 8 681 276 адам келді. 98,8 процент дауыс алған сәтте мен елдің президентін ғана емес, болашаққа баратын жолын таңдап, менің маңайыма ұйысқан еліммен бірге айтып тіл жетпейтін тұтастықты сезіндім. 10 желтоқсан күні Алматыдағы Республика сарайында Қазақстан Республикасы Президентінің ант беру салтанаты өтті. «Біз дербес өмір сүретін жағдайдамыз» – менің ұлықтау салтанатындағы негізгі сөзім осы болды...».

№ 2. Барлығы дәл осылай болған...

«...Дағдарыстың басталуымен тұтыну нарығынсыз, шикізатсыз және айналым қаржысынсыз қалған көптеген қазақстандық кәсіпорындар өндірісті қысқартуға, тіпті жұмысты тоқтатуға мәжбүр болды. Ресейден сода жеткізу тыйылғаннан кейін «Ақтөбе хром бірлестіктері» зауыты өнім шығаруды қысқартты. «Казстройполимер» шикізатсыз қалғандықтан, ол да тоқтады. «Шымкентшина» тоқтап тұрды. Ресейлік «Карбид», «Фосфор», «Химпром» жұмысын тоқтатуға жақын еді. Қарағанды металлургия, Өскемен қорғасын-мырыш және Лениногор полиметалл комбинаттары арагідік жұмыс істеп тұрды. Өз еңбек жолын домна өндірісінен бастаған маған қалыптасқан жағдай өте қатты әсер етті. Сондықтан бүкіл күш-жігерімді салып, өндірістік апаттың алдын алуға, өндіріс пен жұмыс орындарын сақтап қалуға тырыстым. Алайда республикалар арасындағы шаруашылық байланыс бірінен соң бірі үзіліп жатты. Әрі бұл процестің тоқтамайтыны да белгілі болып қалған еді. Осылайша, 1993 жылы 114 мың адам жұмыс істейтін қазақстандық 130 ірі кәсіпорынның біразы жұмысын толығымен немесе жартылай тоқтатты

Аса күрделі жағдайға қарамастан, мен қашанда адамдармен ашық әңгімеден бас тартқан емеспін. Жұмыстың жоқтығы мен ақшаның тапшылығынан өмірден түңілген адамдармен сөйлестім. Ондай кездесулер еліміз бойынша жасаған сапарларымда, кәсіпорындарда немесе көшеде, кез келген жерде болып жататын. Мен әркіммен сөйлесіп, бірде-бір адамның мұң-зарын ескерусіз қалдырмауға тырыстым, әркім үшін дұрыс шешім іздеп таба білдім, қиындықтардың артта қалатыны туралы отандастарымның жүрегіне үміт отын жақтым...».

№ 3.Шетелдік инвестициялар және өнеркәсіптің қайта өрлеуі

«...1990 жылдары қазақстандық бизнесмендер ірі кәсіпорындардың тиімді жұмысына жауап бере алатын толыққанды инвестор бола алмады. Оларда жеткілікті қаржылық капитал да, технологиялар да, кадрлар да, тәжірибе де, халықаралық байланыстар да, тұтыну арналары да болған жоқ.

Ірі шетелдік бизнесті ауқымды инвестицияларға өте мұқтаж қазақстандық өнеркәсіп жобаларына тарту үшін, шынында да, үлкен күш-жігер керек болды. Бірінші кезекте, ол Атырау облысындағы Теңіз мұнай кен орнына байланысты еді.

Теңіздегі америкалық әріптестермен келіссөз 1980 жылдардың өзінде басталған: КСРО-да осыншалықты күрделі кен орнын игеруге қажетті технология болмады. Дегенмен кеңестік құрылымдар Қазақстанды келіссөз процесіне тартуға асықпады. 1990 жылдардың басында ахуал өзгеріп, көптеген ресейлік өндіруші компаниялар өз үкіметіне қысым жасап, теңізді игеруге біздің елімізбен келісім жасауға тырысты...».

Тапсырма:

• 
  Мәтінде не жайында баяндалған?
  
• 
  Кейіпкер мәселені қалай шешті?
  

• 
  Қазіргі таңда еліміздің өнеркәсіп саласы қандай қарқында жұмыс істеуде?
  
• 
  Еліміздің болашағы үшін қандай маңызды қадамдар жасалды?
  

Мұғалім бүгінгі сабақты қорытындылайды. Сабақтың басындағы мақсатқа қайта оралады. Елбасымыздың өмірбаянынан маңызды мәліметтерді атап өтеді. Кері байланыс жасайды. Тұңғыш Президенттің еліміздің дамуына қосқан үлесін атап өтеді.

Мұғалімнің негізгі функциясы – бағыттаушы, сабақ үстіндегі процесті ұйымдастырушы, ой қозғаушы. Оқушылардың пікірін қолдап, тақырыптың аясында сұрақтар қойып қорытындылап отырады. Сыныпта дисскусиялық жағдаятты орнатып, сол арқылы оқушылардың қызығушылығын оятуға, белсенділігін арттыруға тырысады.

Бастапқы кезеңде мұғалім оқушыларды топқа бөліп, мәтіндерді үлестіреді. Әр топ өзі таңдаған мәтін бойынша жұмыс істейді. Мұғалім оқушыларды мәтінмен таныстырып, негізігі ойды немесе бүгінгі тақырыпты анықтайды.

Оқушыларға мәтінмен жұмыс істеу кезінде төмендегі сұрақтар аясында талдау жұмыстарын жүргізу ұсынылады. Оқушылар топтық жұмыс істеу кезінде рөлдерге бөлінеді. Мұғалім оқушылардың пікірі аясында қосымша сұрақтар қойып, ойларын қорытындылап, баға беріп отыруға және оқушылардың өздеріне кері байланыс жасауға мүмкіндік береді.

1. Берілген мәтіндегі негізгі ақпаратты анықтаңыз (өзіндік пікіріңізді білдіріңіз).

2. Мәтіндегі кейіпкердің басты қасиеттері оның тұлғалық бейнесін ашады ма? Өзіңіздің бойыңызда бар немесе болғанын қалайтын қасиеттерді байқадыңыз ба? (аргументтер жинап, фактілермен дәлелдеңіз).

3. Жетістікке жету жолы мәтінде көрініс тапты ма? Сіз өз мақсатыңызға жету үшін қандай әрекеттер жасап жатырсыз және ол осы мәтінде байқалды ма? ( салыстыру және талдау, жағдайға баға беру).

Бірде Әбіш үйге арнайы жер аударылған балқарлар отбасын ертіп келді. Назарбаевтар отбасы оларды шаңырағына паналатты, жұмысқа тұруына көмектесті. Ал Әбіш Назарбаев балқарлармен тез тіл табысып, олардың тілін үйреніп алды.

Көп ұлт мекендеген Шамалған тұрғындары ауызбіршілікте тіршілік етті. Ешкім ұлтқа бөлінген жоқ. Нұрсұлтан Назарбаев кейінірек кітаптарының бірінде сен қазақсың ба, украинсың ба, шешен әлде неміссің бе, балалардың арасында оны ешкім де есіне алмайтыны туралы жазды: «Егер қазақ үйіне месхеттік түріктің баспанасы жапсарлас салынып, ал келесі үйлерде Богдан, Рихард, Олег тұрып жатса, қайтіп бөлінеді. Ұлдар жағы тек тұрған көшелеріне қалай топтасатын. Көше-көшеге бөлініп, төбелескен кездері де болды. Бірақ достық пен өзара көмек өмір салтына айналған еді...».
№ 2. Болашаққа бастар жол
Қаскелеңдегі Нұрсұлтан бітірген орта мектептің оқу ісінің меңгерушісі Сейітхан Исаев жас ұланның білімге құштарлығын және ақылдылығы мен алғырлығын бірден байқайды. «Ол ең үлгілі оқушы болды. Сабақты ұйып тыңдайды, оқу бағдарламасынан тыс сұрақтар да қояды. Мұғалімнің әр сөзіне мән береді. Кітаптан бас көтермейтін, үнемі оқып отыратын». Нұрсұлтанның балалық және жастық шағы ұзаққа созылған жоқ. Мектепті бітіріп, 18-ге таяған Нұрсұлтан өз қатарластарының арасында терең білімімен, ой-өрісінің кеңдігімен ерекше көзге түсті. Тынымсыз еңбек, спортпен жүйелі айналысу оны тығыншықтай етіп, шыңдап шығарды. Ол құрбы-құрдастарына қарағанда әлдеқайда ересек сияқты көрінетін. Бірақ оны ерекшелеген басты нәрсе – пікір айтудағы және әрекет етудегі дербестік пен жетекшілікке тұрақты ұмтылыс еді. Ол құрбы-құрдастарымен алғаш танысқан сәттен бастап, тіл табысып кете беретін. Өз ортасының ұйытқысы және қоғамдық ұйымдастырушысы болды. Әзіл-қалжыңға бейім болды, әнді жақсы айтатын, елдің көңілінен шығып, өз ортасын тез үйіріп әкете білді...».
№ 3. Білім мен біліктілік
Теміртауға келген соң, ол болашақ металлург ретінде Украинаға, Днепродзержинск қаласындағы Днепр металлургия комбинаты жанындағы кәсіптік-техникалық училищеге оқуға жіберілді.

1959 жылы Нұрсұлтан Назарбаев Кәсіподақтардың бүкілодақтық орталық кеңесі ұйымдастырған жарыста жеңімпаз атанды.

Сөйтіп, ол училище бітіргенде металлургтің қиын да күрделі мамандығын игеріп қана қоймай, Украинаның спорт шебері атанды. Табандылығы мен қайсарлығы өзі таңдаған мамандық бойынша барлық пәнді үздік игеруге жол ашты. Сондай-ақ Елбасы оқу бітіретін кездегі біліктілік емтихандарынан үздік баға алып, «Домна пешінің сегізінші разрядты екінші горновойы» куәлігін иеленді.
№ 4.Кемел тұлға
Теміртауға оралғаннан кейін Нұрсұлтан Назарбаев өмірбаянының «жалынды» кезеңі басталды. 1960 жылы 3 шілдеде сол кезде Қазақстан мен Орталық Азиядағы алғашқы және бірден бір домна пеші іске қосылды. Бұл Қазақстан Магниткасы – Қарағанды металлургия зауытының өмірге келген күні болып саналады. Қазақстанның алғашқы шойынын қорытуға тәжірибелі шеберлермен бірге жас металлург Назарбаев та қатысты. Ол «Қарметте» басқа да тектес мамандықтарды игеріп, құю машинасының шойыншысы, домна пешінің горновойы, домна цехының диспетчері, газшысы болып жұмыс істеді. Жұмыс өте ауыр еді, кейбіреулер алапат ыстық пен қиындықта шыдамай, есінен танып, мұрындарынан қан саулап жататын. Көптеген жастар осыған төзе алмай, кетіп қалды. Бірақ Назарбаев олардың қатарынан емес еді. Ол бәріне шыдауға ант берді және шыдай біліп, жұмысты дөңгелентіп әкетті. Онымен бірге қиындықтарға төтеп берген жолдастары Төлеген Юсупов пен Болат Кәрімов те жоғары білікті металлургтерге айналды.
№ 5. Ұлт көшбасшысы
Өміріндегі бетбұрысты сәт оның 1972 жылы өзіне етене жақын Қарағанды металлургия комбинатында партия комитетінің хатшысы лауазымына тағайындалуы болды. Нұрсұлтан Назарбаев 1979 жылы Қазақстан Компартиясы Орталық Комитетінің хатшысы болды. 1984 жылы 44 жасында Қазақ КСР Министрлер Кеңесінің Төрағасы болып тағайындалды. Қазақ КСР Компартиясының Орталық Комитеті 1989 жылғы 22 маусымда бірінші хатшы лауазымына Нұрсұлтан Назарбаевты сайлады. Қазақ КСР Жоғарғы Кеңесі 1990 жылғы 24 сәуірде Қазақ КСР Президенті лауазымын белгіледі.

1991 жылғы 1 желтоқсанда Қазақстан Республикасы Президентінің алғашқы бүкілхалықтық сайлауы өтіп, сайлаушылардың толық қолдауына Назарбаев ие болды.

1991 жылғы 16 желтоқсанда Қазақ КСР Жоғарғы Кеңесі Қазақстан Республикасының мемлекеттік тәуелсіздігін жария етті. Нұрсұлтан Назарбаев тәуелсіз Қазақстан Республикасының Президенті қызметіне кірісті.

Қазақстан Республикасының қайта қабылданған Конституциялық заңы негізінде 2010 жылы 15 маусымда Қазақстан Республикасының Президенті Нұрсұлтан Назарбаевқа Елбасы (Ұлт Көшбасшысы) мәртебесі берілді.

Мұғалім бүгінгі сабақты қорытындылайды. Сабақтың басындағы мақсатқа қайта оралады. Елбасымыздың өмірбаянынан маңызды мәліметтерді атап өтеді. Кері байланыс жасайды. Тұңғыш Президенттің еліміздің дамуына қосқан үлесін атап өтеді.

- оқушылардың бойында «қайырымдылық» түсінігін қалыптастыру;

- қайырымдылық жасаушылардың белгілі іс-әрекеттері туралы түрлі ақпаратты талдай білуді дамыту;

- білімалушыларды Елбасының қайырымдылық идеялары мен үлгілерінде тәрбиелеу.

Бірнеше оқушы пресс-конференция өткізуге дайындалады, сынып оларға сұрақтар қояды, арнайы сайланған қазылар алқасы әр сұраққа және әр жауапқа балл қояды.

Сабаққа дейін қатысушылардың жұмыс тобын құру қажет. Әр топ екі тапсырмадан орындайды: өз қайырымдылық эмблемасын ойлап табу, бейнелеу және түсіндіру; Н.Ә.Назарбаевтың қайырымдылық қызметтері туралы хабарламалар дайындау.

Педагог «Қайырымдылық туралы» Қазақстан Республикасының 2015 жылғы 16 қарашадағы № 402-V Заңы туралы қысқаша ақпарат береді.

Бейнеролик/презентация ұсынылады.
II КЕЗЕҢ (25 минут).

Мысал ретінде педагог Елбасы Нұрсұлтан Назарбаевтың Қытайға сапары кезінде алған «Жібек жолы» бейбітшілік сыйлығының қаражатын Аружан Саинның қайырымдылық және мемлекеттік тілді дамыту қорларының әрқайсысына 300 мың доллардан бергені туралы әңгімелейді.

Н.Ә.Назарбаев: «Бұл қаражат, әрине, барлық түйткілді шешпейді. Бірақ оның берілуі біздің қоғамды қайырымдылыққа көбірек көңіл бөлуге үндейтін белгі болып саналады, өйткені қоғам қайырымдылыққа ерекше көңіл бөлуі тиіс», – деп тұжырымдайды.

Нұрсұлтан Назарбаев осындай әлеуметтік маңызды бағыттармен айналысатын қорларға барлық қоғамның қолдауы қажет екенін атап көрсетті: «Бұл істі қолға алып отырғандықтарыңыз Сіздердің мейірімділіктеріңізді көрсетеді, өз қаражаттарын балаларға көмек көрсетуге бере алатын біздің азаматтарымыздың назарын аударатын іс. Сонымен қатар біз аурудың пайда болу себептерін анықтауымыз және олардың таралуының алдын алуымыз керек».

Елбасы Нұрсұлтан Назарбаев мемлекеттік тілді дамытудың ел болашағы үшін маңызды мәнге ие екендігін төмендегідей атап өтті: «Бұл мәселе тез шешіле қоюы мүмкін емес, ұзақ уақыт жұмыс жүргізген жөн. Мұны өскелең ұрпақтан бастау қажет. Тілдің дамуына жан-жақты көмек көрсету керек. Зиялы қауымды тартып, өзекті шығармаларды талқылау, тілді үйренудің жаңа әдістерін ілгерілету маңызды».

Елбасы қоғамдық бірлестіктер жұмысының әлеуметтік тұрақтылық үшін айрықша маңызы бар екенін, ол мемлекеттің басымдығы бар бағыттарына сай келетінін баса айтты: «Қоғамның әл-ауқаты неғұрлым жоғары болған сайын, ол мұқтаждарға, соның ішінде науқас балаларға, мүмкіндігі шектеулі азаматтарға, зейнеткерлерге соғұрлым көбірек көмектесетін болады. Қазақстанның балалары ата-анасы бола тұрып, балалар үйінде тәрбиеленбейтіндей, ал балалары бар ата-аналар қарттар үйіне түспейтіндей жағдай жасау маңызды. Осының барлығы үшін қоғам мен мемлекет бірлесіп жұмыс істеуі керек. Сіздер сияқты энтузиаст жандар елдің табысты дамуы мен оның болашағы үшін өте қажет».

Қайырымдылық іс-әрекеттерінің мақсаттарымен таныстыруды топтық формада ұйымдастырған дұрыс. Сабаққа дейін қалыптастырылған топ жұмыстың алдында өзін таныстырады, оның барысында әзірленген қайырымдылық эмблемаларын көрсетеді.

Топтық жұмысқа бағыт: әр топқа «Қайырымдылық туралы» Қазақстан Республикасы заңының 2-бабын оқып шығу және «Қайырымдылық қорлары қандай мақсатпен құрылады?» сұрағына жауап беру. Сұрақтарға жауап бергеннен кейін талқылау ұйымдастырылады.

«Қайырымдылық адресаттары» сызба-нұсқасы топпен толтырады.